رواية سائقة الميكروباص الفصل العاشر 10 - بقلم منة غريب

شمس بغضب جامح: بيت مين ياض بس يا كابتن انت تاخد بعضك وتمشي من هنا. واهو الواد جري، الله يخربيتك، مين هيصلح العربية دلوقت؟ الله يخربيتك. إياد مسك إيدها ومشي بيها. شمس بغضب: سيبني يا إياد، إنت إزاي تمسكني كده؟ إياد بخبث: مراتي يا ناس، براحتي. شمس: يا عم مرات مين، متخلنيش أقل منك في الشارع. أبعد كده. ثم بحركة سريعة سحبت إيدها منه وقالت بصوت عالي: أنا وإنت مش بنطيق بعض، وده معروف ما بين الجميع. عاملين زي القط والفار.

ومن الآخر، مش هتجوز. إياد: هو أنا هتجوزك عشان بحبك مثلاً أو دايب في هواكي؟ لا يا شمس، هتجوزك عشان أشكمك بدل ما إنتي عاملة مشاكل للكل. شمس: طب، آخر كلام عندي، جواز مش هتجوز، فاهم؟ ومشيت شمس بغضب شديد. وبقي هو ينظر لأثرها، ثم قال: هو أنا ليه مصمم أتجوزها؟ أكنّي بحب شمس؟ إيه؟ لا لا، ده هبل، أنا همشي. دخلت شمس المنزل وقالت بصوت عالي: مين اللي قال للأخ ده إني بتخانق؟ خرجت مروة وقالت: أنا يا نينة عين أمك، عندك اعتراض؟

وقفت شمس أمام والدتها وعينها تطق بالشر، قالت: تعرفي إني مش باجي بالغصب، وإنتي عارفة. ثم إن الشخص ده مستحيل أتجوزه. شهقت مروة وقالت: جواز إيه يا بت؟ إنتي متأكدة إن إياد طلبك للجواز؟ شمس: على الأساس متعرفيش يا أمي؟ تلاقيقي إنتي اللي قيلاله اتجوزني، صح؟ مروة: هو أنا مجنونة عشان أقوله تعال اتجوز بنتي؟ بس تعالي قوليلي، هو قالك إيه؟ شمس: لا، أنا عايشة مع بيت مجانين. دخل منزله واستقبلته والدته وقالت:

قولي يا واد، إنت روحت فين؟ تجري فهمني كل حاجة كده. إياد: هتجوز شمس. نوال: أيوة وماله؟ إيه نعم؟ سمعني كده تاني، تتجوز مين؟ إياد: إيه يا حاجة؟ هتجوز شمس. نوال: شمس اللي زي صحبك يا واد؟ دا إنت تتجوز بنت، مش بنت متنكرة في راجل. إياد: أمي، ده قراري. نوال: وأنا مش موافقة. إياد ببرود: المهم إني أنا موافق. ومشي إياد. وساب والدته واقفة بمكانها. ثم بحركة سريعة، هتفت بصوت منخفض: مصطفى، واد يا مصطفى، إنت فين يا حيوان؟ خرج

مصطفى من خلف الكنبة وقال: أنا هنا يا أمي. نوال بفرحة: سمعت يا واد اللي سمعته؟ مصطفى أيضاً بفرحة: أيوة سمعت. أخيراً الواد قرر يتجوز شمس. لعبنا جه بفايدة. ثم ضحكت هي ومصطفى.