رواية صعيدية امتلكت قلب الاسد الفصل الثاني 2 - بقلم رنا احمد

كانت حور تفكر في ذلك الأمر. هي حقا تحتاج إلي ذلك الشغل. حسان بغيظ شديد: إيه ي دكتوره فكرتي ي اختي. حور بغرور وثقه: طب سبني شويه افكر ي خالي. حسان وهو يذهب بغيظ: طيب ي اختي أنا هروح ل عمك عرفان وبعدين هعدي عليكي سلام ي بنت اختي. حور بشرود وهمس: والله فكره أكيد فلوسهم حلوه. يعني انتي قاعده هنا بتهببي إيه. وراكي الديوان ي اختي. شريف بوقاحه واستفزاز: كيفك ي حور ي ورده الصعيد كلها. حور بكره واشمئزاز منه:

عايز إيه وإيه اللي جابك هنا. شريف بابتسامه خبيثه: فيه حد يقول ل ابن العمده برضك. رايح فين وجاي منين. حور بغضب شديد: ابن العمده هناك في بيتكم مش هنا. يا واكل ناسك. وبعدين انت عايز مني إيه. شريف بابتسامه: عايزك في الحلال وانتي عارفه كده. حور بغضب:

حلال وإلي زيك يعرف الحلال. كنت روحت اتجوزت البت اللي اغتصبتها ودمرت حياتها ي واطي ي ناقص. اللي زيك ميعرفش غير الدمار ووجع القلب. واسمعني زين. أنا مش زي أي حد. ولا يهمني ابن العمده ولا ابن الجن الأزرق. حتى وأياك تقرب مني تاني. شريف وهو يرمي السيجاره أرضا بغضب: ماشي ي حور. أنا وانتي والزمن طويل. ومش هرتاح غير لما أجيبك ليا. انتي لعنتي اللي مش عارف أخلص منها واصل ي حور. في مدرسه زين وسليم. سليم بتنهيده وضيق:

أووف الامتحان كان صعب أوي. عملت إيه ي زين. زين بشرود: الحمد لله ي سليم. سليم باستغراب: مالك ي زين. بتبص على إيه. زين بقلق: ببص على رحمه. قالتلي إنها هتستناني قدام المدرسة بس واضح إنها مقدرتش تيجي. سليم بضيق: تاني رحمه ي زين. أنت لسه قدامك كتير أوي لحد ما تفكر في موضوع زي ده. زين بضيق: بحبها ي سليم. بحبها وعايزها. ي اخي حس بيا. ده أنا تؤامي. سليم بابتسامه:

ي حبيبي أنا مقصدش. بس أنت عارف أبوها. وأنت مش مستعد لده دلوقتي خالص. زين بضيق شديد: ربنا يقدم اللي فيه الخير ي سليم. سمير بخبث ومكر: إيه مالكم. شكلكم كده مكبوتش كويس. بس طبعًا هتجوا معانا الرحلة اللي طالعة بعد بكرة دي. هتبقى رحلة وهم. زين باستغراب: رحلة كده في وسط الامتحانات. معقول. زين بضيق: لا طبعًا مش هينفع. سمير باستفزاز وخبث:

ههههه. أه صحيح نسيت إن أسد أخوكم مش هيوافق. ي ابني انتوا هتفضلوا كده ملكوش شخصية. وأسد أخوكم متحكم فيكم كده. يلا سلام. سليم بعصبية وغيظ: شايف عجبك كده. كل من هب ودب يتريق علينا. إحنا فعلاً معندناش شخصية. إحنا لازم نعيش حياتنا على كيفنا. نخرج ونسهر براحتنا. زين بجدية: عندك حق ي سليم. كفاية حياتنا تتضيع تحت رحمة أسد. إحنا لازم نعيش حياتنا ونعيش سننا. في الصعيد. في منزل ساره صديقة حور. ساره بدموع وألم:

ي عني إيه ي حور. هتسبيني وتسافري. حور وهي تحتضنها بحنان: جرا إيه ي بت. هو أنا مسافرة المريخ ولا إيه. ده أنا كل أسبوع هاجي هنا. هو أنا أقدر أستغنى عنك ي بت. وبعدين أنا نذرت ندر إني أغني في فرحك ي بت. ساره بدموع وألم: فرحي. وده مين اللي هيتجوز واحدة معيوبة زي. حور بغيظ: تفي من بوقك ي بت. ده انتي ست البنات كلها. وإن شاء الله هتلاقي اللي يستاهلك. ساره بدموع وقهر: ربنا ينتقم منك ي شريف الكلب. حور بغيظ وكره لذلك الاسم:

إن شاء الله ربنا هياخدلك حقك منه. المهم على تليفونات بقى. وأدعيلي ربنا يكرمك. ساره بابتسامه من بين دموعها: ربنا يكرمك ي حور. انتي تستاهلي كل خير ي حبيبتي. في الوزارة. كان يسير أسد ببطلته وهيبته المعهودة لمكتب اللواء جلال. في مكتب اللواء جلال. اللواء جلال بحده: أظن ي أسد باشا إنك ظابط. والمفروض إنك بتاخد أوامر وتنفذها صح. أسد بحده: لا سعادتك. أنت عارف إني بنفذ اللي بشوفه صح. جلال بغضب:

وإنت سعادتك شايف إن الصح إنك تعامل البنت كده. اللي هي الخيط الوحيد اللي هيوصلنا لأبوها. اللي شاكين إن أبوها على علاقة بأخطر عصابات وبيخططوا لحاجة خطيرة في البلد. أنت جالك إيه ي أسد. أسد بغضب جحيمي: أيوه ده الصح. لأني مش هغضب ربي وأرتكب جرم كبير زي الزنا. حضرتك شايف إن الهانم مش هتتطمنلي وتثق فيا إلا لما أكون معاها في السرير. وأنا مش هعمل ده حتى لو على رقبتي. حتى لو هسيب القضية دي والشرطة كلها. عن إذن سعادتك.

جلال بصرامة: أسد صدقني لو خسرت القضية دي هتبقى خسرت كتير أوي. أسد وهو يمسك هاتفه الذي ينير باسمها بخبث: مش واضح سعادتك. أهي بتتصل. سلام ي سيادة اللواء. في الجامعة. الذي يعمل بها يوسف أخو أسد وخطيبته هبه. كانت تجلس هبه على الطاولة وهي تدون بعض الملفات. لتنقض عليها سما بغضب شديد: انتي مش هتبطلي حركاتك دي ولا فاكرة إن محدش فاهمك. هبه بحده: اتكلمي كويس ي سما. ده ذنبي إن خايفة عليكي. سما بغيظ:

لا ي شيخة. خايفة عليا ولا عايزة دايماً تباني قدام يوسف المصلحة الاجتماعية اللي بتخاف على الكل. ابعدي عني أنا بالذات. فاهمة. يوسف بحده: فيه إيه. شكلكم باين من بعيد. إيه اللي حصل. هبه بخبث ودموع مصطنعة: أنا معملتش حاجة ي بيبي. هي اللي جات من غير سبب واتخانقت معايا. مش عارفة هي مالها. سما بغيظ شديد: أنا مش عارفة انتي إزاي كده. بس اسمعيها مني. مش هتوصلي للي بتفكري فيه ده. بعدك فاهمة. يوسف باستغراب:

قصدك إيه ي سما. متفهيميني أنا كمان. هبه بارتباك: سيبك منها ي حبيبي. مفيش حاجة. سما بغيظ: سلام ي دكتور يوسف. هبه بابتسامه خبيثه: حبيبي. إيه رأيك تروح نتغدى بره. يوسف بابتسامه: أوكي ي حبيبتي. يلا. هبه بغيظ وهمس: طيب ي سما. أما كنت أقلب الطربيزة عليكي. مبقاش أنا هبه. في الصعيد. في منزل حور. كانت تقف حور بدموع وتأثر وهي تعد شنطتها. حسان بغيظ شديد: جرا إيه ي ست شاكيرا. يعني سايبة الفيلا وراكي. ده بيت شبه الزريبة.

حور بغيظ شديد: جرا إيه ي خالي. طلعتني من المود. مش شايفني بتشحطط إزاي. حسان بغيظ: تتشحطي في نار جهنم ي بعيدة. خلصينا ي اختي كده هنتاخر على الناس. حور بغيظ: يلا. أهو خلصت. هتوحشني والله ي ادي البيت. حسان بغيظ شديد: عوض عليا عوض الصابرين يارب. في أحد الكافيهات الفاخرة. جاكلين وهي تمسك يد أسد بعتاب: كده برضه ي أسدي. عشان زعلنا مع بعض آخر مرة تسبني كده. أسد بخبث ومكر:

معلش ي حبيبتي. مانتي كمان مكنش ينفع اللي عملتيه ده. أنا قولتلك هنا غير أمريكا. بس قوليلي عامر باشا أخبره بيه. جاكلين بضيق: جرا إيه ي أسد. هو طول ماحنا قاعدين تكلمني على بابي. خلينا إحنا مع بعض يروحي. أسد بزفر وهمس: ياربي عدي المهمة دي على خير. عشان زهقت. من داخل فيلا أسد. حور بغيظ شديد:

استغفر الله العظيم يارب. استغفر الله العظيم. أنا كنت متأكدة إنهم ناس شمال. أكيد الغنى ده اللي هما فيه من وراء قوت الناس الغلابة اللي ماصين دمهم. حسان بغيظ: اللهي يمص دمك تعبان ي شيخة. ويخلصني منك ي بت. اهدي بقا وكلي عيش. وانتي ساكتة. حور بغيظ: وأنا عملت حاجة. مش بقول الحقيقة. ولا هي الحقيقة كده دايماً بتزعل. زين وهو يجري خلف سليم بضحك ليصطدم ب حور: سوري. حور بغيظ شديد:

ما طبعًا لازم تشتم. مانتوا متربتوش ولا بجنيه واحد. أهو من أولها ي سي حسان. شتيمة وقلة قيمة. شاكلي مش هعمر في الشغلانة دي. حسان بغيظ وهو يكاد يصاب بشلل منها: ده أنا شاكلي اللي مش هيعمر في الشغلانة دي. ورفدي وقطع عيشي هيكون بسببك. امشي ي بت امشي قدامي. حور بغيظ: بالراحة متزقش. في الداخل. كانت تجلس نيرمين والدة أسد. حسان بابتسامه: صباح الفل ي ست الكل. نيرمين بابتسامه: صباح الخير. هي دي البنت. حسان بابتسامه:

أيوه ي هانم. حور بنت اختي. مشاء الله لهلوبة. حور بضحك ومرح: وساعات يبقى اسمها الهلال والنجمة. ههههه. نيرمين بضحك: ههههه. شكلك دمك خفيف. كنت بتشتغلي قبل كده ي حور. حور بغرور وهي تجلس على الكرسي أمامها: أنا مفيش حاجة مبعرفش أعملها. ي هانم. أنا أكبر بكتير من إني أتكلم عن نفسي. حسان بغيظ وهمس: تقولش قاعدة في بيت أبوها. يسترها ربنا ومتبقاش آخرتي على إيدك ي حور. نيرمين بابتسامه حنونة:

طب تعالي ي حبيبتي المطبخ علشان أعرفك هتعملي إيه. حور وهي تأتيها مكالمة من صديقاتها لتتحدث بغرور: طب معلش معايا مكالمة فيديو كول. هخلصها وأجي مع حضرتك. نيرمين بضحك على عفويتها: طيب. حور وهي تعطي حسان ظهرها لتفتح المكالمة لتظهر نعمات صديقاتها. حور بابتسامه ومرح: بت ي نعمان كيفك ي بت. حسان بغيظ شديد: الله يحرقك انتي ونعمات في ساعة واحدة. اقفلي ي بت الهباب ده. انتي فاكرة نفسك قاعدة في النادي ي روح أمك. حور بغيظ شديد:

حسان امشي دلوقتي علشان أعرف أتكلم مع البت. ليذهب حسان إلى الداخل. وفي نفس اللحظة يدخل أسد لينظر بدهشة من تلك الفتاة. حور بجدية: مالك ي بت ي نعمات. شكلك معيطة ليه. نعمات بدموع وصراخ: الزفت جوزي ي حور ضربني وبهدلني آخر بهدلة. حور بغيظ شديد: آه ي شبعان ي ابن تفيدة العمشه. أنا قولتلك جوزك ده عايز يتهزق ويتمسح بيه التراب. كل الرجالة كده عايزين الحرق وياخدوا بالجزمه على دماغهم. نعمات وهي تنظر إلى أسد بإعجاب:

طب والقمر المنور ده كمان. ماهو من ضمن الرجالة برضك ي خور. ده ياخد بالجزمه ده. حور بغيظ شديد: هو لسه ممشيش. ده وقعته معايا سوداء. بقولك إيه ي جدع انت. ادخل جوه واتقي شري. بدل ما هتتبهدل. وانت عارف لساني. هفرج عليك خلقة براحتك بقا. أسد وهو يقترب منها وينظر إليها نظرة توحي بهلاكها: هو مين ده اللي هياخد بالجزمه ويتهزق كمان.