رواية سافر وسافرت معه احلامي الفصل الرابع 4 - بقلم حنين محمد

ريم اعرفك بخطيبي براء. أحلام وهي مش قادرة تمسك نفسها: براء خطيبك؟ ريم: بقرف. اه يا أحلام مفيش مبروك؟ أحلام وهي قلبها عامل دق بسرعة ومش عارفة تتكلم: ده ده ده ازاي بجد؟ وبتضحك على الحصل. هنا بخوف عليها: أنتِ كويسة يا أحلام؟ أحلام: كويسة. بضحك. ههههه اه كويسة خالص. براء: مفيش مبروك ولا إيه؟ أحلام بدموع: مبروك. امم مبروك يا ريم. وبتسبهم وتمشي. هنا: يا بجحتك يا أخي. ريم: هو في إيه؟ أنا مش فاهمة.

براء بزعل: مفيش. أنا هروح يا ريم. ريم: مش ها توصلني يا بيبو؟ براء بزعل: تعالي أوصلك يا ريم. تعالي. أحلام بتجري في الشارع وهي بتعيط. هنا: استني يا أحلام. نفسي اتقطع. أحلام وهي بتعيط وبتجري: مش بيحبني. بعد خمس سنين حب يا هنا. أنتِ فاهمة أنا بقول إيه؟ هنا: يا أحلام اقفي بقى. الناس اتفرجت علينا. بتوصل الحارة وبتمسح دموعه. هنا بتاخد أحلام وبتقعدها على أول كرسي بتشوفه وبتاخدها في حضنها.

أحلام: أنا مش عايزة أروح يا هنا خالص. تعبت من البيت ولا من أبويا اللي كل يوم ضرب. ولا ماما اللي كل يوم تعبها بيزيد. ولا روان اللي عايزة تتجوز وقاعدة معانا بسبب علاج ماما. أنا عالة على كل الناس دي. أنا عايزة أموت بقى بجد وإخلاص. هنا بعياط على حال أحلام: يا قلبي متقوليش كده. بس أنتِ شاطرة دلوقتي وفي هندسة. وطنط ها تخف وهتبقي أحسن الناس يا حبيبتي. أحلام بإرهاق: أنا هروح يا هنا. ولو قدرت أجي بكرة الكلية هبقى أجي.

هنا: ماشي يا أحلام. استني أوصلك. وإن شاء الله ربنا ها يبعت اللي يصونك وياخلصك يا أحلام. أحلام بعياط وضحكة سخرية: هه. ده في الأحلام يا هنا. هنا بزعل: مفيش حاجة بعيدة عن ربنا. آدم وهو داخل الحارة بيشوف أحلام وهي بتعيط في حضن هنا. براء بيقول لـ هنا: ازيك يا آنسة. أحلام بتبص بتلاقي براء. بتاخد الشنطة بتاعتها وتمشي بسرعة. هنا: ازيك يا آنسة؟ إيه بس بعد اللي هببته ده؟ براء مش بيرد عليها وبيلاحق أحلام. بيمشي وراها.

أحلام بتقابل رضوان في وشها لأن رضوان أبوها شغال في محل تحت البيت عندهم في الحارة. رضوان بصوت عالي: كنتي فين كل ده؟ براء بيبعد بسرعة قبل ما يشوفه ويزعق لـ أحلام. أحلام بتعب: كنت في الكلية يا بابا. رضوان: اه. ماشي. اطلعي فوق ساعدي أمك بدل ما قلت لك أحسن. أحلام بدموع وهي باصة في الأرض: حاضر. براء بزعل: اوف. أعمل إيه أنا. وهي كمان عرفت إني خطبت. ومش هترد تكلمني. أحلام بتطلع على طول. روان: تعالي يا حبيبتي.

إسراء مامت براء كانت قاعدة عندهم. إسراء: ازيك يا أحلام. أحلام مش بترد وبتدخل الأوضة وبتقفل عليها. عزة: استني يا إسراء أشوف البنت مالها. روان بتخبط على أحلام. روان: أحلام. أنتِ كويسة؟ أحلام بصوت مخنوق: اه يا روان. عايزة أقعد لوحدي شوية. عزة: هي مالها يا روان؟ روان: تعالي يا ماما. هي عايزة تقعد لوحدها. عزة: ماشي يا بنتي. أحلام في الأوضة بتعيط: يا رب بقى. أعمل إيه؟ أنا بحبه. بس أنا هدوس على قلبي.

براء بيطلع البيت وبيتدخل الشقة مش بيلاقي إسراء. بيخبط على مامت أحلام. عزة: مين؟ براء: أنا يا طنط. عزة: تعالي يا بني. إسراء جوه. براء بيدخل وبيدور بعينه على أحلام. روان بتاخد بالها. روان في سرها: أنا آسفة يا أحلام. بس أنا بقى اللي هقرب بينك أنتِ وبراء. ونبي يا أحلام تعالي جيبي لـ ماما ميه علشان تاخد الدوا. أحلام: يا ربي بقى. وبتخرج وهي لابسة ترنج ومسيبة شعرها الطويل. براء بيبرق وبيفضل مصدوم من جملها.

أحلام اتصدمت وبتجري على المطبخ. إسراء بصوت عالي: في إيه يا أحلام؟ اتكسفتي ولا إيه؟ ده حتى يا حبيبتي أنتم من وأنتم صغيرين متربيين مع بعض. عزة: خلاص بقى كبرت. براء: كبرت وبقي زي العسل أهو. إسراء: وماله أخوها بردو. براء: خلاص يا ماما اسكتي دلوقتي. أحلام بدموع: اه. أخوها وماله زي العسل. قال. منك لله يا روان. أنتِ اللي جبتي ليا الكلام. خلتيني أخرج بـ ترنج القصير ده. روان: وأنا أعرف منين إنك لحقتي تغيريه؟

وغير كده. أنتِ مش طايقة براء ليه؟ أحلام: هبقى أحكيلك بعدين. المهم هفضل هنا لحد ما يمشي. يعنى. روان: هاتي ميه وعصير وتعالي. أحلام: لا مش هجيب حاجة. تعالي أنتِ أديهم. روان: ماشي. بس عدي الجامد. أحلام: خدي يا اختي. بعد وقت والوقت يتأخر. وبراء بيمشي هو وإسراء بيروحوا شقتهم. وأحلام بتروح تذاكر علشان عليها امتحان بكرة في الكلية. وفجأة بيدخل رضوان بعصبية. أحلام بخوف.