رواية صدفه ترجع الماضي الفصل الحادي والعشرون 21 - بقلم انما احمد

ميان اتصدمت وسكتت شوية، فضلت وقت في صمت. ميان: ا ا ا أنا عايزة أروح. قاسم شغل العربية واتحرك. وصلوا البيت، ميان سابت قاسم وجريت على جوه. أول ما فتحت الباب اتصدمت بناس كتير متعرفهمش. ميان بابتسامة بسيطة واستغراب: أهلاً. قاسم جاي من وراها لقي عيلته كلها موجودة. قاسم: إيه المفاجأة دي؟ جدة قاسم: معجبتكش يا حبيبي؟ قاسم: لا إزاي يا ناني، دا انتي وحشاني. باسل (ابن عم قاسم والمقرب منه برضو) : إزيك يا كبير؟

قاسم: الحمد لله، إزيك يا باسل؟ نانى: دي مراتك يا حبيبي؟ ميان لقت كل الموجود بيتفحصها. قاسم: آه يا ناني، هي دي ميان. نانى: جميلة أوي يا حبيبي، أحلى من ناس بترفع الضغط. إزيك يا حبيبتي؟ أنا ناني جدة قاسم والكل هنا بيقولي يا ناني عشان صغيرة ومفيش من جمالي طبعاً. ميان بابتسامة: طبعاً، دا انتي هتعنسي بنات العشرينات. نانى بضحكة: تسلمي يا حبيبتي وعسل كمان، تعالي بقي أعرفك على عيلتي.

نانى: بصي بقى، دا جمال ودا أحمد. أعمام قاسم، جمال عنده جون وجومانا وجنى، وعمك جمال بقي متجوز سارة. وأحمد عنده ياسمين ويارا ويوسف وباسل، وعمك أحمد متجوز داليا. وبس كده. ميان باحترام: أهلاً، شرفتوا. الكل سلم على ميان بابتسامة ود. ياسمين: طبعاً بقي أنا هطلع أوضتي أريح عشان نلحق نعمل تجهيزات الفرح. ميان: فرح مين؟ يارا: فرحكوا، إحنا بقالنا كتير مفرحناش، دا غير بقي إن أخيراً حد فينا شال العقدة اللي في الجواز وهيتجوز.

نانى: آه، ما يكونش أول حفيد ليا وأسيبه يتجوز من غير فرح. قاسم: يا ناني يا حبيبتي، أنا مبحبش الدوشة، دا غير إن أنا وميان متفقين على كدا. نانى: هتكسري بنفسي يعني؟ دنا مانا عيني أشوفك وأنت عريس، عشان خاطري. ماجد: أيوا وأنا عايز أشوف ابني عريس. الكل: آه بقي، يلا. قاسم: طيب اعملوا اللي انتوا عايزينه، الوقت اتأخر، الكل يلا يطلع ينام، يلا يا ميان تصبحي على خير.

نانى: يلا يا ميان، إيه لا يا حبيبي، دي مش مراتك غير بعد ما نعمل الفرح، يعني هتقعد في أوضة لوحدها، يلا يا ميان يا بنتي خلينا نطلع ننام. قاسم: يعني كدا؟ طيب. الباب اتفتح والكل بص على الباب لقوا بنت بشعر قصير. ضحى: إيه يا جماعة؟ دي؟ ميان بضحكة: ولا يهمك يا روحي، دول عيلة قاسم. ضحى: أهلاً، أسفة مرة تانية. نانى: ولا يهمك يا روحي، بس انتي مين؟ ميان: ضحى تبقي صحبتي، بس هي أكتر من أختي. نانى: أهلاً يا قمر.

وهى بتبص لباسل: دا فيه عروسة زي القمر أهه. باسل: احم، تصبحوا على خير. والكل طلع أوضة. الساعة ٢ بليل. قاسم كان نازل المطبخ لقي ميان جوه قاعدة على الرخامة بتاكل. قاسم: إيه دا؟ بتعملي إيه؟ ميان: شايف إيه؟ قاسم وهو بيقرب منها: نفسي، قصلك لسانك دا، يخربيت جمال أمك. ميان بكسوف: أوعى كدا. قاسم: بعدين، أنتِ نازلة بالبرنس ليه؟ ميان: أصل لابسة قصير، وفيه ناس في البيت. قاسم: طب والقصير دا مكنش بيتلبس في أوضتي ليه؟

ميان وهي بتخبطه في بطنه: اتلم. قاسم: طيب طيب. ميان: بعدين ابعد كدا، ابعد يا عم. قاسم سمع صوت من الجنينة: بس متعمليش صوت. وخرج. ميان جريت وراه وبقت ماشية وراه. قاسم: إيه اللي جابك؟ ميان: مممنا خايفة، خليني معاك. لقوا باسل وضحى قاعدين برا وبيضحكوا سوا. قاسم وميان بصوا لبعض وضحكوا، وقاسم حضن ميان. وبس. ميان بزعيق: رد عليا يا قاسم. قاسم بغضب: ميااااان، أنا مش هستأذنك، فالزمي حدودك.

ميان رزعت على المكتب: الموضوع ده موضوعي، وأنت بتساعدني فيه، بس أما إنك تفكر تمشيه من غيري، ف أنا مش عايزك تساعدني يا قاسم بيه. قاسم ضربها بالقلم: مش عشان بعاملك حلو، تسوقي فيها؟ لا فوقي. (وشوح بإيده كدهو 😂😂 احم، آسفة اندمجت شوية، نكمل) وأنا اللي كلمتي تمشي، فاهمة يا مراتي؟ واتفضلي راجعين البيت. ميان بغضب: وأنت مفكر إنها هرجع معاك؟ لا، أنت هتطلقني وتبعد عن حياتي. قاسم: بقي كدة؟ طيب. قام شال ميان وخرج برة المكتب.

ميان بعصبية: نزلني يا قاسم، هصوت والم الشركة. قاسم ببرود: صوتي يا روحي، مفيش حد هيجي، فاتلمي، متعليش صوتك عشان برستيجك 😏. ميان سكتت، وطبعاً الشركة كلها عمالة تتهامس عليهم. قاسم حطها في العربية ولف ركب مكان السائق. ميان: نزلني، أنا مش هفضل معاك، نزللللللنييييي. افتح الباب. قاسم: افتح. قاسم وقف العربية فجأة لدرجة ميان ارتعبت من صوت احتكاك العجل بالأسفلت. قاسم بزعيق: إيه؟ عايزة تعرفي مش عايز آخدك معايا ليه؟

عشان خايف عليكي، هقدر أحميكي، بس أنتِ متسرعة ومضمنكيش، فاهمة؟ مضمنش تصرفاتك. فاهم؟ دي بقي، ده غير إنك يا هانم عندك امتحانات وهتقعدي في البيت. ميان: وأنت تخاف عليا ليه؟ ها؟ أنا مسئولة عن نفسي. قاسم: مسئولة مني أنا، مش مسئولة من حد غيري، ولا هيبقي. أنا جوزك، وأنت كلك على بعضك بقلبك بعقلك ده ملكي، لأنك مراتي، وأنا بحبك يا مجنونة، افهمي بقي.