رواية صدفه ترجع الماضي الفصل السادس عشر 16 - بقلم انما احمد

ميان .. والله لو في أوضة هيبقى أحسن، صح يا قاسم؟ قاسم زق جومانا .. فهمتي غلط. ودخل المكتب. جومانا .. شفتي؟ مهما اتجوز، لسه أنا اللي بيحبها. ميان .. مش مهم حب مين، المهم أختار مين. تحفظ اسمه وبيته. جومانا بغل .. وقت بس وهخرجك من البيت ده بفضيحة. يلا باي. ميان طلعت على أوضتها وعيطت شوية. دخل قاسم لقاها بتعيط. قاسم .. طب في إيه بقى؟ بتعيطي ليه؟ لتكوني بتغيري. ميان .. أغير وأغير ليه إن شاء الله؟ لتكون حبيبي وأنا معرفش.

قاسم شدها ليه .. أيوه أنا حبيبك وجوزك كمان. لازم تبقي متأكدة من كده. ماشي يا روحي. وباسها من خدها. يلا، طلعيلي هدوم عشان خارج. ميان .. أوعى كده. أنا كمان هخرج. قاسم .. والهانم هتروح فين؟ ميان .. أنا زهقت من البيت وعايزة أخرج. وكمان عايزة أجيب ملخصات امتحاناتي قربت. قاسم .. طيب يلا البسي وطلعيلي هدوم ونخرج سوا. ميان .. ماشي. ومشيت ورجعت ليه تاني وهي رافعة صباعها. ميان .. متفكرش تبوسني في خدي تاني.

قاسم .. حاضر. ووطى وباسها من خدها. يلا بسرعة عشان عندي شغل. ميان اتعصبت .. دا أنت فريزر. ودخلت. ميان لبست فستان لبعد الركبة بشوية، لونه بينك. وسابت شعرها منسدل على ضهرها. قاسم لبس قميص أبيض على بنطلون جينز. وكان مشمر القميص. ميان خرجت وبتجيب الحلق من على التسريحة. وقاسم متابعها. قاسم .. إنتي هتخرجي كده؟ ميان .. أه. ليه في حاجة؟

قاسم .. لا. هو حلو أوي عليكي، عشان كده مش هتخرجي بيه. ممكن تبقي تلبسيه في الأوضة هنا. يلا غيري. ميان اتكسفت .. بس أنا عايزة أخرج بيه. ميان بمكر .. ده غير إني خارجة معاك، يعني مش هيقدر حد يبص لي. قاسم .. ثبتيني، ثبتيني. يلا يا آخرة صبري. ميان .. أيوه كده. يلا. قاسم .. بس لو خرجتي مرة بحاجة زي كده، أو قلت مش هتخرجي بيها، يعني مش هتخرجي. وصلت. ميان .. إن شاء الله.

خرجوا وهم نازلين. ميان حبت تغيظ جومانا. حطت إيدها في دراع قاسم. شيماء .. رايحين على فين كده؟ ميان بغمزة لشيماء ونظرة لـ جومانا .. خارجة مع جوزي. قاسم ضحك .. طب يلا، عايزة حاجة يا شوشو؟ شيماء .. لا يا حبيبي. بابا راح النادي هيقعد مع أصحابه، وأنا ممكن أخرج مع أصحابي. قاسم .. ماشي، بس متتأخريش. شيماء .. تمام. يلا فسح البت حلو. ميان .. أه والنبي. وصية. قاسم .. طب يلا.

قاسم وميان جابوا الكتب الأول، وبعدين راحوا يجيبوا هدوم. ميان وهي ماشية وبتجيب هدوم .. آخر مرة عملت شوبينج كانت إمتى؟ قاسم .. من شهر. ميان .. وجبت إيه؟ قاسم .. اشتريت قرية سياحية. ميان بصتله كده 😳 .. أه. ماشي. ميان .. إيه رأيك في ده؟ ميان طلعت تيشرت. قاسم .. حلو، بس ده رجالي. ميان .. منا عارفة. هو ليك، وده واحد نفس الشكل ليا. هنلبس زي بعض. عندك مانع؟

قاسم .. لا يا ميان. يلا شوفي هتعملي إيه عشان نلحق نتغدى سوا قبل ما تروحي، عشان عندي شغل. ميان .. طيب. ميان خلصت وخرجوا. راحوا برج. ميان .. ده برج. قاسم .. فيه مطعم في الدور الأخير. ميان .. طيب. خرجوا وركبوا الإسانسير. قاسم .. إيه رأيك؟ ميان .. واو، المنظر حلو أوي. قاسم .. كويس إنه عاجبك. قعدوا. قاسم .. إيه رأيك نكون صريحين ونقول اللي في قلبنا. ميان .. جومانا كانت قاعدة على رجلك ليه؟ المفروض تحترم وجودي.

قاسم .. أنا كنت بكلم سفير، لقيتها قعدت على رجلي، وإنتي نزلتي على طول. قفلت. واظن شوفتيني وأنا بزقها. ميان .. طيب. موضوع زين وصل لإيه؟ قاسم .. لسه. اصبري. ميان .. طيب. ميان .. كنت عايزة أسأل، هو ليه سبتني عندك في البيت وأنت عارف إني مش فاقدة الذاكرة ولا حاجة؟ قاسم .. كنت سايبك توصلي للي إنتي عايزاه. وكمان كنت شاكك فيكي. ميان .. طيب. قاسم .. وأنا هسأل، لو كنتي عرفتيني في موقف أحسن، إيه هيكون تفكيرك تجاهي؟

ميان اتوترت .. كنت هتكون صديق ليا. قاسم .. صديق بس؟