رواية سأحبك بالتاكيد الفصل الثاني عشر 12 - بقلم بتول عبد الرحمن

في مكان تاني. _: محتاجين دم بسرعة. قالها دكتور للمرضات اللي معاه. *: الفصيلة نادرة جدا ومحدش من عيلة المريض بره. قدام بيت ميرنا. خبط كتير ومزعج ع الباب ومحدش بيرد. _: تلاقي محدش موجود. _: بعد ما طخينا المشوار ده كله. جه شخص من وراهم. _: تأمروا بحاجة!! عند ميرنا. ميرنا: البس ده ولا ده. هاجر: الاتنين حلوين عليكي. ميرنا: عينك اللي حلوة والله… بس محتارة البس إيه فيهم. هاجر: الأحمر هيكون خرافي… دايما الأحمر بيفوز.

ميرنا: أشطة هلبس الأسود بقا. عند عمر. علي: أنت مش شايف نفسك يبني. عمر: بلاش تلميحات سخيفة يا علي. علي: دي مش تلميحات… دي حقيقة. عمر: أنت عايز تشوف كده… براحتك. علي: تصرفاتك هي اللي بيبان عليها والله… الأول تفضل مراقبها وبعد كده ترقيها وبعد كده تطلع ليهم كامب وبعد كده تلعب في الورق علشان تكونوا أنتوا الاتنين مع بعض… كل ده وبتنكر إن تصرفاتك مش غريبة.

عمر: أمور عادية خالص ع اللي فكرة… أنت اللي مكبرها… أنت ناسي هالة ولا إيه. علي: كلنا عارفين إنك كنت مجبر على خطوبتك من هالة… زي ما أنا واثق ومتأكد إنك مش بتحبها. عمر: بس هي دلوقتي خطيبتي والمفروض أحترم ده ولا إيه. علي: أنت بدأت تداري عني ع اللي فكرة… والمفروض إني صاحبك. عمر: مبداريش بس أنت بتقول كلام مش منطقي. علي: يبني ياريتك تشوف نفسك وتصرفاتك. عمر: أنت هتجنني أنا خارج بره. جه الليل وراحوا الحفلة.

علي: عينك منزلتش من عليها اهو… انكر بقا. عمر: بطل هبل يا علي… بس بقا بس. علي: ع اللي فكرة هي كمان بتبصّلك كتير… ممكن يكون إعجاب متبادل. عمر: أنت عايز توصل لإيه بالظبط. علي: مش عايزك تقع مع واحدة مش بتحبك وتسيب اللي بتحبها… عينك باين فيها كل حاجة يا عمر… روح لها قبل ما تضيع من إيدك… أنا حذرتك. مردش عمر عليه ووصلوا الحفلة واتفاجئوا باللي شافوه.