رواية سافر وسافرت معه احلامي الفصل الثالث عشر 13 - بقلم حنين محمد

طارق: عايزك تتجوز ريم. براء: نعم؟ و أحلام دي إيه؟ هو أنا مثلاً معرفش؟ طارق: احترم نفسك يا براء. أنت من الأول عشمت البنت، لازم توفي بوعدك. براء: أنا مش واعد حد بحاجة يا بابا، وأنا مش بحب غير أحلام. مفيش حد غيرها هيشيل اسمي. أحلام سمعت براء بس مشيت على طول قبل ما يعرف إنها بره. براء: أنا قولت اللي عندي يا حاج، أنا طالع أغير وأروح الشركة. طارق: فكر يا براء، حرام عليك قلب البنت.

براء: في رجالة كتير مش أنا الأخير. ولا هي واخدة بالها في أحلام وبيطلع. أحلام: براء. براء: نعم؟ أحلام: هو أنت فعلاً هتتجوز ريم؟ براء: وأنت عرفتي منين؟ بتتسمعي من ورا الباب يا أحلام؟ أحلام: والله أبداً، أما كنت داخلة لعمي سمعت بس. مستمعتش آخر الكلام، فقول أنت بقى. براء: ارتاحي يا ستي، أنا مش هتجوز حد. أحلام: اممم، طيب. أنا قولت بس عادي على فكرة، براحتك. براء: والله؟ خلاص، أنزل بقى أقول لبابا إني موافق.

أحلام بتمسك أيده: إيه يا عم؟ أنت ما صدقت؟ كنت بهزر. براء: بحب. بتغيري عليا؟ أحلام بتبص في الأرض: يلا يا براء هتتأخر. براء: بصي في عيني كدا. أحلام: خلاص بقي، يلا وصلني في طريقي للجامعة. براء: يلا يا حوش الكون. أحلام بضحك: أمشي يا براء وأنت ساكت. براء بيوصل أحلام الجامعة. أحلام: يلا باي. براء: استني استني، خلي بالك من نفسك يا أحلامي. وبيرمي ليها بوسة على الهوا. أحلام: ربنا يهديك يا براء.

براء: أه يهديني بدل ما أعمل حاجة في الشارع. أحلام بتنزل جري. براء بيروح الشركة. هشام: إيه الجديد؟ هشام: مافيش جديد. الشغل كل يوم حاله بيقل، لازم تيجي الشركة يا براء وتنتظم. براء: اممم. المهم، كنت عايزني امبارح؟ هشام: اه، كنت عايز أطلب إيد روان. براء بصدمة: روان مين؟ هشام: روان أخت أحلام. براء: اه، وإيه اللي فيها؟ هشام: لا دا أنت واقع. هي أحلام مش هترفضه. هشام: ليه إن شاء الله؟ ناقصني رجل أو إيد مثلاً؟ ما أنا حلو اهو.

براء: يا عم مش كدا، هي بتحب روان أوي، ف أكيد روان مش هتعرفك عشان توافق. هشام: لا، خلي أحلام بس توافق، وأنا وروان خليها عليا. براء: هحاول النهارده بالليل. هشام: اوعى تنسى يلا، هبعت وقت. هنا: إيه يا أحلام؟ من ساعة ما اتجوزتي وأنا مش سامعالك صوت، نسيتيني صح؟ أحلام: بطلي هبل يا بنت، دا أنتِ زي أختي. هنا: بحسب بس. بعد وقت، أحلام بتخلص المحاضرات بتاعتها. هنا: تعالي، وعندي النهارده عشان أنت وحشتيني.

أحلام: براء مش هيرضى، خليها يوم تانية. هنا: يوه بقي، طب أنتِ مش هتمشي ولا إيه؟ أحلام: لا، هاخد تاكسي. هنا: طب أمشي معايا. أحلام: لا، طريقي غير طريقك. هنا: أشطة. وبتحضنها وبتمشي. أحلام بتركب التاكسي. الراجل بتاع التاكسي: على فين يا عسل؟ أحلام بقلق: على المقبرة. عند هشام. روان: الو. هشام: أنا هشام يا روان. روان: هشام مين يا عم أنت؟ انطق. هشام بضحك: أهدي أهدي، أنا صاحب براء اللي وصلتك. روان: جبت رقمي منين إن شاء الله؟

هشام: أحلام قبل كده أخدته منها عشان كنت هكلمك عشان أوصلك. روان: اممم، عايز إيه؟ هشام: الناس بتقول الأول صباح الخير، عامل إيه؟ روان: ليه؟ وأنا هحب فيك في التليفون؟ هشام: يا ريت. روان: نعم، عايز إيه؟ أنجزه. هشام: كنت عايز أعرف بس أحلام وصلت عشان براء عايز يطمن عليها. روان: لا، بس كلمتها وشوية وجاية. هشام: اه، ماشي. روان بتقفل. هشام: دا أنا لسه حتى مقلتش سلام. عند أحلام. أحلام: على جنب هنا، نزلني.

الراجل: وأنتِ مفكرة دخول الحمام زي خروجه يا حلوة؟ أحلام: يعني إيه؟ مش فاهمه. الراجل بيوقف، وفي رجالين بيركبوا. أحلام بصوت: حد يساعدني. الرجل بيضربها على دماغها. وبراء بيتصل بيها. أحلام بتحاول تفتح قبل ما تدروخ...