رواية صعيدية امتلكت قلب الاسد الفصل العشرون 20 - بقلم رنا احمد

كنت قاعدة في أمان الله على البحر بكتب "عشقت صعيدية". وفجأة طلعت عليا المجنونة دي. حور بغيظ شديد: انتي ي ست رنا ي كاتبة نص كوم انتي. رنا بغيظ وصراخ: هو انتي ي بت؟ هو أنا مش خلصت الرواية وارتحت منك خالص؟ عايزة إيه؟ حور بغيظ وهي حاطة إيدها في وسطها: لا ي دلعدي، النهاية مش عاجباني، مش داخلة دماغي. رنا بغيظ وصراخ: طبعًا مش عاجباكي يختي، عشان نهاية هادية ورومانسية وعاقلة، وانتي ملكيش في كل ده أصلًا ي بنت المجنونة.

حور بغيظ: وهو مين اللي عمل المجنونة دي؟ مش انتي يختي؟ بقولك إيه، أنا زهقانة ومش طايقة نفسي وعايزة أتجنن على حد، اتصرفي. أنا زهقت، مفيش حاجة بعملها غير "بحبك ي أسد"، "بموت فيك ي أسد"، "بعشقك ي أسد"، بس كده، ليه الملل ده؟ رنا بغيظ شديد: تصدقي بالله؟ أنا فعلًا غلطانة إني رجعتك لأسد، تلاقيه عمال يدعي عليا ليل ونهار. حور بغضب شديد: لا يختي، ده مقضيها مع الست ملاك. رنا باستغراب: مين ملاك؟ أنا مكتبتش ملاك في الرواية أصلًا.

حور بغيظ: هي جات من العدم يختي، المهم النار فايدة فيا، منها اتصرفي. أسد بابتسامة ساحرة: أووه، البرنسيسة بنفسها هنا. رنا بابتسامة: حبيبي ي أسد. حور بغيظ: ده حبيبي أنا يختي، وانت كمان ي أخويا برنسيسة إيه؟ انتوا كلكم مغشوشين في البت دي، إلا مبدعة الـ... دي، ولا بتفهم حاجة خالص. رنا بغيظ: بقا كده؟ طيب أسد، اعمل حسابك إنك هتجوز عليها، أنا هوريك. حور بغيظ: يجوز إيه ي روح النونة؟ ده أنا حور.

أسد بابتسامة: بصراحة ي رنا، انتي الكاتبة، لكن أنا مش عايز حاجة تتغير، أنا بحب المجنونة دي ومش هكون لغيرها. حور بضحك: ههههههه، يلهوي على الكسفة اللي انتي فيها. رنا بغيظ شديد: بقا كده؟ هو انتوا فاكرين إني أصلًا فاضيلكم؟ أنا قاعدة بكتب "عشقت صعيدية"، عيال مززز من الآخر جامدين آخر حاجة. أسد بغيظ: قصدك إيه يعني؟ مززز عني ولا إيه؟ رنا بارتباك شديد: ها، لا طبعًا ي كبير، هو فيه أحلامنك ده؟ ل عاشوا ولا كانوا.

ملاك بسخرية واستفزاز: مين دول ي أسد؟ جرا إيه ي حبيبي؟ انت كل البنات اللي حواليك شكلهم كده؟ دول مش ستات خالص. حور بغيظ شديد: لا يختي، فراخ لميها بدل ما أخليكي تتحسري على حالك. رنا بغيظ وهي تتحدث مع حور: مين البت الرخمة دي؟ حور بغيظ: شوفتي يختي؟ مش بقولك؟ دي زميلة أسد باشا في الإدارة، قال قعدة عندنا يومين بيستعدوا للمهمة، اصرفيها بقا، مش طايقة اللي خلفوها. رنا بغيظ: هو أنا طالعة من الفانوس ي بت؟ اجمعيلي العيال حالًا.

حور بمرح وضحك: ههههههه، حلوتك ي رنا، حالًا. في فيلا أسد. كريم بسخرية: أوامروا ي معلمين، انتوا عايزين إيه؟ رنا بغيظ: اسمع يالا، البت دي عايزينها تتربى، مفهوم كلامي؟ حور بغيظ شديد: يعني عايزين نقطع عرق ونسيح دم؟ مريم بابتسامة: بقولكم إيه، إيه رأيكم نرميها من الدور التاني؟ تامر بغيظ: لا نولع في شعرها. رقية بضيق: لا ي عيال، نحلقه بالموس ونفتح وشها كده بالمؤس الـ... ي عني نزل غلط.

إياد بتركيز: لا، نحطلها قرش حشيش ونبلغ عنها. زياد بجدية: أو بودرة. سالي بغيظ: أو نفتح عينها بسيخ البوتاجاز. حور بفخر: تربيتي والله، الفخر كله. رنا بفزع وصراخ: الله يخربيتكم! هو أنا كاتبة شخصيات مصاصين دماء؟ إيه ي عيال؟ طبعًا مانتوا تربية المجنونة. حور بابتسامة واسعة: تشكري ي زوق. كريم بانتباه: انتي إيه اللي ف دماغك ي معلمة؟ رنا بابتسامة خبيثة: خودوا ده. حور باستغراب: إيه ده؟ مياه نار؟ أيوه نشويها، هو ده الكلام.

تامر بغيظ: ليه ي شيخة؟ دي مزة. حور بغيظ: هديك بالجزمة يالا. رنا بزفر: استنوا عليا أتكلم، دي بودرة هرش، حطوها في المياه بتاع البانيو، وبعدين تسببوا فئران في الأوضة بتاعتها، مش بس كده، لا تحطولها البهارات دي في الأكل. حور بمرح وضحك: ههههههه، حلوتك ي كبير، هو ده هههههههه.