رواية صعيدية امتلكتني الفصل الرابع 4 - بقلم اسماء صالح

فجأة سمعوا صوت ضرب نار. قامت تصرخ: عااااااا. حازم قام مخضوض: فيه إيه تحت؟ مريم بخوف: معرفش. روح شوف فيه إيه؟ حازم: إنتي شايفة إني بسألكم. مريم بزعيق: الله! مش انت اللي بتسأل؟ حازم ببرود: بكلم نفسي يا ستي. روحي نامي. مريم بهمس: مستفز أوي... بس عينيه حلوة أوي. قرب حازم منها: بتقولي حاجة؟ ها: لا. هقول إيه يعني. سكتت. وضحك حازم بسره وهو سمعها. ورجع للكنبة. فجأة سمعوا صوت الغفر تحت. طلع حازم على طول من أوضته. غرفة جمال.

سعيدة بخضة: فيه إيه يا جمال؟ الصوت ده. جمال وهو بيقوم من السرير بيُلبس جلابيته: ده صوت الغفر. أكيد مسكوا حرامي ولا حاجة. طلعوا كلهم من الغرف ونزلوا على تحت. الغفير وهو داخل ماسك شخص من هدومه: يا عمدة! يا عمدة! مسكنا واحد داخل البيت. أوعي إيدك دي! إنتوا بهايم مش بتفهموا؟ جمال وهو نازل من على السلم: فيه إيه يا غفير؟ منك له. الغفير: واحد منعرفوش يا عمدة. حازم من فوق: أكرم؟

مريم وهي طالعة من الأوضة وقفت جنبها سمية وسعيدة. جمال بيحضنه: أكرم ولد أخوي. سيبوه يا بجـ.م منك له. أكرم: عمي؟ عامل إيه؟ جمال: الحمد لله يا ولد أخوي. حمد الله على السلامة. أكرم: الله يسلمك يا عمي. حازم باستغراب: بتعمل إيه في الوقت ده هنا يا أكرم؟ أكرم بحزن مصطنع: كله بسببك. العربية اتعطلت في الطريق وتلفوني فصل ومعرفتش أوصلكم ولا أوصل لحازم. جمال بحنية: المهم إنك وصلت وبخير يا ابني. وإنتوا بتمسكوا أي حد كده وخلاص.

أكرم: هما اتخضوا شوية. أصلي داخل على طول فقالوا حرامي وكده. حازم: والله تستاهل لو كنت جيت في النهار. أكرم بحرج: احم. ما خلاص بقى يا حازم. وبعدين ماما هي اللي بعتتني وراك على طول. جمال: طيب يا ولدي ادخل دلوقتي وبكرة نظبطلك أوضتك. ماشي يا عمي. جمال للغفر: روحوا انتوا وابقى افهموا يدخلوا مين وبيطلعوا مين. صحصحوا كده. الغفر: حاضر يا عمدة.

سعيدة: طيب يا بنات روحوا ناموا مع بعض في أوضة سمية. وخلي حازم وأخوه يناموا في أوضة واحدة لغاية ما ننضف أوضة أكرم. مريم: حاضر يا ماما. سعيدة: يلا تصبحوا على خير. مريم: سمية. سمية. سمية بتوهان: ها؟ أيوة. بتقولي حاجة يا مريم؟ مريم بابتسامة: بقول يلا بينا يا أختي ننام. وسكتت لما شافت سمية مش معاها. وكل عينها على أكرم وهو بيتكلم مع أخوه. مريم بتريقة: هي السنارة غمزت ولا إيه يا سمية؟ سمية بارتباك: إيه؟ سـ سـ سنارة إيه؟

إنتي بتتكلمي على إيه؟ مريم: لا يا أختي مش بتكلم. قرب منهم حازم وأكرم اللي بيعدل في قميصه. مريم بخجل: آه. إحنا هننام في الأوضة التانية لغاية ما تجهز الأوضة. حازم بحرج وهو بيحط إيده على رأسه: احم. آه. طيب. ماشيين. أكرم بغزل: أهلاً وسهلاً بالقمامير. حازم بغضب: أكرم! أكرم: إيه يا عم؟ بسلم على بنات عمي مسلمش؟ مريم بضحك على عفوته: ههه. ازيك يا أكرم؟ حازم بضيقة من ضحكتها: هو كويس. يلا ادخلوا أوضتكم.

سمية بحب: حاضر. وحمد الله على السلامة يا أكرم. أكرم: الله يسلمك يا سمية. حازم بهدوء: تصبحوا على خير. علي صاحب موسى. علي: تمام. فهمت كده. شخص: يا باشا قلنا إنت عايز إيه بالتفصيل واحنا نعمله. علي وهو بيحط رزمة فلوس على الترابيزة: بصوا بقى. دولا عشرين ألف جنيه. هتنفذوا مهمة وبعد ما تخلصوها ليكم العشرين الباقيين. شخص: تمام يا باشا. إيه العملية اللي عايزني فيها؟ علي بشر: عايزك تخطفوا حد وترجعوا نفس المكان في نفس اليوم.

شخص: ومين الشخص ده يا علي بيه؟ علي بخبث: بنت العمدة.