رواية صفقة على عذراء الفصل الثاني 2 - بقلم هاجر قطب

في فيلا العاصي. وصل جاسم لفيلا ليجد أسر. أسر: اية ياعم انت روحت قبلي وارجع انا اقابلك. جاسم: اسكت انا مش طايق نفسي. أسر: خير في اية باين عليك متضايق. جاسم: متضايق بس دا انا هنفجر من الغيظ. أسر: طب احكي في اية. جاسم: حكى ل أسر كل شي بخصوص الفتاة صاحبة الحادث. لينفجر أسر ضاحكا. جاسم: والله انا بحكيلك عشان تضحك تصدق انا غلطان. أسر: مش قادر اتخيل الدنجوان بيتهان وهي تقولك حيوان وتمشي يعني متاثرتش بنظراتك.

جاسم: اه لو توقع في ايدي. مين دي يا ابيه. ليلتف ليجد جانا. جاسم: اية يا جانا اتاخرتي لية احنا جعنا. جانا: معلش كان ورايا محاضرات بس واضح انكم استنيتوني كملوا اكل عادي يا أسر. لينظر جاسم ل أسر ليجده يأكل. أسر: متخافوش هاكل معاكم. لينفجرا في الضحك. جاسم: انا هطلع اغير عقبال ما الدادة تحضر الاكل. جانا: ماشي. ليصعد جاسم لغرفته. لتلتفت لتجد أسر ينظر لها بنظرات جعلتها تخجل. فهم هو فأنزل عيونه عنها. حاول كسر حاجز الصمت.

أسر: هو انتي عملتي. ولم يكمل جملته ليرن جرس الباب. جانا: يابي دا كان هيتكلم. اية الحظ دا. هروح افتح الباب. أسر: اتفضلي. ليلتقط أنفاسه بعد ذهابها. فتحت الباب لتجد نادر. جانا: نادر ازايك اتفضل. نادر: تمام. لا انا جيت اديلك كشكولك يا مسطولة نسيتيه معايا. جانا: بجد. نادر: اه يا ختي انتي ناسيه ان في بكرة امتحان. جانا: ميرسي يا نادر طب ادخل. نادر: لا هطير انا باي. وضربها في مؤخرة رأسها.

كان احدهم يتابع الموقف من بعيد ويشتعل بنيران الغيرة. أسر: مين دا. جانا: تفاجأت من سؤاله. دا زميلي في الجامعة وانا نسيت كشكولي فرجعه ليا عشان في امتحانات. أسر كان يشتعل في نفسه. زميلها طب ويهزر لية ويكلمها لية اصلا انا كان لازم أجيبها من شعرها واضربة هو واعلمة ازاي يلمس حاجة مش بتاعته. جانا: مالك يا أسر. أسر: مفيش. جانا لنفسها: الله مالة دا ما كان كويس وكان لسة هيتكلم اية اللي غيره.

أسر لنفسه: ماشي يا جانا انا بعد كدة لازم اعرف كل حاجة عنك مش هسيبك كدة دا انتي. انتي. انتي حبيتي انا وبس. في غرفة جاسم. جاسم كان يبدل ثيابه وهو مازال لا يستطيع إزالة من فكره الفتاة التي رآها.

جاسم لنفسه: أنا جاسم العاصي. حتة بنت تعمل معايا أنا كدة. أنا حيوان. أنا اااااه لو توقع في أيدي. اه مش هسيبها تفلت بس مش قادر أنسى عيونها دي عليها عيون يا خرابي على الجمال. دا أول مرة أشوف عيون كدة. و لا شفايفها. و لا و لا يا خرابي. دي لو وقعت في أيدي مش هسيبها. هاخد حقي كامل منها. عقابها على الشتيمة وبعدها تبقى ليا. هي هتروح مني فين. أنا هدور لحد لما ألاقيها. أنهى ارتداء ملابسه ونزل ليجدهم في صمت. جاسم: في اية مالكم.

جانا: مفيش يا ابيه. أسر: مفيش يلا نعد ناكل. وجلسوا يتناولون الطعام. في صالة العرض. دخلت سيرين صالة العرض لتدريب وهي متوترة لتجد عادل. عادل: حبيبتي اتاخرتي لية. سيرين: حبيبى وانا جايه. وحكت له على صالح وعن الحادث. عادل: متزعليش. اهدي كدة. سيرين: عيونها دمعت بقوة. عادل: يلا الحمد لله. سيرين: بدأت التدريب. عادل: اه من بدري اصلا الدنيا متبهدلة من الصبح. سيرين: لية في اية. عادل: عاملين يزعقوا ويشدوا علينا في التدريب.

سيرين: طب ما هما على طول كدة اية الجديد يعني. عادل: لا اصل المرة دي واحد من أهم رجال الأعمال في مجال الأزياء هيحضر العرض. سيرين: طيب ما هو على طول في رجال أعمال بيحضروا العرض. عادل: لا دا حد مهم جدا وسمعت إنه جاي عشان العارضة الرئيسية حبيبتة. سيرين: اه قصدك شي. ليقطع كلامهم معزت المدرب الخاص بالعرض. عزت: اهلا وسهلا. انتي شرفتي أنسة سيرين. مش معقول نفرش ورد. سيرين: والله يا أستاذ حصلت ظروف وأنا جايه.

عزت: حصلت ظروف تعودي في بيتك متجيش. سيرين: أنا آسفة واخر مرة. عزت: أما نشوف. يلا بسرعة أجهزي. سيرين: حاضر. ورحلت سريعاً. عزت نظر لعادل. عزت: عادل انت بجد بتحبها. عادل: اه طبعاً. عزت: اصل ليك ماضي مع عارضات كتير وهي طيبة. عادل: لا بحبها بجد وهنتجوز. عزت: طيب يلا بسرعة انت روح ادرب عشان تلحق تجهز لعرض. عادل: حاضر. ورحل سريعاً. أثناء ذهابها لتدريب خبطت في شيري. شيري: مش تحسبي انتي غبية. سيرين: مقصدش. شيري: طب اوعي.

وأزاحتها بيده. بعد رحيل شيري. سيرين: أنا مش عارفة في اية انهاردة. الأول صالح وبعد كدة الحيوان بتاع الصبح وبعدين عزت. وأخيرا ام أربعة وأربعين دي اللي فاكرة نفسها حاجة. في اية تاني لسة يارب رحمتكو. ذهبت لتدريب. في منزل بسمة. بسمة: يا ماما أرجوكي عايزة أروح. والدتها: وأنا قولت لا يعني لا. بسمة: يا ماما أنا وعدتها. والدتها: بجد برضو لا. بسمة: طب ممكن اعرف لية.

والدتها: يكفي الكلام اللي طالع عليها وعلى سمعتها من ورا شغلها ومش عايزة أتكلم. أنا عندي بنت برضو. بسمة: يا ماما حرام والله دا أنا اللي جبتلها الشغل دا عشان انتي عارفة ظروفها. والدتها: من قلة الشغل خلاص جبتلها داب؟ بسمة: انتي عارفة مصاريف علاج أمها وأبوها قد اية دا غير مصاريف الكلية ومصاريف إيجار البيت والبيت مش بيعوز أكل وشرب والديون اللي عليهم هتعمل اية يعني.

والدتها: بت انتي آخر كلام اللي عندي قولته مفيش نزول انتي فاهمة. واقولك على حاجة أنا داخلة المطبخ وسايبالك مخضرة. بسمة: يا ماما بقي. وأخذت تبكي. في فيلا العاصي. أسر: طب هقوم انا أمشي وانت الحق جهز عشان مشوارك. جانا: اية دا انت نازل يا ابيه. جاسم: اه ويادوب فعلاً أقوم أجهز. جانا: نفسي مرة يا ابيه توعد معايا. جاسم: معلش يا حبيبتي مرة تانية وكمان انتي وراكي مذاكرة للامتحانات صح. جانا: صح. أسر: طب همشي انا مع السلامة.

رأت جانا في عيونه الحزن ولكن لم تعرف لما. جاسم: هقوم أجهز أنا. جانا: ماشي. بعد رحيل جاسم. جانا لنفسها: هموت واعرف مالك يا أسر. نفسي أعرف اية اللي غيرك ياحبيبي. زمان كنت غير كدة. جانا: اه يا أسر. في منزل سيرين. دق باب المنزل فتح والدها ليجد صالح. صالح: مساء الخير. حسن: مساء الخير اتفضل يا صالح. دخل صالح لمنزل وجلس. حسن: خير يا صالح.

صالح: بص بقي يا حسن الله الله على الجد والجد الله الله عليه. بص بقي أنا صبرت كتير أوي والحساب تقل. حسن: حاضر اول ما تقبض سيرين هندفع. صالح: مهو أنا جي انهاردة في كدة. أنا عايز تدفع وصلين من الوصولات والإيجار. حسن: بس دا كتير دا هي يادوب بتقدر تدفع وصل وجزء من الإيجار. صالح: أنا قولت اللي عندي. السلام عليكم. وخرج من المنزل. حسن: وعليكم السلام. ياعيني عليكي يا بنتي. في فيلا العاصي. غرفة جاسم.

كان يرتدي ملابسه فارتدى بدلة أنيقة سوداء وكرفت أزرق وقام بتمشيط شعره وارتدى ساعته ونزل. جانا: واو اية الجمال والشياكة دي يا ابيه. جاسم: أنا طول عمري شيك. جانا: واضح ان السهرة مهمة وفيها ناس مهمين. جاسم: بس يا لمضة ذاكري واتعشي ونامي على طول. جانا: ماشي يا ابيه مع السلامة. جاسم: سلام.

وخرج وركب سيارته ورحل لمكان العرض. فور وصوله لمكان العرض. استقباله الكثيرين واجلسوه على طاولة خاصة. وبدأ العرض وكان ينظر لعارضات بإعجاب إلى أن. قام واقفاً مرة واحدة فور أن شاهد. جاسم: معقولة. هيرأى سيرين على المسرح ترتدي فستان أزرق قصير فوق الركبة والفستان بكم وحذاء بكعب عالي فضي مطلقة شعرها بحرية ليأسر قلوب المئات مع مكياج بسيط. جاسم: يخربيت جمالك. انتي بتحلوي كل مرة. بس كدة انتي وقعتي ولا الهوا اللي رماكي.