رواية صدفه ترجع الماضي الفصل الثاني والعشرون 22 - بقلم انما احمد

قاسم.. تعالى أوصلك لأوضتك. ميان.. تؤ تؤ، أقدر أروح لوحدي. قاسم.. لا لا، أنا هوصلك. ميان.. أهه وصلنا، يلا بقي هش على أوضتك. قاسم.. طب ما تدخليني عشان هموت ونام. ميان وهي بتفتح الباب وتدخل ومسكت الباب.. تؤ تؤ على أوضتك وقفلته. قاسم ضحك وماشي على أوضته. لقي جنى بتتسلل، راح مسكها من دراعها. قاسم بغضب.. أي انتي، لو مش بنت عمي كنت دبحتك على اللي عملتيه في ميان. جنى بغل.. انت عارف إني بحبك وكنت واعدني بالجواز.

قاسم.. عشان كنتي عايزة تموتي نفسك، مش عشان دايب فيكي. ميان.. هنزل أجيب ضحى الحيوانة دي. ميان ماشية بتبص لقت قاسم واقف مع جنى. ومرة واحدة شافت جنى بتبوس قاسم. ميان عيطت ومشيت بس وقعت الفازة. قاسم لف لقي ميان بتجري. قاسم.. ميان استني. وجرى وراها. ميان وقفت في نص الممر ومسحت دموعها. قاسم جه.. ميان اسمعي بس هفهمك.

ميان.. مش عايزة أفهم، أنا مالي. إحنا متفقين من الأول، يبقى مليش حق إني أدخل. ميان بصوبعها وهي بتشاور ليه.. اعمل اللي انت عايزه، أنا هنا عشان حق أخويا بس، فاهم يا قاسم بيه؟ عشان أخويا وبس. وسابته ومشيت. قاسم.. تمام يا ميان، باين قاسم الحنين منفعتش معاكي. استني عليا. الصبح ميان نزلت لقت جنى قاعدة جمب قاسم وبيضحكوا سوا. ميان في سرها.. اللهم طولك ياروح. قعدت جمب ياسمين.

ياسمين بهمس.. إيه يا مزة، خلي بالك جنى عقربة فخلي بالك. وغمزت. ميان هزت راسها. نانى.. ميان إنتي كويسة؟ ميان.. أه يا نانى أنا تمام. معرفتش أنام بس. نانى.. طيب يا حبيبتي افطري واطلعي ريحي عشان بعت أجيب الهدوم عشان تختاري. ميان.. لا يا نانى أنا عندي كتير. داليا بحنان.. يا حبيبتي مهما كان لازم يبقى فيه هدوم جديدة. دا غير إنك زي ياسمين ويارا، وأنا بحب بناتي يكونوا مدلعين، فسبيني أدلعك. ميان بابتسامة.. تسلميلي يا طنط.

داليا.. أي طنط دي؟ بقولك إنتي بنتي تقولي طنط. ميان.. خلاص يا ماما. وكل ده وقاسم بيبتسم ومركز. جنى بمياعة.. كنت عايزك يا قاسم لو توصلني للنادي عشان عربيتي بايظة. قاسم.. تمام، بسرعة عشان متتأخر. جنى.. أنا لابسة أهه. قاسم بعدم اهتمام.. طيب يلا سلام يا جماعة. وخرج. الكل قام من على الفطار. داليا.. ميان تعالي ساعديني ندخل الأكل ده جوا. ميان.. حاضر. داليا.. دخلت المطبخ.. الكل يخرج. داليا.. في إيه يا ميان؟ إنتوا متخانقين؟

ميان بتوتر.. لا لا مفيش حاجة. داليا مسكت أيدها وقعدتها على كرسي وقعدت جمبها.. بصي يا ميان، قاسم أنا اللي مربياه. هو صعب فوق ما تتخيلي، بس مفيش أطيب من قلبه. ولما يحب بيخلي حبيبته ملكه. عمره ما يهينها أو يزعلها. ولما يزعلها بيبقى شبه الطفل اللي زعل أمه، فيحاول يصالحها. بس مع كل ده عنده كبرياء ممكن يدوس على نفسه عشان كبرياءه. فقوليلي يا حبيبتي أنا زي والدتك، احكي وأنا سامعاكي، وأوعدك هيبقى سر ما بينا.

ميان.. شفته امبارح وهو بيبوس جنى. داليا بتفهم.. طيب هقولك حاجة، إنتي ممكن يكون فيه حجات كتير متعرفيهاش عن قاسم. هسيبه هو يحكيهالك، بس هفهمك حاجة، اوعي تثقي بحد من البيت أبداً. وكمان قاسم كان واعد جنى بالجواز لأنها مهووسة بيه وعشان كانت عايزة تنتحر. فهماني؟ بس مش أكتر. ميان.. بس ده مش سبب يخليه يبوسها. داليا.. طيب سمعتي منه طيب؟ ميان.. لا، مش هقدر أكلمه أصلاً بعد ما شفته كده. المفروض يحترم وجودي.

داليا.. بس أنا اللي كنت فاهمة إنكم عن قصة حب. ميان.. لا مفيش حاجة اسمها كده. إحنا متجوزين عشان سبب، وأرجو إنك متسأليش أي هو. داليا.. بس إنتي متأكدة إن قاسم مش بيحبك؟ أصل عمري ما شفته كده. ميان بتوتر.. هههه. هو اعترفلي. داليا بضحكة.. طيب وإنتي؟ أصل الغيرة دي أكيد يعني مش حاجة. ميان.. أنا مش غيرانة، أنا بقول يحترم وجودي.

داليا.. طيب طيب، المفروض تحافظي على جوزك وتوري لـ جنى مين هي اللي مراته. يعني مهما كنتوا مضايقين من بعض، مينفعش حد يشوفه كده. حتى لو هو كان بيعاندك، إنتي تقومى تتظبطي كده وتلبسي فستان حلو زيك، وأول ما ييجي تنزلي وتقابليه بابتسامة حلوة كده، هينسى إنك مزعلاه أصلاً. ميان.. بس أنا اللي زعلانة. داليا.. عشان مفيش حد يعرف. خلوا اللي بينكم بينكم على طول، وابقي عاتبيه بينكم واسمعي أسبابه الأول.

ميان.. حاضر. وشكراً أوي يا طنط يا ماما. داليا.. إنتي بنتي. يلا اطلعي أوضتك وذاكري. عرفت إن عندك امتحانات. يلا. ميان بضحكة.. حاضر. وبستها من خدها. شكراً. ميان طلعت وهي مبسوطة. بعد وقت. ميان سمعت عربية قاسم. ميان.. كويس إني خلصت مذاكرة من بدري ولبست كمان. ميان وهي بتحط ملمع.. بس كدا، أي الحلاوة دي؟ قمر والله يا ميان. ميان نزلت براحة عالسلم. لقت جنى لازقة في قاسم. وقاسم بيتكلم في الفون.

قاسم أول ما شافها اتصدم وفضل ساكت. حسام على الفون.. بس البت مجننانى، دا غير إنها قاعدة معايا في البيت وأمي عمالة تقوللي اطلب أيدها مني، بس قولت لها إنك تيجي معايا الصعيد تطلبهالي يا برنس. قاسم قاسم يا عم. قاسم.. سلام دلوقتي. حسام.. استنى أنا هاجي بليل عشان هتجوز يعني هتجوز. دا قفل. قاسم راح عالسلم. ميان برقة.. حمد لله على السلامة يا حبيبي. قاسم.. الله يسلمك يا روح حبيبك.

قاسم ركز شوية وبعدين وشه قلب للغضب مرة واحدة ومسك أيدها وشدها، وبقى يطلع بيها السلم بسرعة ودخل أوضته. قاسم.. إنتي إزاي تنزلي كده. ميان.. كده إزاي؟ الفستان بعد ركبتي ومش مفتوح خالص. قاسم.. لا، مش عايز ألمحك بره الأوضة دي كدا تاني. اعملي اللي انتي عايزاه هنا. مش بكفايا مستحمل بناطيلك. ميان.. أي دا؟ طيب. قاسم.. خدي تعالي، أي اللي حطاه في شفايفك؟ ميان.. ده ملمع. قاسم.. مشوفهوش تاني غير هنا. وامسحيه يلا وغيري عشان ننزل.

ميان.. لا مش همسحه، هو عاجبني. دا غير إني بقالي كتير محطتش روج. قاسم.. امسحيه يا ميان، لأما همسحهولك. ميان بمقاطعة.. لا مش همسحه. هنا سمع صوت زعيق من تحت وصوت عالي. قاسم جه خارج. ميان جايه وراه. قاسم.. مش هتخرجي غير وإنتي ماسحة اللي في وشك ومغيرة هدومك. ميان.. أوووووووووف. ميان دخلت مسحت وليست إسدال الصلاة. تحت.. يا ميان. ضحى.. يا خالته أهدي. اسكتي انتي خالص يا عاقلة. قاسم بصوت جهوري.. في إيه؟ ....

فين بنتي يا ميان تعالي هنا حالا. ميان بصدمة وخوف.. مااااااما.