رواية صدفه ترجع الماضي الفصل السابع عشر 17 - بقلم انما احمد

قاسم رزعه بوكس شفلط وشه. "دى مراتى اللى بتعاكس فيها." جون (اخو جومانا) : سورى يا مان مكنتش اعرف، بس كالعادة زوقك حلو فى الحريم، حتى مراتك. قاسم بغضب: جون الزم حدودك، هنسي انك ابن عمى. جون: خلاص خلاص. ساره (ام جومانا وبتكون خالته ومرات عمه) : اى سيبك من الغبي دا، مش هتسلم على خالتك ولا اى، وتعرفنى على الحلوه دى. قاسم ابتسم بهدوء وهو بيوجه نظرات تحذير ل جون: اذيك يا خالتى. ساره حضنتوا. قاسم وهو بيحط ايده على كتف ميان

وميان اتصدمت وبقت مرتبكه: دى بقى مراتى ميان يا خالتى. ميان: اهلا بحضرتك. ساره: اهلا يا حبيبتى، جنى بتكبر. هاى ازيك يا قاسم وحشتنا اوى. قاسم: تمام يا جنى، يلا اتفضلوا. دخلوا. راحت ميان نزلت ايده من على كتفها. "اى عجبك ولا اى." قاسم بغمزه: هو من ناحية عاجبنى ف هو عاجبنى، بس اعملى حسابك انك هتنامى في اوضتى. ميان بتحدى: دا عند امك. قاسم: ميان اتلمى. ميان: اسفه خرجت غللط، بس انا مش هنام فى اوضتك.

قاسم: لازم تعملى كدا يا مجنونه عشان انا قدامهم انك مراتى والبت اللى بحبها. ميان: والله ميلزمنيش حل مشاكلك مع نفسك. قاسم قرب على ميان. راحت ميان رجعت ل ورا بخوف. "قاسم احترم نفسك." قاسم بيضحك وبيرجع ورا: اهه المهم ارجع من برا القيكى محضره هدومى، ماشي يا زوجتى العزيزه. ميان بتحدى: ماشي يا قرة عيني. وسبته ودخلت وهى بتبرطم. "عايزنى احضرلك هدوم حاضر، هتشوف هعمل فيك اى." بعد الفطار قاسم خرج على الشركه. والكل قاعد.

جون: قولتيلي يا ميان انتي في جامعة اى. ميان: انا مقولتلكش، ونا في كلية طب. جنى بتريقه: ووواو بيطرى بقى ولا تحاليل. ضحى: لا يا بيبي مش بيطرى ولا تحاليل، ميان قسم جراحه، ادعيلها اصل الامتحانات قربت، وانتوا بقى في اى. جون: انا في هندسه واخر سنه. جنى: خلصت تجاره، و جومانا في اعلام. ميان: حلو اوى. جنى: اه وانتي في انهي طبقه بقى. ميان: طبقة اى. جنى: مخمليه متوسطه فقير. ميان: لا يا حبي انا متوسطه.

جنى: اه فهمت، طيب فين عيلتك. ميان بحزن: متوفيين. جنى: مش مصدقه بقى، قاسم كبير العيله بعد جدو يختار واحده ملهاش أهل. ساره: جنى عيب دى وقاحه، اتكلمي كويس. جنى باستهزاء: حاضر يا مرات ابويا. ميان سابتهم وطلعت دخلت اوضتها وعيطت. "انا بعيط ليه، هي متستهلش اني اعيط بسببها." قامت وهى بتفتح دولابها وملقتش هدومها. راحت على اوضة قاسم وفتحتها ودخلت. لقت اوضه دافيه ومنظمه اوووووووى، كانت باللون السيلڤر والاسود. بس عجبتها اوى.

لقت اوضه مقفوله فتحتها لقت هدومها واخده نص الاوضه وهدومه النص التاني. ميان: حلو لا وسريع، طيب ماشي. ميان طلعت تيشرت ابيض وبنطلون جملى كدا. وبعدين نزلت المطبخ. ميان: دينا في بودرة صراصير هنا. دينا: اه في ليه في حاجة. ميان: اه اصل لقيت صارصور في اوضتي ف كنت عايزها. دينا: طيب هطلع أنصف اوضتك حالا واحطها. ميان: لا لا انا هعملها. دينا: حاضر. ميان اخدته وطلعت حطته على التيشيرت والبنطلون.

ميان: وريني بقى هتقعد قدامهم ازاى عشان تقول، وهي بتقلده: حضريلي هدومي. وبتضحك ضحكه شريره. قاسم رجع على الغدى. قاسم: شطوره، لا وطلعتيلي هدومي كمان، هاخد دش وأخرج ننزل نتغدى سوا. ميان ببرائه: ماشي. قاسم خلص ونازلين. قاسم: شوفتي انا حلو معاكي ازاى وانتي بتسمعي الكلام. ميان في سرها: استني بس. الكل على السفره. قاسم حس بحكه عند رقبته. بقى يحك فى رقبته وبعدين جسمه كله مبقاش قادر. ميان وهي بتاكل وهتموت وتضحك.

قاسم ساب الكل وطلع بسرعه على اوضته. ضحى: مش مطمنالك، عملتي للراجل اى. ميان حكت ليها بصوت واطى اوى. ضحى: احيه يا جبروتك. ميان طلعت لقت قاسم قالع هدومه ولافف فوطه على وسطه وجسمه احمر. ميان لفت وشها وبتضحك. قاسم ب شك: ميان تعالى. ميان وهي كاتمه الضحكه: لا البس الاول. قاسم قام لبس البرنس. "اهه لفى بقى." ميان لفت وهى بتضحك. كدا. قاسم: انتي اللى عملتي كدا. ميان بصدمه مصطنعه: انا اخص عليك، انا اعمل كدا.

قاسم: انا خارج عندي مشوار مهم، لما ارجع هيبقى فيه حساب. ميان: أن شاء الله. قاسم لبس وخرج. الساعه ٩ بليل. ميان كانت عند ضحى. باب اوضة قاسم اتفتح ودخل منه حد، دخل الحمام بعدين فتح كل الحنفيات الميه وخرج. بعد ساعه الاوضه كلها غرقت. ميان داخله الاوضه ونفس الشخص واقف مراقيبها. ميان: يلهوى اى دا. جريت على الحمام وقفلت الحنفيات. الشخص دخل جاب مشترك حاطه في الكهرباء. ميان: يوووه الاوضه كلها غرقت.

قعدت على الكرسي بتاع المكتب الصغير اللي في اوضة قاسم وربعت. الشخص ده حدف المشترك. ميان: يوووه المانيكير هيبوظ، انا هطلع على السرير وانادي على حد ييجي. بقت ميان تحرك الكرسي لغاية ما دخلت لغاية السرير. بتبص لقت صوت كهربا والمشترك في الميه. ميان صوتت وهي في نص الاوضه. ميان: ضحىىىىىىىىىى. ميان بدموع: قاااااااااسم الحقني.