رواية صبا الفصل السادس 6 - بقلم ندى أحمد

خالد: أنا بحب صبا يا سيف. سيف فجأة بدأ يضرب خالد. صبا: سيبه يا سيف، حرام عليك. سيف بص لها بغضب وفجأة وقف ضرب. سيف: اطلع بره حالا. صبا بصت بخوف. سيف بغضب وغيرة. سيف مسح على وشه بغضب: صبا. صبا بصت بخوف وحطت إيديها على وشها بخوف. سيف: اتكلمي معايا صبا، إنتي بتحبي خالد؟ صبا بدأت تعيط. سيف: ردي عليا. صبا: لأ والله يا سيف، خالد ده أخويا. سيف جاب طرحة لصبا ولبسها. صبا: فيه إيه يا سيف، أنا مش محجبة أصلاً.

سيف: لأ خلاص، مش هستحمل حد يشوف شعرك غيري. وراح شالها براحة. صبا بخضة: فيه إيه يا سيف؟ سيف نزل بيها لتحت. خالد: إنت رايح فين؟ سيف مردش وكمل. صبا: هنروح فين يا سيف؟ سيف ركبها العربية ومردش عليها. صبا: سيف رد عليا. سيف: هاخدك على شقتي في القاهرة، إنتي مش هتقعدي في البيت تاني. صبا: سيف روحني، أنا مش عايزة أقعد معاك. سيف: أنا قررت خلاص. صبا: سيف أنا عايزة أطلق وسيبني. سيف: مش هطلقك يا صبا، وبلاش تقولي الكلمة دي كتير.

صبا: سيف أرجوك، مش عايزة أقعد معاك، حرام عليك، أنا مصعبتش عليك، كل ده أرجوك، أنا مش قادرة أتحرك، أرجوك روحني. سيف وقف العربية وراح مسح دموعها وأخدها في حضنه. سيف: ما تدي فرصة لنفسك يا صبا تعرفيني. صبا: ابعد عني، وبعدين خلاص، أنا عرفتك، مش عايزة أعرفك أكتر من كده، كفاية اللي عرفته. سيف: إنتي حرة، بس إنتي هتفضلي مراتي يا صبا. صبا في سرها: ده أنا هخليك تقول حق رقبتي يا ابن القاضي. سيف جه يشيل صبا تاني.

صبا: أنا مش عايزك تقربلي يا جدع إنت. سيف: بطلي عند، هو إنتي لسه فيكي نفس؟ صبا بصتله بحزن وقهرة على إنه السبب أصلاً في كده. سيف: خلاص أنا آسف، بس اسمعي الكلام. صبا: لأ، أنا مش عايزة أطلع معاك في حتة. سيف: يلا يا صبا، بلاش عناد. صبا: لو قربت هصوت وهقول إنك خطفتني. سيف: طب اعملي كده يا صبا، وريني آخرك. صبا: والله أعملها عادي. سيف راح شالها وصبا لسه هتصوت، اخرسها بق*بلة طويلة. صبا مسحت بقها بقرف: ابعد عني، أنا بقرف منك.

سيف: تقرفي مني، إنتي بس خفي، وأنا هعرفك إزاي تقرفي بجد. وطلع بصبا. سيف دخل غير هدومه وجه ينام جنبها. صبا: قوم، أنا مش عايزة أنام جنبك. سيف: خلاص يا صبا، وإيه آخرتها، نامي بقى. صبا: بقولك قوم، مش طايقاك، إنت إيه؟ سيف: إنتي عارفة لو واحدة تانية قالت الكلام ده كنت هعمل فيها إيه، نامي. صبا بدأت تتسند وتقوم من جنبه. سيف: خلاص يا صبا، أنا هقوم، نامي إنتي هنا. الصبح صبا صحيت، لقيت سيف حضنها ونايم.

صبا راحت مستغلة إنه نايم وراحت ضرباه قلم رن على وشه. وبعدين عملت نفسها نايمة. سيف صحي وهو مش فاهم ده حلم ولا إيه ده. صبا عملت نفسها قايمة من النوم مفزوعة. صبا بتظاهر الخضة: فيه إيه يا سيف، وإنت إيه اللي جابك هنا؟ سيف: مش عارف إيه اللي حصل. وراح قام على الحمام. صبا قاعدة وكانت بتحاول تقوم. سيف جه يخرج من الأوضة. صبا: إنت يا جدع إنت، هتسبني كده؟ سيف: عايزة إيه؟ صبا: أنا عايزة أروح، محتاجة خديجة.

سيف قعد جنبها: وخديجة هتعملك إيه؟ جوزك مش هيعرف يعمله. صبا باستهزاء: جوزي، هو فين ده، أنا مش متجوزة. سيف: صبا اتلمي أحسنلك... عايزة إيه اخلصي. صبا: قولتلك عايزة خديجة. سيف: عايزة إيه وأنا اللي هعمله. صبا: مش عايزة حاجة شكراً. سيف راح شالها دخلها الحمام، راح خرج جابلها هدوم. شوية وراح دخل شالها تاني وجيه يفك سوستة الفستان اللي كانت لابسه. صبا: إنت هتعمل إيه، ابعد عني، إنت مش ممكن تكون إنسان.

سيف: فيه إيه يا صبا، هغيرلك. صبا: لأ شكراً، وأنا هغير لنفسي. سيف: صبا هتغيري إزاي ودراعك اللي مش عارفة تحركيه. صبا: هو مين كان السبب، مش إنت. سيف: وأنا بساعدك دلوقتي أهو، أعمل إيه يعني. صبا: طب اطفى النور، مش عايزة أشوفك. سيف: طب ما أنا جوزك وشوفت كل حاجة، إيه لازمتها نطفي النور. صبا وعنيها لمعت من الدموع: لو سمحت اطفى النور. سيف: حاضر. سيف غير لها وراح حضر الفطار وفطرها.

سيف: صبا أنا هنزل شوية، وفيه حد هيجي ينضف الشقة، فهسيب الباب موارب تمام. صبا: ماشي، أحسن برضه. سيف نزل. شوية وخالد كان بيخبط على باب الشقة ولقاها مفتوح، دخل لاقى صبا بتعيط. خالد: صبا، إنتي كويسة. صبا: خالد أرجوك روحني. خالد: حاضر يا صبا، إنتي كويسة؟ صبا: لأ يا خالد مش كويسة خالص، روحني. خالد راح حضنها ببراءة وبدأ يطبطب عليها. خالد: اهدى يا صبا، اهدى، أنا زي أخوكي وهفضل في ضهرك. في دخول سيف اللي طلع عشان نسي موبيله.

سيف: ......