رواية صعيدي امتلك قلبي الفصل السادس والعشرون 26 - بقلم جني محمد

عند يونس وصل ولقا المكان شبه بيولع. اتصل بالمطافي وحاول يدخلهم، بس تقريبا النار اتمكنت من المكان. عند احمد ومحمود. "هنعمل ايه دلوقت؟ " قال احمد بصدمه. "هشوف اي حاجه احاول اكسره بيها." رد محمود. محمود لقا شاكوش وحاول يكسر الباب لحد ما اتكسر. "اطلع يلا بسرعه." قال محمود لاحمد. "هنطلع مع بعض يلا." قال احمد. "احمد النار اتمكنت من الاوضه. اخرج انت علشان فيروز بسرعه." قال محمود. "لا يا محمود، قولت مش هخرج." قال احمد.

محمود قلع بسرعه الجاكيت بتاعه وحطه علي وش فيروز علشان متشمش دخان كتير. "كح.. احمد اخلص.. كح كح.. مفيش وقت." قال محمود بتعب. "قولتلك مش هطلع غير ورجلي علي رجلك." قال احمد. محمود مسك احمد وطلعوا من الاوضه واتجهوا ناحيه الباب وبيحاولوا يتجنبوا النار. ولسه هيطلعوا كان السقف انهار وهيقع. محمود زق احمد بره بسرعه والسقف انهار علي محمود. "محمود .لاااااااااا محمود متسبنيش." قال احمد بصدمه ودموع. يونس شافه وجري عليه بسرعه.

واخد منه فيروز علشان كانت هتقع. "م.. محمود ج.جوه." قال احمد بصدمه. "ادعيله يا احمد، هو في مكان احس." قال يونس بحزن. "لا لا انت بتكدب. محمود محصلهوش حاجه. هو هيطلع دلوقتي ويرخم عليا ويهزر. لا محمود محصلهوش حاجه." قال احمد بصدمه. يونس كان باصصله بحزن وخوف عليه وحاول انه يقنعه يجي المستشفي. واحمد رفض وقال هيستني محمود.

"احمد انا عايزك تهدي خالص. هو في مكان احسن واجمل مفيهوش حزن ولا قلق ولا زعل. اهدي انت كده بتعذبها." قال يونس. "متقولش كده. هو محصلهوش حاجه. هو كويس." قال احمد بزعيق. يونس لسا هيرد عليه بس سمع صوت حد ولفا شافه اتصدم هو واحمد. عند تمارا. مارا سابت الازازه من ايديها واستغفرت ربها. بعدين مددت علي الارض وراحت في النوم وهي بتفتكر اوحش ذكرياتها مع عيلتها وانهم ندموا انهم جابوها. نامت ودموعها كانت علي خدها.