رواية سائقة الميكروباص الفصل الثامن 8 - بقلم منة غريب

في غرفة إياد، ظل يضحك على ما فعله بها. ثم قال: "أهو كده أعرف آخد حقي منك يا شمس الكلب." دخل مصطفى وجلس بصمت رهيب. إياد: "دا من إمتى الكلام ده؟ مصطفى بصوت رقيق: "مالي بس يا إياد." جلس إياد أمامه وقال: "ومالك يا حبيبي؟ ما تتعدل ياض، في إيه مالك طري كده ليه؟ مصطفى: "يا عم طري إيه بس، ما حلو أهو." إياد بخبث: "اممم، احكي بقا كل حاجة كده." مصطفى: "حاجة إيه؟ إياد: "يا لوووول، قول هي الصنارة غمزت ولا إيه؟

أنا شوفتك وانت بتبص على البت ليلي اخت المخفية شمس صح؟ توتر مصطفى وقال: "لا يا عم، هتلبسني مصيبة مع شمس." إياد: "قول بس وأنا هلعبها مع شمس." مصطفى: "بس توعدني إنك مش تقول حاجة لأمك." إياد بخبث: "قول بس." في منزل شمس، كانت تجوب الأرض ذهاباً وإياباً بغضب. شمس: "آها يا ابن نوال، وربنا ما أنا سايباك. آها يا حرقة قلبي، ماشي يا إياد." "يا ست شمس، يا ست شمس." فتحت النافذة ولقت الصبي اللي بيشتغل معاه.

شمس: "في إيه يا مخفي، مالك؟ الصبي: "الحقي الميكروباص بتاعك اتخبط." "يا نهار أبوك أسود." هتفت بها شمس. شمس: "طب غور امسك الراجل عقبال أما أجي. غور." جرت شمس على الدرج الخاص بها وأخرجت منه آلة حادة صغيرة. حطتها في جيبها وطلعت لقت أمها واقفة. مروة: "أجي معاكي علشان أنا عارفة إنك مش هتعديها." شمس بغضب: "ليه؟ شيفاني ناقصة إيد ولا رجل أقولك؟ راحت جريت على الباب وقفلته بالمفتاح.

شمس: "خليكي جوه واوعي تتحركي انتي ولا بنتك، فاهمة؟ ومشت شمس. كانت مروة تصرخ بصوت عالٍ وتقول: "يا شمس يا بت افتحي، يا نهار أسود يا بت." ولكن لا حياة لمن تنادي. وصلت شمس ولقت الصبي ماسك الواد اللي خبط العربية. مسكته شمس من ملابسه وقالت: "بقا انت يا ننوس عين ماما وبابا اللي خبطت المكروباص بتاعي دا؟ انت ليلة أهلك سودة."