رواية سافر وسافرت معه احلامي الفصل العاشر 10 - بقلم حنين محمد

احلام: أنا موافقة إني أتزوجك يا براء. براء: أمم، كنت متأكد إنك هتوافقي. احلام: و بسرعة كمان. براء: مستعجلة على إيه بس؟ تعالي معايا. احلام: إيه؟ هنتجوز دلوقتي؟ براء: تعالي بس معايا وهتفهمي. بعد وقت. احلام: إيه ده يا براء؟ براء: اتفضل يا حضرت المأذون. احلام: استني يا براء، مش بالسرعة دي. احلام بتنبص جنبها بتلاقي روان. روان: أه يا حبيبتي، أنا هبقى معاكي في يوم زي ده. احلام: بس، بس انتِ عرفتي منين؟

براء: يلا بس و نتكلم بعدين، يلا يا هشام اقعد هنا، وانتِ يا روان. بيعدي وقت والمأذون بيقول جملته الشهيرة: بارك الله لكم وبارك عليكم وجمع بينكم في خير. احلام بدموع. روان: إيه يا احلام، انتِ بتعيطي ليه دلوقتي؟ براء: أكيد دموع الفرحة. احلام بغيظ: فرحة إيه بس. براء: يلا بقي نروح بيتنا علشان ماما هتفرح أوي، ولا إيه يا أميرتي؟ احلام: بجد انت مش طبيعي. براء: هنشوف الكلام ده في البيت. هشام وصل روان بيتها.

احلام: لا، أنا روان هتقعد معايا، أنا مش هخليها تقعد مع رضوان في بيت واحد. براء: خلاص ماشي، هات يا هشام روان في العربية اللي ورانا. هشام: بس كدا، من عيني. في العربية. احلام: أنا أموت وأعرف انت هتستفاد إيه لما نتجوز. براء بيبص ليها بحب: لا، هستفاد كتير. هشام: عندك كام سنة يا روان؟ روان: وانت مالك. هشام بصوت واطي: لا شكلي هتعب معاكي أوي. روان: بتكلم عادي يعني، نسلي نفسنا. روان: ماشي يا عم، عندي خمسة وعشرين سنة.

هشام: أه، حلو أوي. روان: هو إيه اللي حلو؟ هشام: أقصد العمر كله. احلام: انت رايح فين؟ مش ده الطريق بتاع البيت؟ براء: إحنا رايحين بيتنا. يلا انزلي. احلام بتنزل: إيه ده يا براء، ديه فيلا مش بيت. إسراء: تعالي يا حبيبتي، أهلاً في بيتك الجديد. احلام: هو انتِ يا طنط كمان عارفة؟ طارق: أبو براء. لا، وأنا كمان. ديه بنت الغالية عزة، الله يرحمها. احلام: الله يرحمها، انت كمان يا عمي طلعت عارف.

إسراء: المهم يا حبيبتي، اطلعي فوق غيري هدومك علشان أحطلك تأكلي. احلام بتطلع وبتبص على الفيلا لأن المكان كبير جداً. احلام بزعل: أنا مش عارفة هوصل لحد فين، ولا إيه اللي هيحصل بعد كدا، ولا أصلاً براء اتجوزت ليه. احلام بتدخل تلبس ترنج و بتخرج تصلي. براء بيدخل الأوضة. احلام: أنا عايزة أروح بكرة الشغل معاك علشان بتدرب. براء: أه، ماشي. وبيقرب من احلام. احلام بتوتر: في إيه يا براء؟ ابعد كدا. وجاية تمشي.

براء بيمسك أيدها وبيحضنها. احلام: براء، انت كويس؟ براء بدموع: أنا هقولك أنا اتجوزتك ليه. احلام......