رواية صفقة عمري الفصل الأول 1 - بقلم ياسمين سمير

الحقني بتجوز. ههههههه قديمة، بتقولي كده عشان أجي أبَيت عندك النهاردة. ي متخلفة، بقولك بتجوز، بتجوز والله العظيم. إنتي بتقولي إيه؟ تعالى حالاً، والنبي يا ريم أنا خايفة أوي. طب بس اهدّي، أنا مسافة السكة. سلام. سلام. روعة: يا رب، إنت اللي عالم واللي شايف، يا رب نجيني منه على خير. تخرج لترى والديها (مجدي) (سوزان) وأخاها (رامي) روعة بدموع: عايزين إيه مني تاني؟ مش حرام عليكم؟

رامي يمسكها من يديها: بقولك إيه يا بنت، إنتي لو سمعت صوتك تاني أنا هخليكي تقولي على نفسك يا رحمن يا رحيم. مجدي: بصي يا بنتي، قاسم بيه هيجي دلوقتي ويكتب الكتاب، والراجل كتر خيره إنه هيستنى لحد ما تخلصي امتحاناتك وياخدك. فبلا بلاش غالِبة بقى، وادخلي البسي اللي جوزك جابهولك. روعة: عايزني ألبس أسود في أسود؟ سوزان: مش جوزك وليه حق عليكي. روعة: حتى إنتي يا ماما؟ وأقولك ماما ليه، ما إنتي أصلاً مينفعش تكوني أم. ترن ترن.

ليتركها رامي: قومي افتحي الباب، أه هتلاقيها صاحبتك الهبلة دي كمان. لتسرع في فتح الباب لترى صديقتها ريم. ريم بخضة: روعة مالك؟ روعة: ادخلي لجوه على طول. ليدخلوا غرفة روعة. ريم: إيه الهبل ده؟ وأهلك إيه اللي جابهم هنا؟ هو مش كفاية اللي بيحصلك؟ روعة وهي تتجاهل كلام صديقتها: أنا هتجوز. ريم: آه صح، إنتي قولتي إيه في الفون؟ روعة: هتجوز، أبويا عايز يجوزني لواحد معرفوش ولا أعرف السبب.

ريم وهي تحضن صديقتها: طب بس اهدّي عشان نعرف نفكر هنعمل إيه. روعة: مفيش حاجة غير إني أوافق. ريم: إنتي بتقولي إيه؟ روعة: أنا سلمت أمري لربي، أنا مش هعرف أهرب، ولو هربت أروح فين؟ هيجيبوني بردو، ولو رفضت يبقى هموت. هو كدا كدا أنا مش فارقة معاهم، بس أنا فاض بيا وخلاص، عرفت هعمل إيه. ريم: هتعملي إيه؟ روعة: هتعرفي، بس يلا لازم ألبس عشان جاي دلوقتي. ريم: مين ده اللي جاي؟ روعة: عريس الغافلة، هو فيه غيره.

لتفتح روعة الشنطة لترى رداء أسود اللون بالإضافة إلى نقاب. ريم: هو إيه ده؟ روعة: ده فستان فرحي، أو بالمعنى الأصح كفني. ريم: روعة عشان خاطري، أنا هنزل وإنتي انزلي من الشباك، هيا مش جديدة عليكي تنطي من الشباك، بس بلاش تعملي في نفسك كده، حرام عليكي. وبعدين الامتحانات، إنتي ناسيه إننا في الثانوية؟ هتضيعي تعبك؟ روعة: هو إنتي متعرفيش؟ مش العريس كتر خيره بقى هيخليني أخلص امتحانات الأول. ريم: يا روعة... ليقطع كلامهم الباب.

سوزان: إنتي لسه ملبستيش؟ قاسم بيه بره، اتفضّي. لتنظر إليها روعة بقرف: سواني وطالعة، اقفلي الباب وراكي. لتتركها وتخرج. روعة: ساعديني يا ريم بسرعة يلا. ريم: يا ربي، بقا فيه عروسة يوم فرحها تلبس أسود. روعة: ميهمنيش، يلا. بعد قليل. تخرج روعة ووراءها ريم. تتفحص الجالسين لترى قاسم يجلس ويضع رجلاً فوق الأخرى بدون تعبيرات. مجدي: تعالي يا روعة. لتقترب روعة وعينها على ذاك القاسم التي تميز بملامحه الرجولية. ويتم القرآن.

الشيخ: موافقة ي عروسة؟ روعة: لا رد. الشيخ: موافقة ي عروسة؟ مجدي: احم احم، طبعاً موافقة يا شيخنا، يلا ابدأ. الشيخ: لا يجوز، لازم العروسة تقول موافقة. الشيخ: ها يا بنتي، موافقة؟ روعة وهي تنظر إلى قاسم: موافقة. لينظر إليها قاسم ثم ينقل نظره إلى العدم. الشيخ: بارك الله لكم وبارك عليكم وجمع بينكم في خير. بعد بضع دقائق يخرج قاسم دون رد. سوزان: أنا كمان لازم أمشي، أصحابي في النادي مستنيني. روعة بسخرية: آه، صحابك أهم.

لتقف روعة: ويا ريت الكل يتفضل عشان محتاجة أذاكر وأنام، واقفلوا الباب عشان أنا بنت وعايشة لوحدي. رامي بسخرية: أنا همشي بدل ما أرتكب جريمة. مجدي ويحاول الاقتراب منها: بنتي. تبتعد روعة: إيدك متلمسنيش، إنت عارف وأنا عارف إن محدش فينا طايق التاني، وبلاش كدب، اتفضل. ريم: طب فيه لبس هنا ليا ولا إيه ظروفي؟ روعة بابتسامة: لا روحي عشان مامتك، كفاية إنك كنتي بايِتة معايا امبارح. ريم: بس يا روعة... روعة: مفيش بس، يلا بقى.

لتخرج معها إلى خارج الفيلا (الباب الرئيسي) ريم: مش بتخافي؟ روعة: إنتي عارفة إن عمتي عايشة معايا. ريم: ماهو ده اللي مخوفني. روعة: طب يلا باي. وتغلق باب الفيلا التي تعيش فيها بمفردها، حتى رفض الحرس على الباب. لتقف أمام الأرجوحة الموجودة في حديقة الفيلا. روعة وهي تنظر إلى الأرجوحة: وحشتيني. وتتركها تذهب إلى الداخل. ولا يوجد شيء على الأرجوحة. أما بالخارج. تقف سيارة وعيونها موجهة إلى المنزل. يجلس قاسم. بالداخل.

تقوم روعة بفعل القهوة الخاصة بها، ثم تطفئ جميع الأنوار بالطابق السفلي وتطلع إلى الطابق العلوي، يوجد بها غرفتها وتبدأ بالمذاكرة. تكاد الساعة تصل إلى ١. روعة: يااااه، دا كله. يلا أقوم أنام عشان ألحق الفجر. ثم تغلق إضاءة الغرفة وتذهب إلى نوم عميق. في الصباح.... تقوم روعة بترتيب سريرها وتأخذ كتبها وتخرج. روعة وهي بتقفل الباب. روعة على الهاتف: أيوا يا بنتي، خلاص بقفل الباب أهو.

ريم: طب انفضي يزفتة، واقفة على الباب بره، وبعدين ابقي اديني نسخة للبوابة دي. روعة: طب استني. تقوم بفتح البوابة. روعة: يلا يا أختي. ريم: طب بصي ورايا كده. لتنظر بالخلف. روعة بصوت واطئ: هو إيه اللي جابه ده. ريم: إيه اللي جابه؟ وإنتي ناسيه النقاب أصلاً، حتى مش لابسة طرحة. روعة: إنتي عارفة إني نفسي ألبس نقاب، بس محدش يفرضه عليا. ريم: طب العمل؟ روعة تذهب إليه: نعم. قاسم: لا رد. روعة: يا حضرت... قاسم: لا رد.

ثم يذهب إلى فتح الباب. روعة وهي تنظر إلى ريم: معرفش. روعة: يا عم إنت مش بتتكلم؟ قاسم: لا رد. لتتركه روعة وتذهب إلى ريم. روعة: يلا يا بنتي. ريم: الحقّي، دا ماشي ورانا. روعة: هيعصب. ريم: شوغيه، عايز إيه يا بنتي؟ روعة: أفندم، عايز إيه؟ لينزل قاسم ويفتح الباب دون رد. لتركب روعة وبجوارها ريم. روعة: الدرس في... قريب من... لو تعرفه يعني. ليذهبان. تنزل روعة وريم ويدخلان الستنر الذي يوجد به الدرس. بعد الدرس.

ريم: يلا يا أختي، خلاص هموت وأكل. روعة: على طول طفسة، تعالي نفطر سوا. ريم: يلا. ليخرجان لينصدمان بوجود قاسم. روعة: استنى بقى، أنا هتصرف. ريم: ي مجنونة، تعالي هنا.