رواية صعيدية امتلكتني الفصل السابع 7 - بقلم اسماء صالح

دخل حازم وكسر الباب بغضب. مريم بصدمة: حازم؟ الحقني. دفع حازم الباب بكل قوته. انتفض علي من على السرير وطلع يجري على الشباك. أمسكه حازم ونزل فيه ضرب. مريم بخوف بتحاول تقوم: حازم سيبه يا حازم هيموت. سابه حازم على الأرض وضرب برجله وهو بينهد من التعب. وفضل باصص على مريم لثواني. قرب منها وهي خايفة منه وشالها على إيده وهي اتخضت من رد فعله. وطلع بره. وجد جمال وأكرم وموسي ورجالتهم بره البيت. جمال بخوف: مريم.. بنتي حصلك حاجة؟

حازم بقوة بكلامه: معلش يا عمي هي تعبانة شوية. هنروح للبيت وهناك نتكلم. جمال: ماشي يا ولدي. ركبها العربية وامشوا. وأنا هتصرف مع ابن ال**ب ده. حازم: أكرم! يحي في الأوضة جوه. ادخله وهاته هو مغمي عليه. أكرم بهدوء: تمام. وصلها حازم العربية ومشي بيها للبيت. وصل حازم البيت الكبير وهو شايل مريم على إيديه وهو لسه على وضعه. ودخل بيها على الأوضة على طول تحت أنظار سعيدة وسمية. سعيدة بقلق: انتي كويسة يا بنتي؟

مريم: أيوه يا ماما كويسة. مفيش حاجة. سعيدة باستغراب: ما تنزلها يا بني. رايح بيها على فين؟ حازم بقوة: معلش يا مرات عمي. أنا عايزها ترتاح وتنام شوية. طلع على السلم وهما مستغربين من طريقته. دخل حازم الأوضة ونزل مريم لوضعها على السرير بهدوء وهي مصدومة من طريقته. وسابها ودخل الحمام. مريم لنفسها: ماله ده؟ هو بيعمل كده ليه؟ تحت دخل جمال وأكرم. سعيدة: هو إيه اللي حصل يا جمال؟ أنا عايزة أفهم.

جمال بارتياح: الحمدلله يا سعيدة. مريم بخير. دي حركة زبالة من صاحب موسي. سمية: يعني مش موسي اللي خطفها يا بابا؟ جمال: لا يا بنتي مش هو. دي خطة من صاحب موسي. ملوش دخل. سمية بانفعالية: أنا قلت كده برضو. بعد ما خاف من حازم إزاي يقرر يخطف مريم؟ موسي بقى محترم شوية. أكرم بغيرة عصبية: ما خلاص! إيه واخداها موسي موسي؟ قلنا مطلعش هو شغلانة. وقفت سمية دقيقة بخوف. دموعها نزلت وجريت على أوضتها من زعيق أكرم.

جمال: إيه يا ابني براحة عليها. مش كده. هي مش قصدها حاجة. أكرم بضيق من تصرفه: معلش يا عمي. أنا آسف. عارف إني زودتها. بعد إذنك. جمال: اتفضل. يلا يا سعيدة تعالي نام. الواحد تعبان من الصبح. سعيدة: ويحي يا جمال راح فين؟ جمال: فتحية كانت بره مستنيانا. أخدت ابنها بعد ما فاق وراحت تنومه في أوضته. سعيدة: الحمدلله. سترت يا أخويا. ربنا سترها. طلع حازم من الحمام. كانت مريم زي ما هي مكانها قاعدة على السرير.

كل ده وحازم متجاهلها في الأوضة. طفى النور وقرب من السرير. وهي بعدت شوية ونام. قامت مريم بتسحب وفضلت تمشي على طراطيف صوابعها. أمسكت بالأوكرة الباب تفتحه. فجأة حازم كان محاوطها. واترعبت منه. حازم بهمس من الخلف: رايحة فين؟ مريم بخضة: أعااااا! فيه إيه؟ مش رايحة. أنا عايزة أطلع. حازم بهدوء: ليه؟ مريم بتوتر: هـ هروح أشوف سمية. حازم بصرامة: مفيش طلوع من الأوضة غير لما أقولك. التفتت بجسدها

ليه وبصتله برفع حاجبها: هو إيه اللي غير لما أقولك؟ استأذن أطلع من أوضتي؟ حازم بتأكيد: وأوضتي أنا كمان. مريم بزعيق: هو إيه اللي أوضتك؟ بقولك إيه يا بتاع بحري؟ إنت أنا صعيدية والصعيدي محدش ولا يقدر ميمشي كلمته على حد. حازم ببرود: خلصتي؟ مريم بارتباك: هـ ها. حازم: خلصتي رغي ومحاضرتك دي؟ أنا آه متربي بحري. بس أنا أصلي صعيدي وأبويا صعيدي وجدي صعيدي. يعني أصلي من هنا. فاهمة؟ ادخلي وارجعي مكانك.

مريم وربعت إيديها بعند: مش راجعة. وبعد إيدك دي عاد. اطلع من هنا. ضحك حازم بخفة على كلامها الصعيدي اللي بيظهر مرة واحدة. تاهت مريم في ضحكته وابتسمت لا إرادياً على ضحكته. وهو لاحظ ده وغمز لها بقرب: ضحكتي حلوة صح؟ مريم بسرحان: هااا. أيوه أوي. وعينيك. حازم بابتسامة: مالهم؟ مريم بتنهيدة: حلوين أوي. حازم بقرب بقي يسمع دقات قلبها: وأي كمان؟ فجأة رجعت لصوابها لما سمية خبطت على الباب وصرخت بخضة. بس لحقها حازم

وضع إيده على بوقها ورد: مين؟ سمية بكسوف والدموع بعينيها: احم. آآه. معلش يا حازم. هي مريم صاحية عايزة أتكلم معاها. بص لمريم اللي حاطة إيديها على إيد حازم اللي على بوقها: لأ هي للأسف تعبت ونامت. سمية بحرج: طيب بكرة بقي لما تصحي أكلمها. حازم بصوت عالي: تمام. استنى سمية مشيت وشال إيده من على بوقها. وهي زعقت بعصبية: إيه اللي انت عملته ده؟ أو إوعى كده. وبعدين مقرب جامد ومحاصرني ليه؟ يووه ابعد.

قطع رغيها ببوسة على شفتيها متفاجأة. مريم بكسوف وشها احمر: انت ليه عملت كده؟ حازم وباصص عليها وهي عينيها في الأرض: أنا جوزك. وده من حقي. بصتله بصدمة كانت متوقعة رد غير كده. حازم بكسوف: مريم. احم. كنت عايز أقولك. قطع كلامه صوت الخدم والغفير تحت بصوت عالي: يا عمدة. يا جمال بيه. طلع جمال وسعيدة ووقفوا فوق السلم. وطلع أكرم وسمية كل شخص من غرفته. حازم بأوضته: مالهم دول؟ فيه إيه؟ مريم: معرفش. طلع ووراه مريم: فيه إيه يا عمي؟

جمال: مش عارف يا ولدي مين اللي جاي؟ فيه إيه يا غفير منك له؟ الغفير: فيه ضيوف يا حضرة. الحمدلله. مريم بهمس: ضيوف؟ جمال من فوق صوت عالي: ضيوف مين يا ولد منك له. الغفير: نوروا البيت كله. وقرب حازم من السلم وهما كلهم واقفين فوق. ودخلوا الضيوف. والدة حازم: مساء الخير يا جماعة. صوت من وراها بمياعة: حازم حبيبي. حازم بصدمة: ..؟؟؟؟ …..