رواية صدفه ترجع الماضي الفصل العاشر 10 - بقلم انما احمد

حسام وهو بيغمز: مش في الجنينة يا اسطا. قاسم نزل ميان. قاسم: وانت مالك؟ حسام: مالي في جيبي. ميان ضحكت. قاسم بص لهم بتحذير، ولاحظ أن هدوم ميان لازقة فيها، فوقف قدامها. قاسم: ادخلي استناني جوا. حسام وهو مركز مع تصرفات صاحبه: طيب. حسام وهو ماشي: يلهوي الواد اللي حيلتي وقع، أحيه أحيه. قاسم جاب البطانية ولف بيها ميان. ميان: أي أي استنى، انت بتلف ورق عنب يا عم؟ قاسم: بس يا مجنونة، ويلا على أوضتك عدل. ميان: عارف أنت تلاجة؟

لا تلاجة إيه دا انت فريزر. ودخلت على جوه. شيماء: حسام إزيك؟ وحشتني خالص. حسام: أحيه على النحس اللي أنا فيه... حسام: تمام، الحمد لله. حمد الله على السلامة. شيماء: الله يسلمك. قاسم دخل ولاحظ الكلام، فبص لشيماء بمعنى اسكتي. قاسم: حسام تعالى اطلع معايا فوق، هنتكلم في أوضتي. في غرفة قاسم. حسام: ممكن أكلم صاحبي؟ مش قاسم أخو شيماء؟ قاسم وهو بيلبس قميصه بعد ما غير: سامعك. حسام بعتاب: انت مقلتش ليا ليه إنها جت؟

على الأقل ما كنتش هاجي، وكنت هقلل مجيي هنا. أنا مش عايز أكسر قلبها ولا أجرحها، بس هي مش فاهمة إن بعتبرها زي أميرة بالظبط. (أميرة بتكون أخته) . عارف إن القلب مبيختارش، بس يا صاحبي أنا مش عايز أكسر قلبها، فشوفلي حل. قاسم: سيب عليا الموضوع ده، أنا المرة دي هنهيه. حسام: تمام. قاسم: كنت عايزك تعمل لي حاجة. حسام: قول يا صاحبي. قاسم: عايزك تدور على بنت راغب. حسام: بنت راغب؟ ليه؟

لأ يا صاحبي، إحنا عمرنا ما بندخل الستات في حوارتنا. قاسم: انت فاهم غلط، أنا بس عايز أتأكد من حاجة. حسام: طيب تمام. قاسم: طبعًا مش هقولك انزل اتعشى وكده، لأنك واكل شارب نايم عندنا. حسام: والله مش بيتك دا بيت عمي ماجد، وهو مش مضايق مني، متغاظ انت ليه بقى؟ غير بقى إني هعمل مشوار وبعدين أروح آكل من إيد النعمة اللي في البيت. قاسم: طيب. الساعة اتنين. كان في حد بيتحرك في الجنينة. قاسم كان واقف بيدخن في الشباك.

لقى آدم الحارس بيدخل بخفة للجنينة، ولقى ميان بتنزل براحة. ولقاهم اتقابلوا وبيتكلموا بهدوء وصوت واطي، وبيديها ورق، وبيُبوسها على راسها. قاسم بصوت عالي: ميان! حسام راجع بيته وهو ماشي بالعربية. لقى بنت ببيجامة في الشارع، وفي عربية بتدايقها. راح خرج سلاحه ونزل وضرب طلقة للسما. العربية جريت. حسام جرى على البنت وهو بيقول: انتي كويسة؟ في نفس الوقت البنت بتقع مغمى عليها.