رواية صعيدي و لكن عاشق الفصل الرابع عشر 14 - بقلم مني علاء

مهجه وحكت له كل ما حدث بينها هي وصفاء. سالم بجنون: ازي مستحيل أختي تعمل كده، انتي بتقولي إيه، انتي واعية لحديتك. مهجه ببكاء: والله كنت عارفة إنك هتكون لصفها، مكنتش راضية أحكيلك عشان مكنتش هتصدق يا سالم. واترمت على الأرض باكية: أختك عايزة تدمرنا يا سالم، أختك بتكرهنا، النهاردة عرفت إنها عايزة تعمل مصيبة كبيرة، وأنا خايفة على أخويا ومعرفش أتصرف، وانت مع أختك وأنا لي محطوطة في موقف وحش جوي.

كان نفسي تصدقني، تكون جنبي، أنا هكون أم ولدك أو بنتك. سالم قرب منها وحضنها: أنا عارف كل حاجة يا حبيبتي، سمعت حديثكم عاد وعارف أختي ناوية على إيه، أنا عمري ما أكذبك يا حبيبتي، وإحنا هنتصرف، مش هنخليها تعمل اللي رايداه. مهجه بفرحة: بجد يا سالم، انت عارف وساكت ليه، خضتني، حرام عليك. وشاورت على بطنها: شوف يا اللي بطني، أي كان كنت أبوك، ده أنا بعشقه عشق جنون، ديما في ضهري، مغلطش لما حبيته.

سالم قاومها من مكانها: ربنا يخليكي ليا يا أم ضنايا، قومي يا حبيبتي عشان نفكر هنعمل إيه، بكرة الحفلة، أكيد صفاء بتخطط أي يوم الحفلة. مهجه بتفكير: أنا معرفش والله، ربنا يستر. *** عدى اليومين دون أحداث جديدة، وجه موعد الخطبة بتاعتهم. صباحًا صفاء كانت ماشية في طريق ناحية بيت العيلة الجبالي، لقت تليفونها رن، اتنفضت لما شافت سليم، ردت. سليم: فينك يا بت، ردي.

صفاء: إيه يا سالم، أنا أهو في طريج البيت، بس خايفة من الموضوع عاد، مش خابرة لو حد علم بالموضوع، هنروح فيها. سليم: ملناش صالح، لازم ننفذ، ليلة تكون دنيا تمام، هو ده الوقت صح، وسط ناس ولمة تكون الفضيحة بجلاجل. صفاء: طب أقفل بقى، أنا جدام البيت وهخلص وهبقى أرن عليك، سلام. وقفت. شافت اسر في وشها، بص لها بشك: جاية بدري ليه كده يا صفاء، في حاجة.

صفاء بتوتر: لا يا ولد عمي، بس كنت جاية عشان أساعد خالتي والعيلة في تحضيرات، يعني ميصحش يعملوه لوحدهم، خصوص مهجة إنها حامل. اسر: اتفتح راديو، ادخلي يا أختي، ادخلي، خوّتيني على الصبح. صفاء سابته ودخلت، وحمدت ربنا إنه مسمعهاش. غالية: كيفك يا صفاء، عاملة إيه يا ضنايا، وأمك أخبارها إيه. صفاء بتساؤل: الحمد لله يا خالتي، وين فيروز أومال. فتحيه بخنقة: رايدها ليه يا صفاء، في مصيبة.

صفاء بتناحة: ربنا يبعد مصايب يا خالتي، كنت عايزة أطمن عليها مش أكتر. فتحيه في سرها: تطمني ولا عايزة تخططي لحاجة يا بت صباح. جاسر كان نزل من السلم: صباح الخير. كلهم بابتسامة: صباح النور. اسر بضحك: شوف الواد وشه رد كده ونور من ساعة لما خد حبيت القلب. جاسر: أهي عينك دي ليه جايباني لورا، يخربيتك، ما انت كلبظت أهو، وحلاوت برضه عشان هتبقى عريس. اسر بصدمة وهو بيمسك وشه: لحقت اتخن في ليلة.

كلهم كانوا بيضحكوا من قلبهم، لكن كان حد تاني واقف مغلول منهم، وهي بتوعدلهم. صفاء في سرها وهي باصة عليهم: متخافوش، الفرحة مش هتدوم كتير، لسه هتتصدموا، ليلة من اللي هيحصل. فتحيه بتشاور على صفاء: مالك يا بت، اتصمرتي كده ليه، يلا روحي شوفي هتعملي إيه، كل واحد يقوم وكفاكم ضحك، الحفلة الخطوبة ليلة، مش عايزة حاجة تنقص. غالية: وأنا هطلع أشوف فيروز بتعمل إيه. جاسر: خليني أنا أطلع لها يا خالتي، ممكن. جبالي: شوف الواد.

غالية بضحك: اطلع يا ضنايا، بس احسب لا تهبدك بحاجة في وشك، هههه. *** جاسر خبط عليها مفيش رد. فتح الباب، اتصدم إنها مش موجودة، بس هدأ لما سمع صوت في الحمام، عرف إنها جوا. قعد على حرف سرير وهو بيتأمل الأوضة بتاعتها، لأول مرة حاسس بريحتها جواها، النهاردة هيتم خطوبته على بنت حبها بعد معاناة. جاسر بقلق: بس قلبي مقبوض، حاسس هيحصل حاجة، ربنا يعديها على خير.

قام من زهقه، راح ناحية الحمام عشان يخضها، نفس الخضة اللي خضتهاله أول مرة، وفجأة طلعت من الحمام وهي بتنشف شعرها، المية كلها جات في وشه، وقعت في حضنه، شريط بيعدي الأحداث تاني من جديد، بس المرة دي تختلف. فيروز: لييييه كده، حرام عليك، أنا كنت هاموت. حط إيده على بقها. جاسر: إياك أسمعك تقولي كده تاني، انتي ملكي وروحي، مش هتبعدي عني، من النهارده انتي هتبقي معايا، بحبك. فيروز: الموقف ميصحش خالص، ليه بتقوله لو حد دخل علينا.

جاسر قام ورمها على الأرض: انتي دايماً تبوظي كل لحظة رومانسية، انتي فجرية والله. فيروز: ماشي بقا كده، طب والله مانت قاعد فيها، يلا بره. وزقته، حتى خرجته من الأوضة وقفلت عليها، وقالت بصوت متعصب: في علمك، مفييييش خطوبة بقا. جاسر: طب بعلمك بقا، في الخطوبة وهلبسك الخاتم، وبعدها هخطفك بقا، وريني هتعملي إيه. نزل، وهي راحت اترمت على سرير وقعدت تضحك وتقول: متعجرف قلبي ده والله. ***

عدى النهار على أبطالنا، وناس بدأت تيجي في الجنينة، حتى غابت شمس، وجه القمر يعلن ليل المميز بخطوبة تلك المجانين. في غرفة فيروز. ماهي وصلت الصبح عندها، وجات كوفيرة في البيت، جهزتهم. ماهي: الله أكبر، إيه الجمال ده، ما شاء الله، تحفة يا روحي. فيروز كانت بترتدي فستان طويل أحمر مطرز منفوش، وشعرها اللي بتسيبه يصل إلى ركبتها، والمكياج اللي بيخليها كالأميرات، والتاج اللي فوق رأسها، كانت فعلاً مثل أميرة حقيقية. قربت عليها

غالية وحضنتها وهي تبكي: بنتي حبيبتي، مش مصدقة، أخيراً شفتك عروسة، عقبال ليلة كبيرة يا أميرتي. فيروز: متخلونيش أعيط يا جماعة، حرام عليكم. فيروز وغالية قربوا من ماهي، لأنهم حاسين إنها هتعيط، لافتقادها لأمها. غالية: حبيبت أمها يا ناس، قمر والله، أنا فرحتي اتنين بناتي، الاتنين بيتخطبوا، ده أسعد يوم في حياتي. فيروز: قمررررر يا روحي، ما شاء الله، يا رب ما تحسدي.

كانت ماهي لابسة فستان أزرق ومنفوش، كانت عاملة شعرها فورمة بشكل جميل جداً، ومكياج سمبل ورقيقة كالفراشات تخطف القلب. ماهي: بجد، أنتم نعمة الأهل، بحبكم. دخلت عليهم فتحيه وأبو ماهي وفيروز. أبو فيروز: بنتي حبيبتي الغالية على قلبي، مبرووووك يا روحي، أنا كنت عارف إن في الآخر هتكوني نصيب جاسر، هو يستحقك بصراحة. فيروز: ربنا يخليك يا بابا.

أبو ماهي: بنتي حبيبتي، مبارك يا روحي، عقبال ليلة كبيرة، وعايش أشوفك عروسة قد الدنيا يا أغلى الناس. جه جاسر واسر، اللي كانوا حلوين أوي وهما لابسين البدل، كانوا كيوت. فيروز وماهي كانوا لافين وشهم. وكانهم مشغلين أغنية "إحساسك إيه النهاردة وأنا جايلك بيتك وجاي أقول لأهلك قد إيه أنا حبيتك". وفجأة لفوا وشهم، واتصدموا بتلك الأميرات، وكل واحد أخد خطيبته، ونزلوا إلى الجنينة، وبدأت الحفلة. ***

جاسر بفرحة: لا، أنا مش عايز كده، أنا عايز كتب كتاب، أنا لازم أحضنك، مش قادر، وعاوز أضربك برضه، إزاي ناس كلها تشوفك بالمنظر ده. فيروز بكسوف: بس بقى. جاسر: انتي بجد حلوة أووووي أووووي. فيروز: انت ليه عينك حلوة يا حبيبي. مهجه وسالم وصلوا وراحوا بركلهم. سالم: صفاء مختفية، ربنا يستر. مهجه: أنا مش عارفة بتخطط لإيه. سالم: هنشوف، ربنا يستر. *** اسر: ده ملاك ولا إنسان، قمورة أوووي، أنا بجد بحبك، مش مصدق نفسي.

ماهي: انت ليه عينك حلوة يا قلبي، وأنا كمان يا حبيبي، يا سلام لو كان الفرح. ماهي بضحك: إن شاء الله، ماشي. *** دخلت صفاء وأمها، ومرة واحدة تصوت، والناس كلها اتصدمت. جبالي: في إيه يا ولية، اتلمي، انتي في جنازة. صفاء: يرضيك يا عمي اللي حصل، جاسر يضحك عليا ويعشمني بجواز، وبعدين يخوني ويخطب ليا، والله أبداً، هفضحه.

صباح: مش هسيب بتي كده، عشان إحنا غلابة، تضحكوا علينا، اسمعوا يا ناس، عيلة جبالي، ولاد الأكابر، ابنهم يعمل كده في بتي. جاسر بصدمة.