رواية سافر وسافرت معه احلامي الفصل الرابع عشر 14 - بقلم حنين محمد

أحلام بتحاول تفتح التليفون قبل ما تدوخ وبتفتح موقع علشان براء يعرف يحدد مكانها. الرجل بيمسك التليفون وبيرميه في الأرض. أحلام بدموع بيغمى عليها. الراجل بيدخلها المخزن: يلا اركن العربية وتعالى. السواق: حاضر. عند براء. براء: يا هشام أنا مش لاقي أحلام ومش بترد عليا. هشام: شوف صحبت أحلام مش هي كلمتك قبل كده؟ براء: أه صح. هنا: ألو يا براء. براء: ألو يا هنا معلشي لو هتعبك معايا بس تشوفي أحلام فين.

هنا: أحلام ركبت تاكسي من زمان يا براء، أنا كنت معاها وسايباها أكتر من ساعة وشوية، هي مش جت؟ براء: طب اقفلي يا هنا اقفلي. هشام: خير يا رب. براء: أنا هروح عند محمود علشان أعرف أتتبع الجهاز بتاع أحلام ونعرف نوصلها. ويخرج جري. عند أحلام. الراجل: خير يا عسل فوقي كده. أحلام: مين اللي قال ليكم أنكم تخطفوني ها؟ انطق. الراجل: الله أعلم. السواق: تعالى كده. الرجل: خير؟ السواق: براء أمر إن محدش يلمس شعرة منها، هو عايز يخوفها بس.

أحلام: يعني براء هو اللي قال لهم يخطفوني؟ إزاي استحالة! حد يطلعني من هنا يا ولاد الـ... الراجل: بس يا بت. ويضربها بالقلم. أحلام: أقسم بالله أطلع من هنا وهطين عيشتك أنت واللي بعتك. الراجل: ده في الأحلام يا أحلامي. أحلام: براء الوحيد اللي بيقول لي أحلامي، شكل بجد براء اللي خطفني، طب إزاي ويستفاد إيه؟ عند براء. محمود: إحنا اكتشفنا الطريق. براء بخوف: هات بسرعة. ويخرج يروح على المكان. هشام: عرفت حاجة يا براء؟

براء: أه أنا عرفت المكان بتاعها. أحلام بتحاول تفك إيدها بالسكينة اللي كانت في الأرض، وأه اتعورت، طب إيدي عمالة تنزل دم أعمل إيه أنا؟ الراجل: تعالى بسرعة، الراجل عرف مكانها. أحلام بصوت واطي: راجل مين ده؟ السواق: هات البت بسرعة. أحلام: أوعى إيدك محدش يلمسني، أنا مش هروح مع حد. عند روان. طارق: هو فين براء وأحلام كل ده؟ سعاد: البنت قالت جايه وهتلاقي براء في الشغل. روان: ألو يا هشام. هشام: أنتِ في حد قاعد جنبك؟

روان بتروح البلكونة: لا، في إيه؟ هشام: روان أحلام مخطوفة. روان بقلق: نعم؟ هشام: أنا عايزك بس لو عرفتي أي حاجة تقوليلي، وأوعك تعرفي حد من البيت. روان: أنا هاجي معاك. هشام: أوعك، يلا سلام. روان: يا رب. عند أحلام بتمشي معاهم. براء بيروح المكان اللي كان فيه أحلام في الأول: ولاد الـ... غيروا مكانها، بس في آثار دم. وبيمشي ورا الآثار لحد ما بيوصل فوق السطح. أحلام بصوت عالي: براء أنا أهو. براء جاي يجري.

الراجل: لو جيت يبقى خلاص هنوقع أحلامك في الشارع. براء: اهدى خالص. أحلام: مش أنت اللي بعتهم يا براء؟ براء: أنتِ غبية؟ هبعتهم علشان تموتي يعني؟ أحلام رجلها بتتزحلق وبتقع. براء: أحلاممممممم.....