رواية صعيدي خطف قلبي الفصل الأول 1 - بقلم جروح لا تنتهي

فى حاجه يا أنسه؟ الجمله دي قالها الشاب اللي راكب جمبي فى القطر بعد ما شاف الدموع فى عيني. أنا بدموع: لا مفيش حاجه، ممكن تسيبني لوحدي؟ الشاب بإبتسامه: ياستي اعتبريني اخوكي واحكيلي مشكلتك، الأول اسمك إيه؟ أنا بدموع: فيروز. الشاب بإبتسامه: ها يا فيروز احكيلي، وأنا اوعدك اني هحل مشكلتك. حسيت إنه شاب محترم وأنا كان نفسي أحكي لحد فحكيت له.

فيروز بدموع: أنا فيروز، في آخر سنة كلية ألسن. مرات بابا بتعاملني وحش ودايما بتزن على بابا إنه يطلعني من الكلية عشان اتجوز ابن اختها، وبابا للأسف وافق. ولما عرفت إنه هيسحب ورقي روحت حكيت لصحبتي هاجر، وهي قالتلي اهربي وتعالي عيشي معايا. الشاب بهدوء: طب انتي مش موافقة على ابن اختها ليه؟ فيروز: عشان سمعته وحشة وبتاع بنات. الشاب: طب صحبتك دي في أنهي بلد؟ فيروز: في سوهاج.

الشاب: طب احنا داخلين دلوقتي على محطة سوهاج، طلعي تليفونك وكلميها. فيروز بدموع: الفون بتاعي اتسرق وأنا مش حافظة رقمها. الشاب: طب تعالي معايا. فيروز بتبريقة: لا طبعًا، انت بتقول إيه؟ مش معنى إني اتكلمت معاك يبقى أنا واحدة مش كويسة. الشاب بتبرير: يابنتي انتي دماغك راحت فين؟ أنا مش قصدي كده، أنا قصدي تعالي تقعدي مع أمي واختي. فيروز: وأنا إيه اللي يخليني أضمن إنك مش كداب؟ الشاب بإبتسامة: لا دي مش أخلاق الصعايدة.

فيروز: هو انت صعيدي؟ الشاب: أيوه، يلا علشان وصلنا. فيروز: هو انت من سوهاج؟ الشاب بإبتسامه: أيوه. فيروز: هو انت اسمك إيه؟ الشاب: اسمي يونس، هاتى الشنطة عنك وتعالى نركب العربية دي. فيروز مشيت ورا يونس وركبوا العربية. وقفو قدام قصر أكتر من روعة، فيروز أعجبت بالقصر جدًا. رغم إنها ساكنة في فيلا بس مكنتش بجمال القصر ده. يونس بإحراج: فيروز انتي عارفة إن الدنيا ليل دلوقتي وكلهم نايمين، ومينفعش ندخل أنا وانتي دلوقتي، فهماني؟

فيروز بتفهم: أيوه طبعًا فهماك. يونس: معلش هتباتي النهاردة في أوضة الجنينة لحد الصبح، وبعدين هخلي أمي واختي يدخلوكي القصر. فيروز بابتسامة: أنا مش عارفة أشكرك إزاي يا يونس. يونس بمرح: ياستي متشكرنيش، كفايا إني شفت الضحكة الحلوة دي. فيروز اتحرجت ووشها احمر. يونس: يلا هوديكي الأوضة دلوقتي عشان ترتاحي من السفر. وصلني يونس عند الأوضة وساب الشنطة عند الباب ومشي.

دخلت الأوضة وغيرت هدومي وروحت على السرير، بس مجانيش نوم. لبست الجاكت بتاعي وطلعت في الجنينة. فيروز: واااو الجو حلو أوي. انت مين؟ بصيت على مصدر الصوت لقيت شخص طويل ولابس صعيدي وملامحه وسيمة جدًا، بس باين عليها الجدية. قاطع تفكيري صوته. الشخص بجدية: إيه اتخرستي عاد؟ بجولك انت مين؟ فيروز بخوف: ااا أنا فيررروز. الشخص: أيوه يعني مين جابك أهنه؟ فيروز: يونس. الشخص بتبريقة: وه يونس أخوي؟

فجأة صوته بقى عالي وكان غاضب. يووونس يا يووونس!