رواية صعيدي خطف قلبي الفصل الأول 1 - بقلم حنين محمد

بعد اذنك يا مستر احمد عايز اخد اجازة. ليه يا ميرا؟ قولتلك مليون مرة الشغل مينفعش من غيرك. بس يا مستر احمد... انا محتاجة اجازة شهر واحد بس اسافر اغير جو. اروح بقي الغردقة او مطروح او حتي اتفسح هنا بس في اسكندرية. عايزة ارتاح. مينفعش يا ميرا. قولت مينفعش ويلا بقي اتفضلي على شغلك. ميرا في سرها: والله العظيم رذل يا اخي تبا لك. انت وشغلك. يا بارد. بتقولي حاجة. بقول عن اذنك يا افندم.

(صح نسيت اعرفكم انا ميرا بشتغل صحفية وكمان مصورة لان التصوير هوايتي وواخدة فيه كورسات كتير اوي. وده بقي المدير بتاعي نفسي بقي اخد اجازة. بس مش راضي. قال ايه. اني اكفء موظفة هنا والشغل مينفعش من غيري. وانا عارفة اصلا اني جامدة والشغل ماينفعش من غيري. سواء بقي في اللقاءات او المقالات او الصور. الحمد لله اللهم زدني تواضع مبتكلمش عن نفسي كتير. عايشة مع بابا وماما ومعنديش اخوات) المهم يوم الشغل خلص وروحت.

حمد لله على السلامة يا ميرو. الله يسلمك يا مامي. امال فين حسام القمر بتاعي. يا بت احترمي نفسك ده أبوكي. يا ستي بت وبتعاكس والدها انتي مالك. صح وانتي مالك. ميرا طلعت تجري عليه وحضنته: عامل ايه يا بابي. كويس يا قلب بابي من جوة. انتي عاملة إيه. واخبار شغلك ايه. الحمد لله ماشي الحال. امال ايه ده يا حسام. انت بتصغر كل يوم عن الي قبله كدة ليه. شوف البت البكاشة. لمي نفسك يا بت. احترمي وجودي.

اوباااا. شكلها بتغير عليك يا حسام. وشكلها بتحبك يا بوب. بس يعني من بين كل الستات ملقتش غيرها يا بوب. بتقولي ايه يا بت. احم. بقول يا زين ما اخترت يا بابا ست البنات. طب يلا بطلي لماضة ويلا علشان نأكل. يلا هغير هدومي وهاجي فورا. على الغداء. صح. نسيت اقولك يا ميرا. احنا نسافر الصعيد. يا ربي. Are you kidding me.

لا يا بابي يعني انا لسه كنت بقول النهاردة نفسي اروح الغردقة. شرم. نفسي اروح شاليه هنا في اسكندرية. وحضرتك تقولي نروح الصعيد يا بابي. وماله الصعيد يا ميرو. احنا منه. وهناك اهلنا اهلي واهل مامتك. وحشونا اوي بقالي كتير مشوفتهمش معلش يا ميرو. لازم نسافر. مش هينفع اساسا لاني النهاردة لسه مفاتحة مستر احمد في الموضوع ده بتاع الاجازة. وهو رافض اساسا. خلي بالك مش حجة مقنعة وعلي احمد انا هبقي اكلمه. قولي مش عايزة تروحي ليه.

اصل بصراحة يا بابا. ومن غير ضحك. انا بقرا روايات كتير. وفي كل رواية كل بنت بتبقي من اسكندرية كدة او من القاهرة مثلا. تروح لابن عمها في الصعيد اللي مش هيعجبه طبعها وطريقتها وهيبقي بيكرهها وبعدين يحبها. وهي تحبه ويتجوزا وهكذا. وانا نو واي اتجوز من الصعيد وانا مش حمل مرمطة الروايات دي. ايه ايه. حيلك. حيلك. مش كل حاجة في الروايات حقيقة. وكمان هو انا قولتلك هنقعد سنة ده هو شهر ولا شهرين بالكتير.

ما هي الحكاية في الروايات بتبدأ بشهر او شهرين. وبعدين البطل يتعلق بالبطلة. وهوبا هي كمان تتعلق بيه. ويعيشوا في تبات ونبات. ويخلفوا عيال متشردة. وبعد كدة. ظب هشوف كدة يا بابا مستر احمد. المهم دخلت قعدت شوية وبعدين نمت وصحيت. اخدت شاور ولبست جينز اسود. وبلوز ابيض. وعملت شعري ديل حصان. وراحت الشغل. ميرا روحي بسرعة علشان مستر احمد عايزك. خير يا رب. الراجل ده مبيحيش من ورا خير. كلس ما يناديلي لازم يبقي فيه مصيبة.

وراحت لمستر احمد. ابشر يا تيمور. مادام قولت ابشر يبقي شكلها هتبجي وجعة مربربة. صح لو حضرتك هتتكلم عن الحادثة فانا روحت للموقع بنفسي وصورت وكتبت اللقاءات والمقال جاهز هبعته لحضرتك. برافو. بس كنت عايزك في حاجة تانية. مش انتي كنتي عايزة تاخدي اجازة. هديكي اجازة شهر. بتهزر يا فوزي. احم. قصدي ايه سبب التغيير المفاجئ ده يا افندم. هتسافري الصعيد. نعم الصعيد. اشمعني اكيد بابا كلم حضرتك. ايوة ومش علشان كدة بس.

كمان الدولة فتحت مشروع جديد في الصعيد. فعايزك تروحي بقي تصوري وكدة ولقاءات. بقي ومقالات وتبعتيها على النت وقضي اجازتك بقي شهر انتي وعايلتك في الصعيد. وصوري بقي حياة الارياف ولما تيجي لو عايزة تكتبي مقال عن حياتهم تمام. كدة بقي عداني العيب. شكلي فعلا مكتبولي اروح الصعيد. تمام يا افندم شكرا. وخرجت. خلصت الشغل وروحت البيت سلمت على والدها والدتها وهما بيتعشوا حكت ليهم اللي حصل في الشغل.

شوفتي خلاص انتي مكتوبلك تسافري وبالمرة تشوفي شغلك. ها قولتي ايه. خلاص بقي امري لله. تمام جهزوا الشنط هنسافر بكرة بإذن الله. جهزت شنطتي ونمت صحيت. لبست ونزلت ركبنا العربية. وانا نمت وصحيت. ونمت كمان وصحيت. شكل الطريق مطول. ونمت تاني وصحيت. لقيت حولين العربية زرع اخضر كتير وحيوانات. وصوت بابا بيقول: يلا يا ميرا وصلنا. يلا. ودخلنا بيت كدة كبير اوي وعلي الباب. كان واقف راجل كبير في السن. باين علي ملامحه الطيبة والحنية.

سلم على بابا وماما. وبعدين قال: هي دي بت والدي. كيف الجمر. ربنا يحميهالك يت ولدي. اتفضلوا. اول ما دخلنا لقيت ناس كتير كدة واقفين. بدأ جدو يعرفنا عليهم. قال: ده عمك حامد. ودي مرته. وده عمك محمد. ودي مرته. وده محمود ابن عمك محمد. ودي سارة بت عمك حامد. المهم سلمنا عليهم وقعدنا شوية. امال انتي في سنة كام يا بت عمي. انا بشتغل صحفية ومصورة واساسا عندي شغل هنا في الصعيد. علشان المشروع الجديد. ايوة اللي الدولة عملاه.

انا في تانية كلية زراعة وبتدرب هناك. طب اشطا. لو مش هتعبك بقي. هبقي اروح معاك هناك اصور واعمل لقاءات وكدة. تؤمري يا بت عمي. شكرا. اكيد تعبانة يا بنيتي. اطلعي ارتاحي. وبعدين نكمل حديتنا. حاضر يا جدو. ام فوزي. تعالي خدي ست ميرا لاوضتها. حاضر يا جدي. اتفضلي معايا يا ست مينا. لا اسمي ميرا. ميرا. دي اوضتك يا ست هانم. لو احتاجتي اي حاحك انا هنا يا ست ميرا. ممكن بليز تقولي ميرا بس انتي في مقام ماما. يوووه. ميصحش يا ست هانم.

جطع لساني. لأ لأ انا بقولك. اللي تؤمري بيه يا ست ميرا. قولنا ايه. جصدي يا ميرا. ربنا يحفظك يا بنيتي. شكرا لذوقك. دخلت خدت دوش. ولبست بيجامة ووقفت كدة في الشباك شوية اتفرج على الزرع وحياة الريف الجميلة. الزوجة اللي بتساعد زوجها وهو راجع من الشغل. الحيوانات الكتيرة جدا. الاطفال وهي بتلعب ببراءة. ياااااا. الحياة هنا بسيطة اوي كدة. المهم وانا بتفرج لمحت شاب كدة راكب حصان وشكله كان متعصب الله واعلم من ايه.

كان لابس لبس صعيدي بس كان حلو جدي. وبصراحة مكنتش اعرف ان الصعيد فيها قمامير كدة. راكب على الحصان جنتل مان وجسم رياضي وبصراحة اتراكتف اوي. عامل زي الممثلين التركين كدة. المهم كنت تعبانة. فيدوبك حطيت راسي على المخدة وعومت في بحر النوم. وصحيت على.