رواية صدفه ترجع الماضي الفصل السادس 6 - بقلم انما احمد

قاسم: أنت مش فاكراني؟ أنا قاسم. ميان: لا، أنا أول مرة أشوفك. وسكتت شوية. ميان: أنا مين؟ قاسم: نعم؟ وبص للدكتورة. الدكتورة: طب ارتاحي أنتِ وأنا هخرج أتكلم مع جوزك وأرجع. ميان: جوزي! قاسم هو والدكتورة خرجوا. والدكتورة شرحت له أن الخبطة اللي في رأسها وكمان الدم اللي نزفته هو سبب فقدان الذاكرة. قاسم خبط على رأسه: طيب يلا امشي. الدكتورة: ما تقلقش، مرات حضرتك هتكون كويسة، كلها وقت بس. قاسم: مرات مين؟

الدكتورة: مش هي مرات حضرتك؟ قاسم افتكر أنها قالت: جوزك جوا. قاسم بعصبية: بكره الغباء، بكرهه. الدكتورة هربت من قدامه. حسام كان جه: إيه يا صاحبي؟ عملت إيه في الدكتورة؟ قاسم بعصبية: ما عملتش حاجة، اللي مقويني عليها أنها ست. حسام: طب قول لصاحبك بقى. وهو بيغمز له: البت عاجباك. قاسم وهو بيبص لحسام: ما تتلم يلا، إيه اللي عجباني دي؟ حسام اعدل كلامك عشان ما أظبطكش، هي أصلاً مش حلوة.

حسام: يا راجل، ده أنا شوفتها وهي بتموت وكانت مزة. لقى قاسم ضربه ونزل فيه ضرب. حسام: يا اسطى اهدى، قاسم اهدى. جم ناس كتير بقوا يحاولوا يخلصوه من تحت إيد قاسم. بعد وقت. حسام: خلاص يا جماعة، ده كان بيهزر، ده كده ما ضربش، شكرًا. بعد ما كل واحد مشي. حسام لقى قاسم جاي عليه راح رجع ورا: بالراحة، ده أنا كنت والله بشوف بتتغير ولا لأ، طلعت بتولع مش بتغير. قاسم

بصوت واطي بس يخوف أوي: عارف يا حسام لو سمعتك بتتكلم عنها كده والله لتشوف مني اللي ما شفتهوش. قاسم سابه ودخل لميان. ميان لقته داخل متعصب وقعد على الكرسي اللي جنبها: مالك؟ وهي بتحط إيدها على إيده: ما تخافش، أنا هبقى كويسة. قاسم رفع رأسه ليها: طيب نامي دلوقتي. ميان: طب هو إحنا مش هنروح؟ قاسم: هنروح؟ ميان: آه، مش أنت جوزي وأنا مراتك، يعني قرة عيني، فيا قرة عيني يا عسل روحني عشان ما بحبش المستشفيات. قاسم بضحكة: حاضر.

خبط حسام وبعدين دخل. حسام: ألف سلامة عليكي يا ميان. ميان: الله يسلمك، أنت مين؟ حسام: أنا أخوي اللي أنقذتيه. ميان: مين اللي أنقذته؟ قاسم بسرعة: يقصد جوزك، ده يبقى ابن خالتي، اسمه حسام. ميان: آه أهلًا. حسام حس إن قاسم زعلان منه عشان هو قال ابن خالته بدل أخويا: أهلًا. ميان: مين عمل كده فيك؟ قاسم خد حقه. قاسم: حاضر. شوية وخرجوا. وهم في الطريق. حسام بصوت واطي: هتقول لعمي إزاي إن هي فاهمة إنك جوزها؟

قاسم: ما أعرفش بقى، اللي يحصل يحصل. دخلوا من باب القصر. ميان: واو، إحنا عايشين هنا! قاسم: آه. ميان: هو أنت زعلان مني يا قرة عيني؟ قاسم ببرود: لا، وإيه قرة عيني دي؟ ميان: ما أنا مش فاكرة اسمك. قاسم: اسمي قاسم. دخلوا البيت. ماجد قام وهو بيقول: كويس إنك جيت بدري يلااا. وهنا سكت وقال بصدمة: ميان! وهنا بقى نقف. يا ترى ماجد يعرف ميان منين؟