رواية سأحبك بالتاكيد الفصل الثاني والعشرون 22 - بقلم بتول عبد الرحمن

لين فتحت لقت قدامها ظباط وواحد منهم بيطلب القبض على عمر. لين: نعمم… تقبضوا عليه… طب ليه؟ _: بتهمة قتل والشروع في قتل. اتصدمت من اللي سمعته. _: انسه… لو سمحت ممكن تناديه. لين: ااه… اه… ثواني. _: مين يا لين؟ لين: ده بوليس يا ماما. _: ينهار ابيض… وعايز ايه؟ لين: عمر. _: انتي بتقولي ايه… اكيد غلطانين. لين: أنا هطلع اشوفه وافهم ايه اللي بيحصل. طلعت لقت هاله واقفه قدام باب اوضته واول ما شافتها عملت اكنها هتنزل تحت.

لين: انتي بتعملي ايه هنا قدام اوضة عمر؟ هاله: ممفيش… أنا بس كنت نازله. سابتها ونزلت بسرعه ولين خبطت على الباب ودخلت. عمر: في ايه؟ لين: البوليس تحت وطالبك بقضيتين… الأولي قتل والتانيه شروع في قتل… اكيد غلطانين في العنوان مش كده! علي: عمر… عمر انت عملت ايه؟ عمر: معرفش… هنزل اشوفه. نزلوا التلاته وقبضوا على عمر تحت انهيار مامته واخته وصدمة هاله لانها مكانتش متخيله أن ممكن الأمر يوصل لكده.

وعلى راح وراهم بالعربيه مع محامي. في المحكمه. المحامي: ممكن تقولي ايه اللي حصل؟ علي: عمر قول كل حاجه حصلت… أنا لسه عارف ان ميرنا في المستشفي… ممكن تقول ايه اللي حصل وعملت ايه؟ عمر: قتلـ ـتهم… هيا خـ ـاينه… خـ ـانتني معاه… كانت بتستغفلني. المحامي: احكي كل حاجه بالتفصيل. في مكان تاني. _: سها.. سها… عرفتي ايه اللي حصل؟ سها: اخبار جديده! _: وجامده.

سها: قول في ايه… بس علطول مش ناقصه سخافتك… ومتقولش عايز فلوس انت لسه لاهف مني ١٠٠ جنيه. _: لا هقولك بجد المرادي… هتتصدمي اصلا. سها: سامعاك يا استاذ سامي. سامي: ميرنا اللي انتي عايزه تنتقمي منها في المستشفي… وكانت هتـ ـموت. سها: ايه… ده حصل ازاي ده؟ سامي: عمر بعد ما حددوا خطوبتهم لاقاها بتخـ ـونه فضـ ـربها بالسـ ـكينة ومـ ـوت اللي كان معاها وهو دلوقتي في السجن. سها: احسن تستاهل… فرحانه فيها من كل قلبي. عند عمر.

عمر: وده كل اللي حصل. المحامي: متقلقش… هطلعك منها. عمر: مش عايز اطلع منها… ياريتني اتحـ ـبس أو اخد اعـ ـدام احسنلي. علي: انت متأكد أن ميرنا خـ ـانتك فعلا؟ عمر: بقولك شفتها بعيني. علي: ميرنا متعملش كده… الشخصيه اللي أنا اتعاملت معاها لا يمكن تعمل كده. عمر: انت ليه بتدافع عنها… بقولك شوفتها بعيني ولو رجع بيا الزمن هعمل نفس اللي عملته.

علي: انت محتاج تهدي وترتب الأمور كلها ببعض… وطنط منال ولين وهاله بره هيتجننوا ويشوفوك. عمر: مش عايز اشوف حد. اتـ ـحبس عمر ٤ ايام على ذمة التحقيق. عدى يومين وبدأت ميرنا تفوق. ميرنا: ع.. عمر. الدكتوره: حمد الله على سلامتك… قلقتينا عليكي. ميرنا: أنا فين؟ الدكتوره: في المستشفي. قامت تتعدل. _: ااه… الدكتوره: على مهلك… في اتنين بره مستنيينك تفوقي… وعايزين يطمنوا عليكي… عايزه تشوفيهم؟ ميرنا: اه ياريت.

خرجت الدكتوره تنادي ليهم (نيره وعلي) علي: حمد الله على سلامتك. نيره: قلقت عليكي جدا. ميرنا: هو ف..فين عمر؟ علي: اتقبض عليه علشان اللي عمله. ميرنا: انت بتقول ايه… اكيد مش هيتـ ـحبس. علي: ده ضـ ـربك بالسـ ـكينة ومـ ـوت اللي كان معاك. ميرنا: مـ ـوته… اانا اصلا معرفش هو مين. علي: أنا مصدقك… بس هو هيتجنن من اللي شافه… أنا حاولت اقنعه بس هو مش مقتنع.

ميرنا: أنا عمري م عملت حاجه وحشه ولا هعمل… ولا عمري غلطت في حقه… بس انا مش عارفه ازاي الراجل ده دخل شقتي. نيره: ايه اخر حاجه انتي فاكراها؟ ميرنا: اني طلعت الشقه وقفلت الباب وبعدها محستش بحاجه تاني. علي: في حد عمل كده وكان عايز يأذيك؟ ميرنا: طب أنا عايزه اشوفه واتكلم معاه وافهمه كل حاجه. علي: حددوا يوم المحاكمه… ارتاحي دلوقتي وبعدها روحي احكي في المحكمه اللي حصل.

ميرنا: لا انا عايزه اشوفه دلوقتي… مش هرتاح غير لو شوفته. وفعلا حاولت تقوم وتمشي بعد ما كتبت إقرار أن المستشفي ملهاش علاقه لو حصلها حاجه. دخل العسكري لعمر وطلبه. عمر: مش عايز اشوف حد… نادولي يوم المحاكمه. _: اللي جايلك مصمم يشوفك. خرج وشافها هيا وعلي. عمر: انتوا جايبني هنا ليه… خدوني على الحجز تاني لو سمحت. ميرنا: عمر. عمر: متنطقيش اسمي على لسانك. علي: هسيبكوا لوحدكوا.

ميرنا: عمر… انت فاهم غلط… في حد مش عايزنا مع بعض… الاوردر اللي انت جبتهولي بعد ما كلت منه أنا حسيت بارهاق زياده عن كل يوم والله وهو اللي خلاني اروح. عمر: انتي كدابه… أنا مجبتلكيش حاجه اصلا… بس انتي واخداها حجه. ميرنا: لو سمحت… انت كده هتضيع نفسك وهتضيعني معاك. عمر: أنا كده كده ضايع بس انتي بقيتي كويسه اهو… هو عشـ ـيقك بس اللي مـ ـات… ده اللي اتأذيتي عشانه.

ميرنا: مش عشـ ـيقي… أنا محبتش غيرك… افهم بقا… في حد اداني اوردر باسمك والله واسال نيره. عمر: اخرسي بقا… انتي لسه بتكدبي بعد ما شوفتك بعيني… كان لازم اصدق انك زي أمك وانك خـ ـاينه زيها… اصلها وراث. ميرنا بصدمه: عمر انت بتقول ايه… انت كده بتتهمني في شرفي. عمر: انتي انسانه خـ ـاينه زيها بالظبط… يمكن كنتي بتلعبي عليا وعايزه تقلبيني وتعملي زيها… انتوا الاتنين زي بعض.

ميرنا: بس يا عمر… انت كده قطعت اي امل لينا مع بعض… أنا مكنتش اتخيل انك كده. عمر: لاء تخيلي… مش عايز اشوف وشك تاني. خرجت من عنده وهيا مش مصدقه أن ده عمر اللي هيا حبته… قد ايه كانت مخدوعه فيه. علي: عمر مـ ـجروح علفكره واكيد ميقصدش اي كلمه من اللي قاله. ميرنا: ولا يقصد بقا… مبقتش فارقه… ممكن تساعدني. علي: من غير ما تقولي… أنا واثق في براءتك وهثبتها… بس عايز اعرف كل حاجه حصلت. في بيت عمر كانت لين وهاله قاعدين. منال

(مامت عمر) : مش هتهدي اعصابي غير أما اخوكي تتثبت براءته… منها لله ميرنا دي هي السبب. لين: كل حاجه هتبان في وقتها.. خدي يا هاله. هاله: ميرسي. بعد ساعه كانت هاله ونوال في ٧٠٠ نوم. لين: الو… علي… أنا حطيت منوم لهاله واضطريت احط لماما علشان متحسش.. بس الفون مش ببصمتها.. ممكن تكون عاملاه ايه؟