رواية صدفه ترجع الماضي الفصل الخامس 5 - بقلم انما احمد

حاااااااااااااااااسب! قاسم وقف العربية بسرعة. حسام: احيه، ل تكون ماتت. قاسم نزل بسرعة من العربية هو وحسام، لقوا ميان في الأرض. قاسم جرى وبخوف: ميان، ميان. حسام: انت تعرفها يا قاسم؟ قاسم شالها بسرعة وبزعيق: حسام، سوق على أقرب مستشفى. حسام: طيب، طيب. ركبوا بسرعة وحسام بيجرى بالعربية. قاسم: حسام، اخلص. حسام: أنا هطير. قاسم بخوف: ميان، ميان مبتردش. حسام: اتنيل. حسام مستغرب خوف رفيقه البارد: وصلنا.

قاسم شال ميان وجرى على جوا. قاسم: انتوا يا حمير! الدكتور: بعد اذنك، أنت في مستشفى محترمة. قاسم حط ميان على سرير ومسك رقبة الدكتور: أنا دلوقتي مستعد أنزل المستشفى المحترمة على راس اللي فيها لو حصلها حاجة. حسام بسرعة بيلحق صاحبه اللي هيموت: الدكتور، سيبه يا قاسم، البت هتموت. قاسم سابه وبزعيق وصوت رج المستشفى: يلا، عايز دكتورة. جه دكاترة كتير. راح اتعصب وقال: أنا قولت دكتورة يا حمير.

بسرعة كان طاقم طبيبات وممرضات موجودين. حسام واقف مصدوم: مين ده اللي خايف أوي كدا، لا وكمان غيران. ميان جوه في العمليات. قاسم برا قاعد وحاطط إيده على راسه وعمال يقول: إيه اللي بعمله ده؟ وبيرد على نفسه برضه: ده رد جميل مش أكتر. يقاطعه حسام. حسام: متقلقش يا صاحبي، هتكون كويسة. قاسم: مين قالك إني قلقان؟ أنا كويس وزي الفل، دي اللي أنقذتني وأنا برد ليها الجميل بس. تقاطعهم الدكتورة اللي خرجت. قاسم بسرعة جرى عليها.

حسام: قال إيه مش خايف. قاسم: ها، هي كويسة؟ الدكتورة: الحمد لله، وقفنا النزيف اللي كان في دماغها، بس خايفين ليعمل نتايج لأنه كان كبير. بس كان فيه ضرب على جسمها وكمان هي انضربت وخسرت دم كتير، بس هنستنى لما تفوق. قاسم: تمام، شوية وتيجي تشوفيها. الدكتورة بخوف من الهمجي ده: حاااضر. قاسم: حسام، روح، أنا هبيت هنا. حسام: لا يا صاحبي، أنا قاعد معاك. قاسم: لا، روح عشان بابا ميقلقش وقول له بيت عند عز.

حسام: طيب، هجيلك الصبح بدري. قاسم دخل الأوضة لقاها نايمة ووشها بهتان ومفيش سعادة ولا تفاؤل زي أول مرة شافها. قاسم قعد على الكرسي اللي جنبها: متقلقيش، هتكوني كويسة وهخدلك حقك من اللي عمل كدا. شوية وهو نام على الكنبة اللي في الأوضة. الصبح صحى ونزل يجيب قهوة. وطلع لقى الدكتورة جوا. فجرى وقال: هي فاقت؟ الدكتورة: أهه، هو ده اللي جه معاك امبارح. قاسم: إيه يا ميان، انتي كويسة؟ ميان: انت مين؟