رواية سأحبك بالتاكيد الفصل الثالث 3 - بقلم بتول عبد الرحمن

سها: على فكرة بقا كل كلامك غلط عن الميزانية والمدير مش هيقتنع بكلامك الأهبل ده. قاطعهم علي صاحب مدير الشركة. علي: مين فيكوا ميرنا؟ ميرنا: أنااا ميرناا. علي: تعالي ورايا. ميرنا: حاضر. ميرنا بعد ما علي مشي شوية قالت لسها. ميرنا: أيه يا صفرااا أحلى مساء عليكي صفراااا ياللي شاغلة بالك بيا... هعمل مش هعمل برضو اللي في دماغك هخليكي تموتي بحسرتك كده تعالي اشربي ببس. مشيت ميرنا وسها فضلت مكانها وطبعا دمها محروق. في مكتب علي.

علي: مبدئياً كده مدير الشركة حب نباهتك وتركيزك في الشغل بس عمر لاحظ إنك رغاية وحاولتي تتكلمي مع كل واحد في الشركة وما سبتيش حد في حاله. ميرنا: أيوه يا فندم من الطبيعي إني أكون اجتماعية وأحاول أعرف كل حاجة عن المكان اللي شغالة فيه... وده بيطلب إني أكون اجتماعية مع الكل. علي: لا مش هنا خالص الاجتماعية دي... إنتي بتيجي تخلصي شغلك وتمشي... مش علينا... المدير حب يرقيكي... لأنك رغم كل اللي بتعمليه الا إنك مركزة جدا. ميرنا:

بجدددد؟ علي: أه بجد... بدل ما كنتي زيك زي اللي تحت هتكوني إنتي مساعدتي اللي هتاخد منهم الفايلز وتراجعي عليهم وتسلميهم لي... وده طبعا كان حظك إن مساعدتي هتتجوز ومش هتعرف تنزل شغلها تاني. ميرنا: يا بركة بركة يا ماما... شكرا يا مستر علي وإن شاء الله أكون عند حسن ظن حضرتك إنت والمدير. علي: هتبدئي شغلك الجديد من بكرة والنهارده هتكملي تحت عادي جدا... ودلوقتي تقدري تتفضلي. ميرنا: عن إذنك. خرجت ميرنا من مكتب علي ونزلت تحت.

نيرة: هااا كان عايزك في إيه؟ ميرنا: بالرغم من إني فرحانة بس زعلانة في نفس الوقت. نيرة: ليه إيه اللي حصل؟ ميرنا: اترفعت... ترارا. نيرة: واه... طب دي حاجة حلوة جدا ليه بقا زعلانة؟ ميرنا: علشان مش هكون معاكي في نفس القسم. نيرة: ليه إنتي بقيتي إيه؟ ميرنا: مساعدة علي اللي جه ده. نيرة: ده احنا هنشوف بعض أكتر من دلوقتي... بس إيه ده... هيا ملك مساعدته مشيت. ميرنا: يب... لأنها هتتجوز ومش هتنزل شغل تاني. نيرة:

أحسن ده أنا كنت كل يوم أتخانق معاها. ميرنا: أديكي مش هتشوفيها تاني اهو... الا صحيح يا سها... مش تباركيلي؟ سها: أباركلك... على إيه؟ ميرنا: مش أنا اترفعت وبقيت مساعدة صاحب مدير الشركة؟ سها: نعمم... من تاني أسبوع ليكي... ده أنا بقالي سنتين شغالة هنا مترفعتش خالص. نيرة: الله أكبر في وشك يا شيخة. ميرنا: ده بدل ما تباركيلي... بتحسديني يا سوسو. سها: أباركلك على إيه... المكان اللي إنتي خدتيه ده المفروض مكاني بعد ما ملك تمشي.

ميرنا: غيري مني وولعي صعب جدا تلمعي... استحالة تقدري تستك إنتي آخرك تسمعي. نيرة: أديلوا. ميرنا: صاحبي اللي بحبه. زمايل ميرنا لما عرفوا باركولها على مكانها الجديد باستثناء سها طبعا. في مكتب علي خرج المدير من ورا الباب اللي كان واقف عنده بعد ما ميرنا مشيت. علي: متأكد إنها هتنفع في الشغل ده يا عمر؟