رواية سائقة الميكروباص الفصل الحادي عشر 11 - بقلم منة غريب

فتح عينها وقال بمرح: أول خطة لنرفزة شمس. نظر من النافذة لقي شمس واقفة تنظر إلى الشارع. إياد بخبث: واقفه عندك ليه يا شوشو؟ أنا بغير. نظرت إليه ولم تتكلم. إياد: الله زعلانة ليه بس؟ هو أنا أقدر على زعلك ده، أنتي شوشة قلبي. شمس بغضب: بص يا ابن الناس، احترم نفسك معايا بدل ما أقل من كرامتك، فاهم؟ إياد: أنا غلطان، هي الحريم كلها نكد. شمس: بص يا أستاذ، أبعد عن خلقتي عشان أنا متعصبة دلوقتي. إياد: مين اللي معصبك وأنا أقتله؟

شمس: يا جدع، أبعد عني بقي. إياد: لا دا الموضوع عاوز قاعدة، أنا جايلك. شمس: جاي لمين يا ابن المجنونة؟ هو انت صدقت نفسك ولا إيه؟ لا، اتظبط كده بدل ما أخلي اللي ما يشتري يتفرج. إياد: أيوه كده رجعت شمس اللي أعرفها، مش البنت اللي بتتكلم بأدب دي. بس السؤال هنا، أنتي ليه مش عاوزة تتجوزيني؟ دا أنا حتى قمور والبنات كلها بتحبني. شمس: اتعموا في عينيهم يا خويا. إياد: دا أنا حتى عيوني ملونة، تحبي أجي أوريكي؟ شمس:

أحسن حاجة أدخل أجهز عشان أنزل الشغل. إياد: معنديش حريم تشتغل يا حبيبتي، مراتي تقعد في بيتها معززة مكرمة. تجاهلت كلماته، ووقفت النافذة في وجهه. إياد بخبث: وأخيراً عرفت أنرفز شمس، ولسه يا شمس اللي جاي تقيل. ارتدت ملابسها وخرجت من النزل، ولكن ارتفع صوت صريخ من خلفها. إياد: شوشوووووو! شمس: أعاعاااا يا ابن ****، أنت مجنون يا عم! إياد: مالك يا بت، ما تفكي كده الله! شمس بغضب: إنت عاوز إيه مني، وإنجز. إياد: نتجوز. شمس:

ما انت مش بتحبني، ولا أنا الصراحة. إياد: ما أنا عارف، أنا هتجوزك أربيكي مش أكتر. شمس: ليه شايفني مبعترة؟ إياد: أيوه. شمس: طب أقولك، أنا مش موافقة. وهمشي. يلا باي يا خويا. قال جواز قال، جوز جزم يا خويا. ومشت شمس، ووقف إياد مصدوم. إياد: أنا جوز جزم؟ ماشي يا شمس. ركبت شمس الميكروباص، وركب شاب بجانبها. شمس: الأجرة يا جدعان. الشاب: اتفضلي يا عسل. شمس بابتسامة سمجة: الله يعسل أهلك. الشاب: إيه قلة الأدب دي يا آنسة.

كان هو يراقبها وهو يجلس في المقعد الخلفي. إياد بصوت عالي: حد يدايقك يا حياتي؟ لفت شمس وقالت بغضب بعد أن تضايقت من وجوده معها في مكان عملها الوحيد: إنت عامل زي عفريت العلبة يا جدع. الشاب: بقولك إيه، نزلني هنا. شمس: ما تغور، هو أنا ماسكة فيك. ووقفت الميكروباص، ونزل الشاب منها. وجاء إياد وجلس بجانبها. إياد: تحبي ألم لك الأجرة يا أسطى؟ شمس: متشكرين يا عم، مش عاوزة منك حاجة. وبصوت عالي قال إياد:

يرضيكم يا جدعان تهزق خطيبها؟ سيدة مسنة قالت: يا عيني يا بني، دي خطيبتك؟ أنت مستحملها إزاي؟ شمس بصوت عالي وغاضب: بقولك إيه يا حاجة، إنتي وليه قد أمي، فا الأحسن ليكي إنزلي من هنا دلوقتي. السيدة: خلاص يا ختي، إيه البلاوي دي. شمس: إنت كده ارتحت لما عملت فضايح. إياد بابتسامة: أها، ارتحت.