رواية صدفه ترجع الماضي الفصل الثالث والعشرون 23 - بقلم انما احمد

ميان بصدمة وخوف: ماااااما! الأم بزعيق: تعاليلي هنا يا تربيتي. ميان بدموع: اسمعيني بس. الأم بمقاطعة: اخرسي بقي، أروح السكن عشان أشوفك يقولولي إنك لغيتي السكن وميعرفوش روحتي فين، وأرن على ضحى تقولي إنك هنا في البيت دا، يا فرحتي بيكي بقي آخر تربيتي تبيتي في بيت ناس غريبة! قاسم: دا مش بيت ناس غريبة. ضحى وهي بتشاور له ورا وتقوله: متقولش. قاسم لما شاف ضحى: دا يبقي بيتي أنا وزين، وحقها تقعد في بيت أخوها.

الأم بصدمة: أنتي رجعتي ورا نفس الموضوع! ميان: هفهمك بس أهدي عشان السكر والضغط، ونبي تعالي بس نتكلم جوا. ضحى خدت الأم وطلعوا أوضة ضحى. الأم بغضب: يلا البسي، أنتي هتمشي معايا، يلا أنتي وهي. ميان: لا يا ماما، دا حق زين لازم يرجع، أنا مش هفضل كدا، أنا سكت كتير وجه وقت إني آخد حقه. الأم بحنية: يا حبيبتي أنتي مش قدهم. ميان: لا أنا استني، استني أنتي إيه اللي عرفك؟ أنتي كنتِ عارفة وخبيتي عليا كل دا؟

الأم: أنا مش هرمي بنتي في النار. ميان: ماما اسمعي، قاسم دلوقتِ معايا وهو وعدني إنه هيساعدني. الأم: أنا خايفة عليكي، أنتي في بيت ناس غريبة، دا غير إني أعرف قاسم دا وأنا مش واثقة فيه. ميان: ليه يا ماما؟ دا كويس. ضحى: آه يا خالتو والله كويس. الأم: لا دا هو سبب كل دا. ميان: أنا مش هخرج من البيت دا إلا لما أكون واخدة حق أخويا، ودا آخر كلام يا ماما، وياريت تحترمي رأيي، دا زين أبويا وحبيبي وأخويا وكل حاجة في حياتي.

الأم: أنتي مش هتفضلي في البيت دا لا. ميان: ماما لازم. الأم: أنا هفضل هنا معاكي لغاية ما نخلص ونرجع بيتنا. ضحى: خلاص يا خالتو خليكي هنا عشان أنتي وحشتيني. الأم: طول عمرك هبلة يا ضحى. ضحى: إيه دا؟ دنا قولتلك وحشتيني يا مزة عايزين نجوزك. الأم: بت اتلمي، انتوا مبتذاكروش ليه؟ مش أنتي يا زفتة أنتي وهي عندكوا امتحانات. ضحى: أنا بسم الله ما شاء الله كدا عليا مفتحتش كتاب. ميان: لا أنا ذاكرت والله.

ضحى بغمزة: طيب يا ميان انزلي كدا اشرحي للي تحت إن دي ماما وكدا، وخالتو تصلي الضهر أذن. الأم: يلهووووي، الحمام فين؟ ضحى: أهه. الأم دخلت الحمام. ضحى: بسرعة انزلي دلوقتِ وفهمي قاسم كل حاجة عشان يقول لعيلته. ميان: طيب طيب. ميان خرجت من الأوضة لقت قاسم واقف. ميان: قاسم. قاسم: في إيه؟ ميان بتوتر: ماما مش لازم تعرف إن إحنا متجوزين عشان هي بتكرهك. قاسم: نعم يا روح أمك؟ دنا مستني حوارات جدتي تخلص تطلعلي أمك!

ميان: بس بس، إيه الطريقة دي؟ هي هتقعد لغاية ما أخلص موضوع زين ونمشي. قاسم: وإيه؟ ميان بخوف: نمشي. قاسم: ليه؟ لا تكوني متجوزة سوسن وأنا معرفش! ميان اتلمي، لأما والله آخدك وأقول للكل إنك مراتي وبتنامي معايا في نفس الأوضة على نفس السرير. ميان: هش، اسكت هتفضحني، أمي هتسمع، اسكت ونبي معلش اعمل كدا عشاني. قاسم: تمام يا ميان. ونزل.