رواية سأجعلك تحبني الفصل الثاني 2 - بقلم نورة عبدالرحمن

انتهت حصة معاذ وجمع أشياءه ليغادر. روز: إيه ده، إنت هتمشي؟ متخليك شوية... والنبي عشان خاطري! نفخ بغضب واقترب منها وهو يرمقها بنظرات أرعبتها. معاذ: بنت، إنتي هتصاحبني؟ الهبل اللي بتعمليه ده تبطلي... إنتي فاهمة؟ تجمعت الدموع في عينيها بحرج وهي تنظر إلى أصدقائها. أما الآخر، فمشي دون الاكتراث لها. عمر: مالك يا عم؟ بتزعق في البنت ليه؟ معاذ: بضيق، ملكش دعوة يا عمر وخليك بحالك. عمر: طب مقولتش حاجة، هتروح فين؟

معاذ: عندي حصة بالفصل التاني. عمر: ماشي، هشوفك بآخر الدوام. معاذ: ماشي. عند روز... هناء: اهدي يابنتي، متعيطيش. روز: بشهقات، ده زعقلي قدام الطلبة كلهم. علا: بغيظ، واحد معندوش دم. متزعليش. روز: متقوليش عنه كده. هناء: إنتي هتسبلي له كمان؟ روز: مسحت دموعها بابتسامة، أيوا، ده زي القمر. إنتي شفتي عينيه حلوين إزاي؟ علا: ابتلعت ما بجوفها، يخربيتك! إنتي بتتغزلي باللوح ده؟ روز: متقوليش لوح.

هناء: دي المستر بتاعنا يا بنتي، مينفعش اللي بتقوليه ده. روز: ينفع، أنا من ساعة ما شفته وقلبي بيدق جامد، أنا شكلي حبيته. علا: يا مصيبتي! حبيتي إيه؟ روز: ملكمش دعوة. هناء: يا بنتي، هو من شوية مهزقك قدامنا. روز: ده ميمنعش إنه يتحب، وزي القمر. هناء: يخربيتك، إنتي مش هتجيبيها لبرا؟ علا: بهمس، ده ميتعاشرش والله، ربنا يعينك. روز: إنتي قولتي حاجة؟ علا: لا أبداً، ويلا، دي حصة الفيزياء.

روز: بتذمر، يوووه، دي أغلس مادة عليا بعد الرياضيات. علا: أهو، طب إزاي هتحبيه وهو يديك المادة اللي بتكرهيها؟ روز: مفيش مشكلة، هحبها عشانه. *** مساءً في منزل روز... روز: مستر إيهاب. إيهاب: هااا، عايزة إيه؟ روز: بص بابا مسافر وماما خرجت ومش هترجع لحد آخر الليل. وهنا مفيش إلا أنا وإنت والدادة، والشغالين... نهض بفزع: قصدك إيه؟

روز: اقعد، متخافش. بص، أنا مش عايزة أتعبك معايا، وإنت عارف أنا غبية ومش بستوعب بسرعة، عشان كده... بص هناك، عندك التلفزيون، والنت شغال دايماً، والكنبة هناك، وأنا هبلغ دادة سماح تحضر لك صحن فواكه يستاهل بوقك. ولو عايز حاجة، انده لها. إنت استريح. لتردف برجاء: وأنا هروح أنام، عشان خاطري. إيهاب: يابنتي، مينفعش، أنا لازم أديكي الدرس. دول أهلك دافعين فلوس قد كده.

روز: يا عم، وأنا مسامحاك. أصلاً العربي مادة سهلة وهنعوض غير يوم. يلا سلام بقى، هخليك تاخد راحتك. إيهاب: استني هنا. روز: سلام بقى. لتصعد غرفته بسرعة وتستلقي على السرير وتغمض عينها لتنام، لكنه تذكرت معاذ. لتبتسم ببلاهة. *** في منزل معاذ... علا: إنت إزاي تزعق لروز قدام الطلبة كده؟ معاذ: وإنتي مالك إنتي؟ علا: يا أبيه، مينفعش تعمل كده، إنت أحرجت البنت. معاذ: علا، مينفعش تجيبي مشاكل المدرسة هنا بالبيت، إنتي فاهمة؟

ومتدخليش بيني وبين الطلبة بتوعي. ملك (والدة معاذ) : مالكم يا ولاد بتتخانقوا على إيه؟ علا: بضيق، يا ماما، معاذ هزق صاحبتي وخلاها تعيط قدام الطلبة كلهم. ملك: عملت كده ليه يابني؟ كسرت بخاطر البنت. معاذ: يا ماما، كان لازم أعمل كده. البنت عمالة تتكلم معايا كأني صاحبها. دي حتى مش هتبقى لي هيبة وسط الطلبة بتوعي. علا: أيوا بس مش كده يا أبيه. معاذ: إنتي هتعلميني إزاي أتعامل مع الطلبة؟ روحي أوضتك شوفي مذاكرتك. علا: بس...

معاذ: يلااا. نهضت بتذمر إلى غرفتها. ملك: يابني، بالراحة عليها، هي لسه صغيرة. معاذ: سيبك منها ياماما، أنا عايزك في موضوع مهم. ملك: إيه يابني؟ معاذ: أنا عايز أخطب نهى آخر الشهر. ملك: بسعادة، ربنا يسعدك يابني. الحمد لله، جا اليوم اللي أفرح فيك. في اليوم التالي... كان بمكتبه ليسمع طرقات على الباب. معاذ (وهو يراجع بعض المسائل الرياضية) : اتفضل. دخلت روز بهدوء. روز: صباح الخير.

رفع نظره إليها ليجدها تغلق الباب وتقترب من مكتبه. معاذ: هههه، صدم مما رآها، إنتي إيه اللي عاملة ده؟ روز: معاذ... يتبع...