رواية ساحرة القلوب الفصل الأول 1 - بقلم اياد حلمي

بابا أنا نجحت وطلعت الأول على الجمهورية. بصلها صابر والدموع في عينه. صابر: مبروك يا رحيل. لكن قالها بصوت حزين. قربت منه رحيل وقعدت جنبه وبحزن. رحيل: مالك يا بابا، أنت بتعيط ليه؟ يبصلها أبوها ويزيد في العياط ويحضنها أوي وهو بهمس: اسمحيني يا بنتي، مش بإيدي. رحيل بقلق: الله مالك يا بابا، حصل إيه؟ ترد عليها فايزة، مرات صابر. فايزة بمكر: بابا إيه، هو أنت لسه عايشة دور بنته؟

ده إحنا لقينك في الشارع وأنتي عمرك 10 سنين وصرفنا عليكي دم قلبنا، بس هو السبب يا ماما، قولته يرميكي في أي ملجأ بس هو قال لأ، دي بنتي. مش اللي صرفته ده كان بناتنا أولى بيه، ده أنت عندك بنتين محتاجين تقولهم دهب عشان يجوزوا ويتجهزوا ويتعلموا. رحيل بدموع من كلام فايزة: طيب إيه اللي حصل؟ فايزة: أنتِ مش هتدخلي كلية الإعلام عشان هتتجوزي. رؤوف بيه شاب زي الورد، مش عارفة ليه عاوزه أنتِ. رحيل بعياط هستيري: لا مستحيل ده يحصل.

وراحت تمسك في إيد أبوها: بابا قول ده مش صح، أرجوك يا بابا. أنت وعدتني إني أكمل تعلمي وأبقى مذيعة، بابا ده حلمي. تشدها فايزة بكل غل وحقد من شعرها وتجرها في الأرض. تصرخ رحيل: بابا الحقني. لكن صابر مش قادر يتحرك. فايزة فضلت تضرب فيها: أنتِ هتتجوزي عشان تسددي ديون أبوكي. خلص، جه وقت إنك تسدي تمن تربيتك. رحيل فضلت تعيط وتصرخ وفايزة مش رحماها، ونزلة فيها ضرب بكل حقد عشان هي أجمل وأذكى ومؤدبة عن بناتها وكل الناس بتحبها.

فاتن وسمر كانوا واقفين يتفرجوا على رحيل وهي بتعيط. فاتن كانت شماتة فيها وفرحانة أصلها بتكرهها أوي. أما سمر كانت متعاطفة معاها أصلها صاحبتها، لكن متقدرش تدافع عنها أصلها ضعيفة الشخصية وجبانة. صابر متحملش صراخ واستنجاد رحيل فانفعل وقام زق فايزة بقوة وقعها على الأرض وحضن رحيل وهو بيقول: حرام عليكي. تتغاظ فايزة من جوزها وتمسك برطمان العسل وتحدفه على رحيل، بس يجي في ضهر رؤوف اللي حمى رحيل من الحدفة.

ويلتفت بكل عيون مشتعلة بالغضب الناري لـ فايزة وبصوت جوهري غاضب: رؤوف: أنتِ نهارك مش فايت. ترتعب فايزة في مكانها. رؤوف بحب: أنتِ كويسة يا رحيل؟ تهز رحيل رأسها بمعني أه، لكن كل جسدها بيرتجف من الخوف والرعب. وجن جنان رؤوف أول ما شاف آثار الضرب اللي على إيدها وجروح وخرابيش في وشها وآثار صوابع معلمة على خدها وشعرها المتقطع. يصرخ في فايزة: أنتِ النهارده يومك مش فايت.

وقام وقف وهو بيزفر زي الثور وببسمة شر قلع حزمه ولسه هينزل على فايزة بيه يحصل.