رواية صعيدية امتلكتني الفصل الأول 1 - بقلم اسماء صالح

صوت زغاريد وأغاني وبنات بترقص في وسط البيت. سعيدة: خلصتي يا فتحية الطبيخ؟ فتحية من جوه المطبخ: خلاص يا ست الحجة اهو خلصت.. فاضل بس حباية الكوارع دول هنخلصهم أنا والبنات. سعيدة بحماس: ماشي يا فتحية شدي حيلك معانا عاد. طلعت من المطبخ وقعدت في الصالة وبتصقف مع الحريم والبنات بترقص بفرحة. سمية بتهمس في ودن سعيدة: يما الحقي مريم راجعة من بره بتعيط وحابسة نفسها في الأوضة. سعيدة (40 سنة) بخضة: إيه.. ليه بتعيط؟! سمية

(20 سنة) : مش عارفة تعالي نشوفها! قامت سعيدة بقلق وراحت ع أوضة مريم وبتخبط ع الباب جامد: مريم افتحي يا بنتي أي الي حصل راجعة بتعيطي ليه. في الأوضة.. مريم (22 سنة) قاعدة في الأرض وساندة ضهرها ع السرير وصوت شهقاتها عالية. **قبلها بساعة** مريم بصدمة: انت بتقول إيه يا موسي إحنا فرحنا بكرة انت واعي بتقول إيه؟ موسي بقرف: واعي يا مريم ومش عايز رغي كتير عاد تروحي البيت وتقوليلهم مش عايزة الجوازة دي..

مريم بزعيق: أنت اتجننت بعد ما الفرح قرب عايز تنهي كل حاجة كده وتسيبني ليه ليييه؟ موسي مسكها من دراعها: بقولك إيه يابت انتي أنا قولت كلمة وهتتنفذ شايفاني هموت عليكي عاد واتجوزك ده كان حتة رهان مع ولاد عمي وبس ويلا غوري من هنا لحد يشوفك. مريم بصدمة ووجع: رهان أنا كنت رهان يا موسي الله يكسر قلبك زي ما كسرتني. موسي بصوت عالي وبيزيحها ع الأرض: غوري يا مريم من اهنه يلااا امشي.

مشيت وهي بتعيط في الطريق وخبت وشها بالطرحة من عيون الناس عليها. **باك** قامت من مكانها وبتسند أيدها ع السرير من كتر العياط قربت من الباب تفتحه لامها واختها. مريم بكسرة: خلاص ياما كل حاجة انتهت مفيش فرح. سعيدة بخبط ع صدرها بصدمة: فرح إيه اللي انتهي يابت انتي واعية بتقولي إيه زين. مريم بانهيار: واعية يما واعية سيبوني عاد واطلعوا. وقفت الباب في وشهم ودخلت اترمت ع السرير تبكي. جمال (أبو مريم 60 سنة) عمدة البلد

وهو طالع ع السلم بعصبية: سعيدة سيبيها وتعالي ورايا. سمية بصت لسعيدة: هو في ياما أنا كده قلقت ع مريم. تنهدت بخوف وهي رايحة الأوضة: استرها يارب. خير يا جمال البت بتبكي وبتقول مفيش فرح يعني إيه. جمال بغضب: الواد ابن الـ** بيلعب علينا عرفت دلوقتي أنه لغى الفرح وكانت لعبة منه. قعدت ع السرير بصدمة: يعني إيه والبت تتفضح والبلد تقول إيه علينا البت فرحها باظ يوم حنتها. جمال بثقة: متقلقيش.

سعيدة بدموع: مقلقش إزاي يا جمال.. وكملت.. بتلطم ع وشها بدموع: يا مرك يا سعيدة يا مرك يا الفضايح. جمال قام بغضبه خبط بالعصا ع الأرض بقوة: متتكتمي يا سعيدة عاد أنا قولت ليها حل. سعيدة بأمل: هو إيه يا أخويا الحل ده! بليل في أوضة مريم.. مريم بزعيق مع اختها: إزاي يعني ده عايزني اتجوز واحد أنا معرفهوش. انتوا اتجننتوا. سعيدة بصوت عالي: مريم؟!

صووتك ميعلاش أحمدي ربنا حد يتجوزك بعد الفضيحة دي عايزة الفرح يتلغي وأهل البلد يتحاكوا علينا ليل ونهار. مريم بزعيق: يقطع البلد واللي فيها أنا متجوزش وخلاص اتجوز واحد أنا معرفش اسمه. جمال: لأ تعرفيه يا مريم. بصوا لجمال واقف عند الباب وبأيده عصايته: تعرفوا بعض بس مشفتوش بعض قبل كده وهو وافق ع الجواز. مريم باستغراب: مين ده يا بوي إزاي أعرفه وأنا مشفتهوش. سعيدة بصت ليها: ده يبقى ابن عمك اللي في مصر يا مريم.

مريم بصدمة: إيه؟