رواية سأحبك بالتاكيد الفصل الرابع 4 - بقلم بتول عبد الرحمن

علي: متأكد إنها هتنفع في الشغل ده يا عمر. عمر: من ساعة ما شوفتها وأنا حسيتها طموحة... براقب تصرفاتها هي وكل اللي تحت بس عجبني تركيزها... وطريقتها في الكلام مقنعة... أنا واثق مش بس متأكد يا علي. علي: كويس... بس إنت هتفضل تراقب كل العمال بنفسك لحد إمتى... المفروض تهتم بحاجة واحدة. عمر وهو بيخرج من المكتب: قولتلك قبل كده بحب أراقب الأوضاع بنفسي... واه... مش عايز ميرنا تعرف إني المدير... متوقعش بلسانك. علي: عيب عليك.

تاني يوم. راحت ميرنا الشركة وخدت مكانها الجديد وكانت فرحانة بيه جدا زي فرحة روبانزل بالتاج اللي عجبها على رأسها وشافت نفسها في مستقبل أحسن. بعد ساعة جه علي وطلب منها تراجع فايلات كتير بداله. خلص اليوم وهي حست بإرهاق زيادة عن كل يوم وطبعا عمر مراقب كل أوضاع الشركة وعارف كل صغيرة وكبيرة بتحصل فيها. ميرنا: وتقولي لي هنشوف بعض أكتر. نيرة: وأنا أعرف من إن إنهم زودوا الشغل عليكي. ميرنا: حسب ما فهمت إن هنا مفيش نظام معين.

نيرة: يمكن في القسم اللي إنتي اشتغلتي فيه بس تحت كل واحد وليه شغل معين... بس إنتي بتشتغلي الشغل اللي علي كان بيشتغله... يبقى أكيد هو استلم شغل تاني. ميرنا: وملك كانت كومبارس ولا إيه. نيرة: لا بس مش بيعتمدوا عليها اعتماد كلي. ميرنا: يمكن... يلا الوقت اتأخر... أشوفك بكرة... باي. عدي أسبوع وكل يوم ميرنا بتثبت نفسها في الشغل وعمر وعلي بينبهروا مرة بعد مرة بطريقة تفكيرها. في بيت ميرنا واقفة قدام صورة متعلقة على الحيطة.

ميرنا: بحاول أنفذ الوعد اللي وعدتهولك زمان... تعبت جدا في الحياة وحاولت أتأقلم على عدم وجودك... تعبت جدا عشان خاطر أوصل للحظة دي... كان نفسي تكون موجود معايا... تكون إنت الحلو في حياتي بدل المر اللي أنا عايشاه... واتكسرت أكتر من أخويا... بس متقلقش أنا بعالجه... وأكيد مش هسيبه لوحده رغم كل اللي عمله معايا... بس هيفضل أخويا... اللي إنت وصيتني عليه... ربنا يرحمك يا حبيبي ويجمعني بيك قريب.

راحت ميرنا الشركة وهي داخلة شافت الكل بيبصلها نظرات سخرية واللي بيبصلها بنظرات شفقة ومنهم بيبص بنظرات شماتة. ميرنا: هو في إيه يا نيرة... بيبصوا لي ليه كده. نيرة: متحطيش في بالك. ميرنا: ما أنا مش فاهمة في إيه. سها: هقولك أنا في إيه يا حبيبتي.