رواية سائقة الميكروباص الفصل الأول 1 - بقلم منة غريب

شمس فتاه مصريه أصيله تعمل سائقة ميكروباص. نعم كما سمعتم سواقه. هذه الفتاه مرحه ولكنها سليطة اللسان. تعيش في حي من أحياء القاهرة، حي فقير. لديها أخت صغيره وأم. أبوها مات منذ أن كانت طفلة صغيرة وتحملت هي مسؤولية البيت بأكمله. لم تكمل تعليمها وهذا ما جعلها دائمًا تشعر بالنقص. إياد بطل الرواية ليس كأي بطل رواية. ليس غني بل شاب عادي يعمل في مجال هندسة الحسابات في شركة كبيرة ومعروفة.

ولا يطيق شمس أبداً وهذا ما سوف نعرفه من خلال السرد. ويسكن معها في نفس الحي. ليلى أخت شمس، فتاة تبلغ من العمر ١٧ عامًا. فتاة مجنونة تعشق الموسيقى وتحب أختها لأنها تراه الأم والأب وكل شيء في حياتها. مصطفى أخو إياد، شاب يعشق المزاح ولكن في بعض الأوقات يبقى عصبي. يبلغ من العمر ١٩ عامًا. في حي من أحياء القاهرة، حي شعبي. في منزل شمس، أو لنقل "البلطجية". نعم هذا الاسم أطلقوه عليها سكان الحي. شمس بصوت مرتفع:

يلا يا جدعان خلينا نخلص في اليوم ده. أصبحنا وأصبح الملك لله. هيا يا ليلى هانم. ليلى وهي تغني إحدى الأغاني الشعبية: مالك يا شموسة متعصبة ليه يا حياتي؟ شمس وهي تمسك عصا صغيرة في يدها وتقول بخبث: أنا هقولك متعصبة ليه يا روح أمك. ليلى بتوتر: طبعًا أنا لو مجرتش دلوقتي هضرب بالعصاية صح؟ شمس وهي تأكل لبانه: أيوه يعني انفدي بجلدك من دلوقتي. وفجأة صرخت ليلى بصوت مرتفع وهي تجري في كل مكان. وشمس تجري خلفها بالعصا.

في المنزل المقابل لهم وتحديدًا في منزل بطلنا إياد. السيدة نوال بصوت مرتفع: يا مصطفى الزفت صحي أخوك هيتأخر على الشغل. يا حيوان قوم. خرج شاب صغير بالسن من الغرفة وقال بمرح: خير يا ست الكل يا عمود البيت. بتزعقي ليه؟ نوال بصوت مرتفع: أنا هقولك مالي يا حبيبي. وفجأة طار شبشب قديم على مصطفى ولكن تخطاه مصطفى وقال: ومجاتش ومجاتش ههههه. ثم قفل الباب في وجه والدته. صرخت نوال وقالت: أنا لو كنت مخلفة بطة كانت نفعتني. مصطفى بمرح:

اعتبرني بطة وزغطيني علشان مبجبلكوش فضيحة هنا. نوال: ماشي يا ابن ****. مصطفى: تحيا الأم المصرية. في غرفة إياد. ينام إياد وهو يحط على وجهه مخدة صغيرة. لا يريد الاستيقاظ على صوت والدته وأخيه المشاغب. إياد بصوت مرتفع: ما كفاية زعيق على الصبح يا جدعان. مكنش يوم إجازة أخدته. هتزهقوني. دخلت نوال وقالت: إيه يا ابن ****. إياد بتعجب من شتيمة والدته له: طب ليه الغلط ده على الصبح؟ نوال: أنا براحتي يا ابن ****. إياد:

لا إله إلا الله. مالك يا أمي على الصبح؟ نوال: هتجبولي شلل أطفال. حسبي الله فيكم. إياد: طب أنا مالي. نوال: قوم يلا علشان تطفح. إياد: حاضر يا ست الكل. تحولت نوال في ثانية وقالت: ربنا يخليك يا حبيبي يا اللي مش تاعبني زي الكلب التاني. دخل مصطفى وقال: حد بيجيب في سيرتي. نوال: غور هات فطار علشان أخوك يلا. جري مصطفى وقال: فوريره.