رواية صبا الفصل الحادي عشر 11 - بقلم ندى أحمد

سيف: موافق أطلقك بس بشرط. صبا سمعت الكلمة ونصدمت إنه عادي يطلقها. سيف: تخلي قلبي ينساكي يا صبا وينسى حبك، وده مستحيل يا صبا. أنا هفضل أحبك، هعمل أي حاجة عشان تفضلي جنبي. صبا أول مرة تشوف سيف كده. صبا: سيف، أنت جرحتني كتير. أنت ممكن تكون ضميرك بس بينبك، لكن مش بتحبني.

سيف: صبا، عايزك تفهمي حاجة. إني ممكن أكون بينت إني مضايق ومش عايز جوازنا، بس في الحقيقة لأ. لأني فعلاً لو مكنتش عايزك، مكنتش هسمح لحد يكمل الجوازة. أنا فعلاً بحبك يا صبا. صبا: وأنت وقت ما تكرهني وميكونش ليك مزاج تضرب وتزعق، ولما تقول لي بحبك هنسى وعادي صح؟ هفضل جنبك طالما أنت أمرت. سيف: لأ يا صبا مش كده، متفهميش الكلام بالمعنى ده. أنا عارف إني زعلتك كتير وأنا بعتذرلك.

صبا: أنا مش قادرة أتكلم دلوقتي، بعد إذنك نأجل الكلام. أنا عايزة أرتاح. سيف: ماشي. واتجه ناحية السرير لينام. صبا: أنت بتعمل إيه؟ سيف: هنام. صبا: أنت هتنام بره؟ سيف: لأ، أنا هنام في حضنك. صبا: أنت إيه بالظبط؟ سيف: أنا عاشق. صبا: متفتكرش هتثبتني بالكلمتين دول. سيف: تصدقي إن الرومانسية مش نافعة معاكي؟ صبا: ولا لايقة عليك بصراحة. سيف: كفاية يا بت دبش، إيه هتموتي لو بطلتي دبش؟ صبا: بقول الحقيقة.

سيف: وأنا كمان بقول الحقيقة، وأنتي قمر بالدبش كمان. صبا: طب أنا مش عارفة أنام كده، ابعد ما السرير واسع. سيف: لأ، أنا مرتاح كده واتعودي كل يوم على كده. صبا: أنا بضرب وأنا نايمة. سيف: عادي. صبا: بمشي بالليل. سيف: ولا أي مشكلة. صبا: إيه يا عم؟ أنت مش كنت مش طايقني من أسبوع؟ خلاص دلوقتي كل حاجة بعملها على قلبك زي العسل. سيف: ده أنتي اللي عسل يا روحي. صبا: سيف، وحياة أبوك مش بحب التلزيق ده. سيف: تلزيق إيه؟

هو أنت متأكدة إنك بنت؟ صبا: هو أنا لازم أبقى ملزقة كده عشان أبقى بنت؟ سيف: نامي يا صبا. فات شهر وصبا فكت الجبس، وكل يوم سيف بيحاول يقربها منه أكتر. وانهاردة خطوبة خالد على زميلته. سيف قاعد مستني صبا. صبا خرجت بفستان أحمر. سيف واقف مبهور بجمالها وملامحها الجميلة. ممكن متكونش أحلى البنات فعلاً، بس هي في نظره أجمل البنات بالنسبة له. صبا: يلا يا سيف، اتأخرنا. سيف: بقولك إيه، ما بلاش نروح الخطوبة ونقعد أنا وأنتي في البيت.

صبا: دي خطوبة أخوك يا سيف، يلا. سيف: قدامي يلا يا ست هانم، هتروحي مني فين طول الليل. صبا ضحكت في سرها. الخطوبة خلصت على بليل. سيف فضل يلف شوية بصبا ومبسوط إن علاقتهم بدأت تتصلح، وروحوا بيتهم بليل. سيف: مش مصدق إنك فكتي الجبس وبقيتي كويسة. وكمل بجرأة: أنتي مالك محلوية كده ليه النهاردة والوزتي اليومين دول؟ صبا: بطل بقى. سيف: وأبطل ليه؟ هو أنا ابن أخوكي؟ ده أنا جوزك يا روحي. صبا بصت في عينه.

صبا: سيف، أنا عندي ليك خبر مش عارفة هتفرح ولا لأ. سيف: إيه؟ قوللي. صبا: سيف..... أنا حامل. سيف: بجد يا صبا؟ صبا: عرفت الصبح. سيف شال صبا، فضل يلف بيها. سيف: مش مصدق يا صبا، بجد يعني أنا هيبقى عندي بنوتة شبهك. صبا: وليه متقولش ولد شبهك؟ سيف: لأ، أنا عايز بنت كده تبقى حبيبة أبوها. صبا: كل اللي يجيبه ربنا كويس يا حبيبي. سيف: أيوه فعلاً، المهم ترتاحي وتأكلي كويس يا روحي. سيف شال صبا بحب لأوضتهم. صبا: سيف نزلني بلاش.

سيف: بلاش إيه؟ ده أنا مستني اليوم ده بقالي شهر بغلي. تعالي بس. صبا: سيف. سيف: عيون سيف. صبا: بحبك. سيف: وأنا بعشقك يا صبا.