رواية صدفه ترجع الماضي الفصل الثالث 3 - بقلم انما احمد

ميان راحت سكن الطالبات. ضحى، وهي صديقتها المقربة: "ميان، في إيه؟ انتي كويسة؟ ميان بدموع: "مفيش حاجة." ضحى: "لأ، في. متتكلمي." ميان حكتلها على اللي حصل. ضحى: "إنسان مغرور حبيبتي، متزعليش. وسيبك من الكلام الفاضي اللي قالوا الراجل ده." ميان: "عندك حق. أنا اللي غلطانة. يسلام لو أجيبه من شعره اللي عاجبه ده." ضحى: "أيوا بقى، هي دي ميمون." ميان: "آه، ناس قليلة الذوق." ضحى: "سيبك من كل ده. فين حاج السكن؟

مش نزلتي تجيبي طلبات؟ ميان: "أصل... أصل... ضحى برفعة حاجب: "آه، أصل إيه بقى؟ ميان: "أنا لما شفت العربية، رميت الحاجة وجريت عليها." ضحى: "احيييييه! نعم يا أختي؟ دا إحنا لسه قابضين." ميان: "خلاص يا ضحى، خدي فلوس لبسي." ضحى وهي بتخبطها على راسها: "إنتي هبلة يا بت؟ يلا خلاص نتصرف." ميان: "طيب، أنا هنام." ضحى: "تصبحي على خير يا بقرتي." ميان: "وإنتي من أهله يا مهزقتي." *** حسام وصل لقاسم، لقاه قاعد وبينهج. حسام نزل بسرعة:

"قاسم، انت كويس؟ تعال بسرعة على المستشفى." قاسم: "لأ، أنا كويس." وقام وهو بيقول: "روحني واطلب حسن يخليه يجيلي على البيت." حسام: "إنت ليه بتعاند؟ دا إنت متكسر." قاسم افتكر ميان، وبعدين ابتسم، وبعدين صحي وقال: "يلا يا حسام، ولا أمشي أنا؟ حسام وهو بيبرطم: "يلا يا آخرة صبري. كل شوية شخيط شخيط قرفتني، كتك القرف." قاسم: "بتقول حاجة؟ حسام: "أنا خالص، دا أنا بغني." *** مجهول: "ها، طمنوني. مات؟ الراجل:

"إحنا خبطنا العربية وجرينا." مجهول بغضب: "نعم؟ يعني متأكدتوش؟ الراجل بخوف: "لللللللأ." مجهول: "في ساعة تكونوا جايبين كاميرات المراقبة." الراجل: "حاضر." بعد وقت. الراجل: "اتفضل." مجهول: "مين دي؟ الراجل: "مش عارف، بس باين يعرفوا بعض. بيتكلموا أهه." مجهول: "تجيبولي البت دي."