رواية سأجعلك تحبني الفصل الثالث 3 - بقلم نورة عبدالرحمن

انتي ايه اللي مهبباه في وشك ده.. روز بتكشير: مش حلو.. معاذ: حلو إيه ونيلت إيه، روحي اغسلي وشك بسرعة، إنتي هنا بمدرسة مش بـ.. روز ببكاء وتذمر: إنت بتزعقلي كده ليه.. معاذ بهدوء: يابنتي مينفعش اللي إنتي حاطاه على وشك.. إنتي لسه صغيرة على الحاجات دي.. روز: أنا مش صغيرة، عندي 17 سنة.. معاذ بمجارات: ماشي، بس مينفعش تحطي ميكاب بالمدرسة.. يلااا روحي اغسلي وشك.. روز بتذمر: حاضر.. لتردف بفضول: بس قولي، إنت متجوز.. أو خاطب.

معاذ بحده: وإنتي مالك.. إنتي متجوز خاطب.. متنيلي اطلعي براا. روز: بس يا.. معاذ: براااا.. اسرعت لتخرج وهي تبكي.. لتصدم بنهى.. نهى: مالك يابنتي بتعيطي ليه. لم ترفع نظرها لتسرع إلى الحمام وتبكي وهي تغسل وجهها، ليسرعن خلفها علا وهناء.. أما نهى دخلت على معاذ.. نهى: مالك يامعاذ متعصب كده ليه والبنت خرجت من عندك بتعيط ليه.. معاذ مسح على وجهه: مفيش.. زعقتلها عشان محلّتش الواجب.. نهى: مش كده ياحبيبي، تعامل معاها بالراحة..

معاذ: ماشي ياحبيبتي.. ليردف بابتسامه: القمر جايلي ليه. نهى: أنا بلغت بابا إنكم هتيجوا آخر الشهر.. معاذ بابتسامه نهض من كرسيه واقترب منها: مش مصدق إننا خلاص هنتخطب. نهى بسعاده وهي تتراجع: وأنا.. بس زي مااتفقنا، خطوبة بس لغاية متعطل المدارس عشان هنروح شهر العسل.. معاذ: إنتي تؤمري ياحبيبتي.. دي حياتنا كلها هتبقى عسل. وإنتي جنبي.. نهى بخجل: بطل بقى، أنا هروح.. أمسك ذراعها: على فين.. أنا لحقت أشوفك..

أفلتت يدها: معلش، عندي حصة، هكلمك بعدين.. لتغادر وتتركه تغمر قلبه السعادة.. _عند روز.. علا: خلاص ياروز، قولتلك انسيه، مش كل يوم تعيطي كده.. روز شهقات.. هناء: تعالي هنا، إنتي لحقتي حبيتيه إيمتا.. روز شهقات.. علا: يابنتي خلاص، ده حتى هيخطب آخر الشهر.. ابتلعت شهقاتها وتوسعت عينيها بصدمة: إنتي بتقولي إيه.. وإنتي عرفتي منين.. وهيعمل إيه.. علا بتوتر: هااا.. لا، متخديش على كلامي..

روز بتذمر: متتكلمي ياعلا، لحسن والله هخصمك.. هناء: اتكلمي ياعلاا.. أكيد مش هتسيبيها على عماها، خليها تفوق.. علا: هيخطب ميس نهى.. روز: إيه الشقرا الجميلة دي.. أم عيون زرق.. اللي شبه الممثلات.. يامصيبتي يامصيبتي، ده مش هيبص عليا خالص.. هناء: اهدى.. إنتي عرفتي منين ياعلاا.. علا بتوتر: عشان.. عشان مستر معاذ يبقى أخويا الكبير.. نهضت بصدمة: إنتي بتقولي إيه..

علا: متزعليش مني، أساسا أنا من صفك يابنتي واللله.. وميس نهى، إنتي عارفة إني مبطيقهاش.. هناء: اهدى ياروز.. متتعصبيش.. روز: هعمل إيه دلوقتي أنا.. هاا.. هعمل إيه.. علا: متعمليش، أنا هساعدك، إنتي مش بتحبيه.. هناء: يابنتي، بتحبه، بس هتعملي إيه يعني.. علا: هتشوفوا.. هناء: ربنا يستر منكم إنتوا الاتنين.. علا: خلاص، أنا هظبطك معاه، بس اسمعي مني.. روز: حاضر.. _بعد أسبوع.. في منزل معاذ.. دخل المنزل ليسمع صوت ضحكات..

معاذ: مساء الخي.. ليصدم برؤية روز.. بغير زي المدرسة، كانت تبدو لطيفة جداً، لكنه تجاهلها.. ملك: أحطلك تاكل ياببني.. معاذ: لا ياماما، أنا هخش أرتاح.. علا: استنى ياابيه، تقدر توصل روز بيتهم عشان الوقت اتأخر.. معاذ: وهي فضلت للوقت ده ليه.. ملك بتانيب: معاذ.. إيه الكلام ده، روح وصل البنت.. معاذ بضيق: يلاا، أنا هنزل، حصليني.. روز بدموع متجمعة، همست لعلا: شايفه أخوكي بيعاملني إزاي.. علا: عشان إنتي مدياه ريق حلو..

روز: وأنا أعمل إيه.. منا بحبه.. علا: حبيه، محدش ماسكك، بس مش كده.. يلا، حصليه عشان ميتعصبش.. ملك: متزعليش ياحبيبتي، هو طبعه كده.. روز: مش زعلانه ياماما، يلا، أنا هروح.. نزلت خلفه بسرعة لينبهر بحركاتها الطفولية، فستانها الوردي الرقيق.. وشعرها القصير المنثور.. ترتدي بوط رياضة بالونين الأبيض والوردي وتنزل الدرج بخفة، ليشرد بها لثواني حتى استعاد وعيه.. وحرك رأسه يمينا ويسارا لينفض الأفكار من رأسه..

ركبت بجانبه بابتسامه واسعة.. لطيفة.. حرك السيارة وقادها.. معاذ: بتضحكي على إيه.. روز: أول مرة نكون وحدنا.. معاذ بسخرية: وحدنا.. فوق.. ليقاطعهم رنين هاتفه وكان الرقم مسجلا: حبيبتي.. ليجيب.. اهلا ياحبيبتي، وحشتيني.. نهى: وانت كمان، مش قولت هتكلمني أول ما توصل.. معاذ: معلش اص.. قطعت كلامه وهي تسحب الهاتف منه وتغلقه… معاذ بصدمة: إنتي عملتي كده ليه.. روز… يتبع…