رواية سأحبك بالتاكيد الفصل الثامن والخمسون 58 - بقلم بتول عبد الرحمن

لؤي: تتجوزيني فيروز بصدمة: اتجوزك؟ لؤي: أه زي ما سمعتي كده فيروز: بس إزاي؟ لؤي: هروح أطلبك من باباكي وهنعمل فرح عادي زي الناس فيروز: إنت هتقبل.. يعني هت... لؤي: إنتي ملكيش أي ذنب في ده... إنتي مجرد ضحية... وأنا بصراحة بقى بحبك ومقدرتش أستحمل بعدك من ساعة ما مشيتي من المستشفى فيروز: إنت فاهم إنت بتعمل إيه؟ لؤي: أنا أول مرة أكون فاهم أنا بعمل إيه... أهم حاجة إنتي موافقة ولا لأ؟ فيروز

سكتت شوية وبعدين قالت: أنا مش عايزة أظلمك معايا... إنت تستاهل حد أحسن مني... وبعدين أنا خايفة... خايفة تحصل بينا مشكلة إلاقيك بتعايرني لؤي: علشان إنتي لسه معرفتنيش... بس أنا مش زي ما إنتي متخيلة... ولو إنتي مش بتحبيني ومش هترتاحي معايا... أنا هقدر ده فيروز: لا يعم هو أنا أطول... أنا بتكلم عليك إنت لؤي: صدقيني مش فارقة فيروز: يعني إنت بتحبني زي ما بتقول ولا بتشفق عليا؟ لؤي: طب ده كلام يتقال؟ فيروز: حط نفسك مكاني...

أنا خلاص كنت قررت أعيش كجسد بس لؤي: وأنا موجود! معتقدش... هااا موافقة ولا أروح أنتحر أنا كمان؟ فيروز بابتسامة: لا موافقة طبعاا رجع مازن الجامعة بالتاكسي ولقى صاحب التاكسي قاعد على الرصيف وأول ما شافه جري عليه بسرعة نزل مازن وقاله: كويس إني لاقيتك... أنا كنت هدور عليك على فكرة _: وهو في حد يعمل اللي عملته ده غير إنه يكون حرامي... بس المهم إن التاكسي رجع... ده عليه أقساط

مازن: أنا آسف والله بس كانت فيه واحدة بتتخطف ولازم ألحقها وعربيتي في الجراج فكان لازم أتصرف _: حصل خير يا أستاذ... المهم إن التاكسي رجع وإنك مش حرامي مازن: طب تعالى معايا بالليل عند عمر وميرنا ميرنا: هتفضل مقموص كده؟ عمر: مقموص؟!!! ميرنا: إنت مش شايف نفسك ولا إيه؟ عمر: إنتي اللي مش شايفة نفسك ميرنا: إنت اللي بتكبر المواضيع كلها... أنا بعدي إنت لأ... ودي مشكلة كبيرة... وصدقني لو فضلت كده أنا وإنت هنخسر

عمر: وإنتي شايفة إنه مش كبير... يعني إنتي عارفة إنك حامل بقالك يومين ومقولتيش وأعرف بالصدفة ميرنا بابتسامة باردة: كنت عايزة أعملهالك مفاجأة... كنت هعمل حركة رومانسية وأقولك إني حامل... إنت اللي بوظت الدنيا عمر: يعني إنتي عايزة تفاجئيني فتعامليني بمعاملة سمجة؟ ميرنا: إنت اللي بدأت عمر: فبتشربيني من نفس الكاس؟ ميرنا: مكنتش في دماغي على فكرة... ولو مش مصدقني ممكن تسأل لين...

كنت بسالها وبقولها إيه أكتر طريقة ممكن تفرحك.. قالت لي الطريقة اللي فاجأك بيها آخر مرة... وبما أنه استعملها معاكي فهيكون فرحان لو عملتيها فيه عمر: ده بجد؟ ميرنا: أه بجد... إنت دايما ظالمني مع إني عمري ما ظلمتك... وده هيخسرنا بعض عمر: يخسرنا إيه بس صلي على النبي كده.... كل واحد وليه طباعه... بس أنا هحاول أغير اللي مش عاجبك فيا ميرنا: أتمنى بجد تاني يوم الصبح خالد: عايزة تعرفي إيه؟ منال: إيه السبب اللي خلّاك تبعد عننا؟

خالد: شغلي... أنا مسبتش شغلي زي ما قولتلك منال: والله كنت حاسة... شغلك اللي مسبب لي الغم ده خالد: من غير شغلي ممكن أموت أصلا... وإنتي أكتر واحدة عارفة منال: بس إنت دلوقتي سبته... مش كده؟ خالد: قررت أقضي حياتي وسطكم... مش هلاقي حد أحسن منك يستحملني منال: وإنت استحملتني زمان كتير برضو... احنا ملناش إلا بعض خالد: أنا عاملك مفاجأة منال: إيه هي؟ خالد: لو قولتها لك مش هتكون مفاجأة عند ميرنا في الشركة ميرنا: أنا تعبت بجد...

كل شوية أبرر وكل شوية أعذر... وليه هو مش بيحس بكده؟ نيرة: بس هو بيحبك جدا يا ميرنا ميرنا: يا ستي ينعل أبو الحب الف مرة لو هو بالمنظر ده... ده مش بيستحملني ساعتين على بعض في حين إني بستحمله كتير جداا نيرة: وهتعملي إيه يعني... دي حياتك ميرنا: لا... أنا مش هفضل طول حياتي تعبانة نفسيا كده... بس صدقيني المرة الجاية هاخد موقف نيرة: هتعملي إيه يعني؟ ميرنا: هتعرفي في وقتها عند لين فيروز: إنتي محظوظة والله

لين: كله من عند ربنا بجد... بس طلع مش متجوز فيروز: ولا بيس دبلة ليه؟ لين: دي أخته كانت شارية هاله فيروز: أهaaa... بس بقينا مهتمين وبنسأل اهو لين: حاسة إني بفرح لما بشوفه... وحسيت إني لازم أفتح معاه كلام وأعرف إذا كان متجوز ولا لأ فيروز: طب وليه الفرصة دي مش الفيسبوك موجود... أول ما تدخلي صفحته هتلاقي حالته الاجتماعية لين: مش جاية في بالي والله بعد شهر من غير أي جديد اتصلت فيروز بميرنا ميرنا: فرح مرة واحدة كده

فيروز: أنا وهو عارفين بعض كويس... فالخطبة ملهاش داعي ميرنا: عالعموم الف مبروك وربنا يكملكم على خير فيروز: يارب... تعالي بقى إنتي والعيلة ميرنا: عايزة أقولك إن عمو رن عليا وقالي نفس الكلام فيروز: والله!!! ... بابا سريع أوي كده ميرنا: فرحان بيكي يا عروسة... وأنا كمان فرحتلك فيروز: تسلمي بجد بالليل ميرنا: عمو كلمك؟ عمر: أه كنت لسه هقولك ميرنا: عايزة أشتري فستان عمر: أي وقت تكوني فاضية فيه قوليلي وننزل نختار أجمل فستان

ميرنا: تسلملي... ممكن قبلها بيوم مثلا عمر: على راحتك ميرنا: لين بترن عليا... كانت قايلالي أروح أقعد معاها شوية عمر: روحي بس متطوليش ميرنا: أوكي راحت ميرنا للين لين: فيروز دي تقرب لمازن إيه؟ ميرنا: بنت عمه... وزي أخته كده بالظبط بدل ندى يعني لين: ندى دي اللي ماتت؟ ميرنا: أه ربنا يرحمها... مشوفتيهوش كان عامل إزاي وقت ما عرف إنها ماتت؟ لين: هو بيحبها جدا ميرنا: أكتر من نفسه... ده كان منهار عليها لين: طب هي ماتت إزاي؟

ميرنا: قالولي إنها تعبانة... وضد إنها تسمع خبر وحش ولما سمعت خبر وحش مستحملتش لين: يا حرام... ربنا يرحمها... ويصبره برضو... هي أخته الوحيدة ميرنا: أه علشان كده أتأثر بيها جدا... مكانش بيحب يشوفها متضايقة... كان بيحاول بكل الطرق إنه يسعدها... وهو عمل اللي عليه لين: أكيد هيكون موجود في الفرح ميرنا: ده أكيد يعني لين: تخيلي إني محاولتش أتعرف على حد من عيلتك قبل كده... كان كلام سطحي جدا في فرحك وخطوبتك لين: بس حسيتهم لطاف

ميرنا: أه جدا... هتحبيهم لو تعاملتي معاهم لين: هو فرحها إمتى؟ ميرنا: آخر الأسبوع لين: إنتي هتشتري فستان؟ ميرنا: أه قولت لعمر لين: وأنا كمان عايزة أشتري... ولا مفيش داعي؟ ميرنا: لو عندك فساتين حلوة البسي واحد منهم لين: عندي بس لبستهم كلهم قبل كده ومش هحب ألبسهم تاني ميرنا: خلاص اشتري لين: تمام أبقي قوليلي أنزل معاكي