رواية سائقة الميكروباص الفصل السابع 7 - بقلم منة غريب

جرت شمس. شمس بصراخ: افتحي يا ماما بسرعة. فتحت والدتها ودخلت شمس بسرعة، وقفلَت الباب في وجه إياد. إياد من بره: افتحي يا شمس، يا شمس. مروة (والدة شمس) : إيه ده؟ ده صوت إياد يا بت، عملتي إيه للراجل؟ شمس بضحك: ضربته، هههههههه. إياد من بره: أقسم بالله يا شمس لو شفتك هموتك بجد، افتحي. مروة فتحت وقالت: اهدي يا إياد يا ابني، والله الدنيا مش مستاهلة. إياد: ما تقولي لبنتك اللي عاملة فيها فتّوة دي.

مروة: يا ابني حقك عليا، أنا أمحّيها فيا. إياد: أنا هسكت بس عشانك إنتِ بس، أنا مش هعدّي اللي حصل ده بالساهل. كان مصطفى ينظر إلى ليلي وقال بهمس: والله البيت ده أنا حبيته. إياد بصراخ: ورايا يا مصطفى. جرى مصطفى خلف أخيه الغاضب. كانت تقف في الشرفة وفي يدها قالب ثلج. وفجأة عدّت: واحد، اتنين، تلاتة. وحدفت قالب الثلج على إياد. وظلت تضحك بشدة. إياد من تحت بألفاظ مش لطيفة: يا بنت..... يا......

شمس: تؤتؤ، اهدي يا هندسة بس، لحسن تموتي ويحصل لك حاجة. إياد: استني عليا، مش إنتي اللي بدأتي اللعبة، يبقى استحملي. ظلت شمس تضحك على ما فعلته به. بعد قليل سمعت صوت حاجة دبت في الشباك. قلقت بشدة، ولكن طمّنت نفسها أنه عادي. فتحت الشباك، لقت إياد واقف وعمال يحدف طوب على الشباك. شمس: يا مراري، إنت اتجننت؟ إياد بخبث: لامؤاخذة يا أختشي. أصل في حمامة عندكم، فقولت أقتلها وأخلص منها. وحدف طوبة وجات في شمس.

شمس: اهاااا، يا ابن الغبية. إياد: شكراً يا بنت المهزقة. جاءت مروة وقالت: أنا مهزقة يا ابن نوال؟ خرجت نوال من خلف إياد وقالت: ومالها نوال يا أختي؟ مروة: ابنك بيقول عليا مهزقة. نوال: قلت كده يا واد؟ إياد: ما بيقوّل عليكي غبية يا أمي. نوال: أخص عليكي، أنا غبية؟ شمس: أنا أقصد هو يا خالتي، والله. إياد: أها يا شمس، روحي يا حبيبتي طهّري الجرح يا حبيبتي، لحسن يتلوث. وضحك ودخل. وظلت شمس تلعن به بشدة.