رواية صعيدي امتلك قلبي الفصل الثالث والعشرون 23 - بقلم جني محمد

احمد دخل يجري بسرعة على أوضة فيروز. ملقهاش، بس الأوضة كانت ولعت. خرج بسرعة من الأوضة ومش عارف هي راحت فين. محمود جه وراه. محمود: لقيت فيروز؟ احمد بقلق: لأ مش لاقيها. فين ماسة؟ محمود: مش عارف، سبتها بسرعة وجيت وراك. احمد فكر لثواني وبعدين جري للمكان اللي كانوا فيه. ملقهاش. احمد: آه يابنت ال****. محمود باستغراب: في إيه يابني فهمني. احمد بغضب: في إننا اتلعب علينا من واحدة متسواش. محمود بقلق: طب وهنعمل إيه؟

احمد كان هيرد عليه، بس اتبعتله فيديو. فتحه واتصدم لما لاقى فيروز واقعة على الأرض ووشها مليان كدمات. رقم غريب رن على احمد. رد بسرعة عليه وسمع صوت ضحك. عند يونس. سمع صوت صويت وصراخ. راح بسرعة للمكان اللي فيه الصوت. شاف تمارا ماسكة واحدة بتضربها، والتانية بتضرب تمارا. ام فتحي: الحقني يباشا أبوس إيديك. يونس: إيه اللي انتي عملتيه ده؟ تمارا بغضب طفولي: هي اللي كانت بتغش في اللعبة. يونس بغضب: انتي هبلة يابت انت ولا إيه؟

تمارا لوهلة خافت من غضبه، بس حاولت ما تبينش. قبل ما يكمل بقيت الكلمة، يونس قرب عليها وضربها بالقلم جامد. العسكري جه خد تمارا بسرعة على الحجز الانفرادي. وهي لسه حاطة إيديها على خدها وبتنزف من بوقها. يونس طلع من القسم بغضب وراح لفيروز المستشفى. عند تمارا في الحجز. كانت ضامة رجليها لجسمها وحاطة راسها على رجليها وبتعيط بصمت. وفي ذكرى مرت عليها، فانتفضت جامد. تمارا بخوف: لأ لأ مش هيحصل. مش هسمحله يدمرني. مش هسمحله.