رواية صدفة العشاق الفصل الأول 1 - بقلم عهد عامر

أنا بنتي مش لعبة يا حضرة الظابط. لو سمحت افهمني، أنا مش قصدي كده، أنا بحترم حضرتك وبحترم كل راجل في البلد دي بس صدقني حياة بنتك في خطر، ومعنديش أي أوامر بأني أقولك حرف زيادة عن كل ده. اسمع يابني أنا لا أعرفك ولا أعرف أصلك وفصلك عشان أسلمك بنتي، وكمان أخواتها الاتنين الرجالة، محدش فيهم هيوافق على المهزلة دي، بنتي مستحيل تبقى كبش فدا لأي حاجة، أياً كان هيحصل إيه.

يا حج منصور افهمني، بنتك حياتها في خطر المجرم اللي الكل بيدور عليه مستقصدها هي وحاططها في دماغه يعني ممكن في أي وقت تلاقيه واخدها من بين إيديكم، ووقتها حضرتك مش هتعرف تعمل حاجة لأنك أصلاً مش هتكون عارف هي فين، صدقني يا حج منصور بنتك حمايتها معايا. يابني افهمني، بنتي أغلى حاجة في حياتي مستحيل أضحي بيها وأرميها في جوازة زي دي عشان بس تحميها!

أنت ظابط وليك مكانتك وتقدر تحميها زيها زي غيرها من غير الجواز، أنا مش حمل بنتي تتكسر مني ولا يحصلها حاجة حتى عمر ومازن مستحيل يوافقوا لو أنا وافقت، محمد يابني، شوف مصلحتك بعيد عن بيتي وبنتي.

طيب يا حج منصور سيبني أتكلم مع أخواتها الرجالة وأوعدك بنتك هتكون في أمان وعمري مهكسرها ولا أقلل منها بالعكس احنا هنفهمها كل حاجة وهنفهم حضرتك وأخواتها كمان عشان الصورة تبقى واضحة للجميع بس كلمة واحدة تطلع بره القعدة وبرانا إحنا الخمسة صدقني الخطر مش هيبقى على بنتك وبس. لله الأمر من قبل ومن بعد، بعد العشا بإذن الله نتجمع أنا وانت وأخواتها ونشوف يابني.

استأذن محمد وقام خرج من الوكالة بتاعة الحج منصور، وسابه يفكر في كل كلمة قالها. (منصور الأنصاري 65 سنة، يملك أكبر وكالة في اسكندرية، ده غير الشركة بتاعته، أهل المنطقة اللي فيها الوكالة معتبرينه كبيرهم وبيحترموه لأنه بيحكم بالحق وعمره مانصر الظلم، بيحب أولاده جدا جدا وخصوصاً عائشة.) ( محمد العزايزي، 30 سنة بيحب شغله جدا وعيلته كمان، حافظ القرآن الكريم وبيخاف ربنا، عيونه عسلي فاتح وشعره أسود) ... في بيت الحج منصور

بتصحى بنوتة شابة وبتفتح عينيها الخضرا واللي ورثتها عن أمها، وهي بتبتسم كالعادة على صوت والدتها (سحر) وهي بتصحيها وبتفتح شباك أوضتها اللي بيظهر منه بحر اسكندرية وجماله. قومي بقى يا عائشة الظهر قرب يأذن، أنتِ قولتي أسيبك براحتك بعد ما صليتي الفجر ونمتي عشان عارفة إنك سهرتي تذاكري وفوت بمزاجي بس قومي كفاية عشان نلحق نجهز الأكل قبل أبوكي وإخواتك يرجعوا. مسكت إيد والدتها وباستها بحب. صباح الفل والجمال على عيونك يا ماما.

صباح الرضا يا روح سحر، قومي يلا بطلي كسل. قامت عائشة من السرير ودخلت الحمام اتوضت وصلت الضحى ووقفت قدام دولابها اختارت فستان رقيق لونه أخضر وفيه ورود صفرا وربطة شعر صفرا من نفس لون الورود، ونزلت تحت بحكم إن البيت مفيش غير والدها وإخواتها الاتنين ووالدتها. دخلت المطبخ ووقفت تساعد والدتها في الأكل وهي بتقرأ آيات القرآن الكريم بصوت عالي شوية. تعرفي يا عائشة، صوتك فيه سحر غريب، كفيل ينسي أي حد تعبه. ابتسمت عائشة وهي بتحط

صينية البطاطس في الفرن: مش صوتي يا أمي، دي آيات القرآن كل حرف في القرآن فيه إعجاز ومعنى قادر يودي قلبك وعقلك لدنيا تانية، كلام يشفي القلب من أي جرح وأي كلام، كأن ربنا قدامنا وبيكلمنا من خلال القرآن، منكرش إن طبقة الصوت بيبقى ليها تأثير برضو بس مش زي تأثير القرآن وإعجازه وبلاغته وفصاحته. ربنا يكملك بعقلك يا بنتي، خلصي الرز يلا وقطعي السلطة يكون الظهر أذن وابقي روحي صليه، وأنا هطلع أقعد في الصالة شوية انحريت من المطبخ.

عيوني يا ست الكل. طلعت سحر ووقفت عائشة تكمل الغدا بحب وسعادة لإخواتها وهي بتذكر ربنا وبتقرأ القرآن الكريم. ( عائشة 22 سنة، بنوتة جميلة ورقيقة بتدرس في آخر سنة في كلية صيدلة، عيونها خضرا ومختمرة وحافظة كتاب الله.) ... طيب هو مقالش عايزنا ليه؟ يعني غريبة إنه يجتمع بينا وبالظابط ده مع بعض. أهو يا خبر النهاردة بفلوس بكرة يبقى ببلاش. خير إن شاء الله، صحيح متعرفش إيه آخر الأخبار عن المجرم اللي بيقولوا هربان ده؟

سمعت إنه مستخبي في بيت حد هنا في المنطقة بس محدش يعرف هو فين، لأن البوليس كل ما بيمشط المنطقة مش بيلاقي حاجة، رغم إنها عيبة في حقنا والله. عندك حق والله، إزاي نبقى كبارات البلد هنا ووكالتنا من أكبر وكالات اسكندرية ونبقى مش عارفين نجمع معلومة واحدة عنه. ربنا يسترها، ياما قولت لبابا إننا نسيب المنطقة دي ونروح حتة راقية وأمان شوية واهي تبقى قريبة من شغلنا لكن هو وماما متمسكين بالبيت القديم بتاعنا.

يابني أبوك عمره ما هيسيب المنطقة مهما وصل لأيه، بيحبها وبيحب أهلها، وبعدين ماما عاملة زي السمك اللي ميعرفش يخرج من الماية. عندك حق قوم خلينا نروح لابوك ونصلي الظهر، زمان عائشة هالكة نفسها في الأكل اللي بنحبه. عندك حق والله أنا ساعات بحس عائشة أختنا الكبيرة وزي أمنا مش أصغر واحدة فينا والله. ربنا يرزقها باللي يستحق قلبها الطيب ده يا رب.

(عمر: 33 سنة عنده شركة هندسة في أحسن حتة في اسكندرية، بيحب نور صاحبة عائشة ولسه معترفالهاش، عيونه عسلي وأبيضاني) (مازن: 28 سنة، عنده مستشفى باسمه وكانت هدية منصور والده ليه، عيونه خضرا زي عائشة اللي يشوفهم يقول توأم) أمن عمر على دعائه ومشوا راحوا لمنصور أخدوه وطلعوا على الجامع يصلوا. ... بعد حوالي ساعة كانت عائشة خلصت كل حاجة وواقف بس على الغرف طلبت من الشغالة تغرف الأكل لحد ما تطلع تغير هدومها، وتصلي.

غيرت هدومها لعباية بيتي لونها زيتي وطوق أصفر لشعرها المموج باللون البني ونزلت قابلت عمر ومؤمن (منصور) كانوا لسه داخلين، جريت عليهم وحضنتهم ودخلوا قعدوا على السفرة. ياسيدي ياسيدي على السفرة القمر، تسلم الأيادي. الله يسلمك يا مازن يا رب. عاملة إيه في مذاكرتك يا حبيبتي؟ والله على آخري يا ابيه الامتحانات كمان شهر وأنا مرعوبة رغم إني مذاكرة كويس، بس مش عارفة ليه قلقانة.

لا يا روحي متقلقيش هو معروف إن صيدلة صعبة، ربنا يقويكي. يا رب يا ابيه يا رب. مالك يا بابا ساكت ليه؟ مش عوايدك، ولا الأكل مش عاجبك؟ ابتسم منصور باصطناع: لا يا حبيبتي تسلم إيدك الأكل حلو أوي أنا بس مصدع شوية من الوكالة، هطلع أنام شوية وأنزلكم. سابهم ومشي وكل واحد بقى بيفكر بحيرة إيه اللي قلب أبوهم كده مرة واحدة وهو كانت قاعدته كلها ضحك وهزار. ...

بعد صلاة العشا صلوه وقابل محمد الحج منصور وطلعوا على البيت عنده قعدوا في جنينة البيت. اتفضل يا حضرة الظابط، حضرتك كنت طالب إننا نقعد معاك. بصوا يا جماعة أنتم طبعاً دلوقتي عارفين إن فيه مجرم في البلد هربان والكل بيدورر عليه إذا كان الناس أو حتى الحكومة. أكيد، ربنا يقويكم ويساعدكم.

اللهم آمين. بصوا عشان أكون صريح معاكم، الجهاز عندي بلغني بمهمة توفير الأمان والحماية للآنسة عائشة اختكم، لأن حياتها في خطر وكل مصادرنا بتشير وتأكد إن عملية الخطف اللي جايه للمجرم ده هي عائشة اختكم. انت بتخرف تقول إيه، مجرم إيه اللي يخطف أختي ده أنا كنت أدب... حة فيها. ليه وهو فاكر إن مورهاش رجالة يحموها، ده إحنا بنحمي كل ست عايشة في البلد دي واللي بتتخطف بنرجعها مش هتعرف نحمي أختنا من حتة مجرم زيه.

أرجوكم اهدوا عشان تعرفوا تفكروا، أختكم مهددة فعلاً، حضرتك ناسي البنت اللي اتخطفت من أسبوع وهما بيحلفوا إنها كانت في بيت جدتها نايمة؟ ولا البنت اللي مجرد ما دخلت السوبر ماركت مطلعتش منه وأما فتشنا ملقيناش دليل واحد يدين المجرم ده؟ أنا مش بألف ولا بقول كلام من عندي، ده اللي اتبلغت بيه من القيادة، وعشان أنا راجل ومقبلش إني أبص لواحدة أي نظرة حتى لو غصب عني ف أنا طالب منكم إيد الآنسة عائشة على سنة الله ورسوله.

صرخة عائشة من جوه باسم أخوها. عمر.