رواية صفقة عمري الفصل الثاني 2 - بقلم ياسمين سمير

ريم: انتي يا بنتي رايحة فين؟ روعة وهي توجه الكلام لقاسم: بص يا عم، انت شكلك مش بتتكلم أصلاً. أنا مش هركب معاك وأمشي بقى أحسن لك. قاسم: لا رد. روعة: هااااااي، أنا واقفة وبكلمك. قاسم: لا رد. روعة: لا ده أنت رخـم بقى. للتجهة إلى الأرض وتأتي بحجر. ريم: روعة، بطلي هبل إنتي يا بت. لترميه على إزاز العربية. روعة: اتفضل امشي بقى. قاسم بدون أي تعبيرات يتجه إلى العربية ويتركها. ريم: انتي غبية.

روعة: اسكتي، هو الناس دي عايزة كده؟ اللي يديهم على دماغهم. ريم: والله قلقت عليكي. روعة: من إيه؟ ريم: من سكوته ده. روعة: ده أخرس. ريم: انتي حمـارة. لو إنتي مش بتفهمي عرفيني، أنا زي صاحبتك برضه. روعة: ليه يعني؟ ريم: أخرس إزاي؟ أمال مين اللي كان بيتكلم يوم كتب الكتاب وكان بيقول ورا المأذون؟ روعة: اااااه يالهوووي، نسيت. صح، وأنا اللي كنت فاكر -اه أخرس. ريم: أمال إنتي داخلة علم رياضة إزاي؟ روعة: ثواني، ثواني، إيه علاقته؟

ريم: صبرني يا رب. امشي يا روعة، علم رياضة يا حبيبتي بيت -قى عايزة دماغ شغالة، وإنتي ذاكرتك ذاكرة سمكة أصلاً. روعة وهي تضع يديها على رأسها: حاسة إني بقيت غبية. استنى بقى أما أرن على روان. ريم: هتلاقيها في الدرس. روعة: غريبة يعني، عرفتي إزاي؟ ريم: إنتي عارفة إني مش بحب تصرفاتها، بس هي صاحبتنا. روعة: أنا مش عارفة هتبطل كلامها ده امتى. ريم: طب يلا نمشي بقى. ليذهبان إلى الـڤيلا. روعة: أنا حاسة إنك إنتي صاحبة البيت مش أنا.

ريم: هههه، اتفضلي اتفضلي، ده زي بيتك. أنا داخلة المطبخ، عصافير بطني بتصوت. روعة: هي دي عصافير؟ دي كلاب. ريم: مش هرد عليكي، ده مش عشانك، ده عشان البيت اللي قاعدين فيه. بس. روعة وهي تصعد: مش معقول بجد. لتغير ملابسها وتقوم بفك شعرها لينسدل على ظهرها. روعة: يا ريم، انفضـي بقى، كل ده بتجيب الفطار. ريم: مفجوعة، استنى. ترن ترن. ريم: ردي يا بت، لو ماما، قوليلها هفطر وأروح. روعة: الو، أيوا يا روان. روان: روعة؟ إنتي مع ريم؟

روعة: لا، دي ريم اللي عندي في البيت. روان: تمام، أنا كده كده قريبة منكم، متتفطروش غير لما أجي، ماشي؟ روعة: تمام، ماشي. ريم وهي تضع الأطباق على السفرة: روان. روعة: آه، جاية تفطر. ريم: طب قومي لفـي شعرك يلا. روعة: إنتي محسسـاني إنه سر، لو حد عرفه هموت. ريم: أيوا، ويفضل سر. البنت دي أنا مش بطمنلها، وكلام عمتك لازم تمشي عليه. روعة وهي تنظر إلى العدم: عمتي. ريم: قومي يا روعة، قومي. ترن ترن. ريم: خليكي، هفتح. روان: ازيكم.

ليجلسوا للافطار. بعد الفطار. روان: ياااه، الفطار برد. ميحلاش غير مع الصحاب. روعة: آه والله فعلاً. روان: شوفتي إيه اللي حصل امبارح بليل؟ ريم بصوت واطي: بدأنا. روان وهي تخرج هاتفها: الصور دي بقى، اتصورناها أنا وأحمد وإحنا بره. ريم: أيوا، عايزة توصلي لأيه؟ روان: أنا هتكلم معاكم بصراحة بقى، أحمد يا روعة معجب بيكي. وطبعاً إنتي فاهمة يعني، نظراته وتلميحاتي. روعة: وإنتي عارفة ردي يا روان. روان: والله بيحبك.

ريم: أقولك حاجة تخليكي تسكتي خاااالص. روعة مكتوب كتابها. روان بصدمة: ااااااي. روعة بصوت واطي: الله يخربيتك يا شيخة. روعة: آه، وهنتجوز بعد الامتحانات، أو بمعنى أصح، همشي معاه. روان: مين ده؟ ابن مين؟ بيشتغل إيه؟ ريم: وإنتي يهمك في إيه؟ مين ولا ابن مين؟ وعلى فكرة هو مش دكتور ولا مهندس، هو صاااااحب شركة. روان: صاحب شركة؟

روعة: رررررريم. بصي يا روان، أنا دلوقتي عارفة إنك مستغربة إن مكتوب كتابي، بس ده قدري، ومتسأليش ليـه، تمام؟ ويلا قووموا بقى روحوا، عايزة أذاكر، مش راحة دروس النهارده، يلا. ليخرجنا. لتندمج روعة في مذاكرتها، لتتفاجأ بجرس يأتي من الخارج. روعة بخضة: مين؟ مين؟ إيه ده، بره يارب؟ هو إيه الخوف ده؟ أكيد البنت ريم الغبية دي، قولتلها كذا مرة ترن عليا الأول. لتخرج إلى الحديقة. روعة وهي تقترب من الباب وبيدها مسدس: مين؟ لا رد.

روعة: مين؟ لا رد. لترى ظرف أبيض بالأسفل، لتفتحه. "اللي حصل النهارده ميتكررش تاني، ولما أفتح الباب تركبي غصب عنك. دلوقتي إنتي على ذمة راجل، تخرجي بالنقاب، ولا هتشوفي وش تاني. ده لو إنتي عايزة تكملي في الثانوية." لتقوم بفتح الباب سريعاً، لا ترى شيئاً. لتدخل إلى الداخل. في الصباح. ريم: إيه ده؟ إيه الاحترام ده؟ روعة: خدي اقرئي يا أختي. ريم: طب والله، الواد ده رجولة. روعة: رجولة إيه؟ الألفاظ دي.

ريم: على فكرة، هو بره، هو بينام هنا. روعة: بينام هنا إيه؟ إنتي غبية؟ ريم: لا، أقصد في العربية بره. روعة: معرفش، يلا عشان منتاخرش. ليخرجان ولم ينظر إليها قاسم ولا نظرة. روعة وهي بجوار ريم: احم، إحنا علينا درس الساعة... يوم... ويوم.... المكان... وكمان يوم.... علينا الساعة..... والمكان..... الباقي بقى هقولك بكرة. ريم بصوت واطي: هو إنتي مفكراه السواق بتاعنا؟ روعة: اسكتي. عامل فيها سي السيد. أنا بقى هعرفه مين روعة.

لتمر الأيام وتنتهي الامتحانات. آخر يوم تقف روعة وريم أمام البناية السكنية التي توجد بها ريم. روعة بدموع: هوحشيني. ريم بدموع: إنتي أكتر. خالي بالك من نفسك، ومتخليش حد يشوف شعرك. لتلف هذه الجملة أذان قاسم الموجود بالقرب منهم. روعة بضحك وسط دموعها: بحبك أوووي. قاسم في سره: ماله شعرها؟ ليذهبان قاسم وروعة. روعة تنزل من العربية: عن إذنك. قاسم وهو ينزل من العربية: روعة. روعة وهي تنظر إليه: إنت قولت اسمي صح؟ قاسم: آه.

روعة: نعم. قاسم: هنسافر النهارده بليل، نوصل على الصبح إن شاء الله، عشان أهلي في البلد عاملين فرح. روعة: هنسافر؟ مش إنت كنت قايل هنسافر بكرة؟ قاسم: مش هتفرق. روعة: هو إحنا هنروح فين؟ عشان إنت قولت بلد، وأهلك بلد إيه؟ قاسم: هو محدش عرفك حاجة؟ روعة: حد مين؟ قاسم: أقصد أبوكي، أمك، أي حد. روعة: ااااه، لا. أنا عايشة هنا لوحدي. قاسم وهو ينظر إلى الفيلا: لوحدك؟ روعة: صغيرة. قاسم: آه. روعة: لا عادي. بلد إيه؟

قاسم: أنا من الصعيد، وأهلي في البلد هيعملوا فرح، وهتروحي بالنقاب على فكرة. روعة: صعيد. قاسم: ماله الصعيد؟ روعة والدموع بدأت تظهر: على رأيك، ماله؟ هنا لوحدي، هبقى هناك لوحدي. عن إذنك. ليأتي المساء وتخرج روعة بحقيبة ملابسها وترتدي النقاب. ليأخذ منها قاسم الحقيبة، وتستدير روعة إلى البيت وتنهمر في الدموع: مع السلامة يا عمتو، خالي بالك من نفسك، هوحشيني. قاسم: نمشي. روعة وهي ترفع يديها مودعة المنزل. بعد وقت من السير.

قاسم: ممكن ترفعي النقاب. روعة ترفع نقابها: أخيراً. قاسم بصوت رجولي: هو خانقك أوووي؟ روعة: مش حكاية كده، بس إنت فرضته عليا. أنا كان نفسي ألبس النقاب جداً. ..... هو أنا ممكن أسألك سؤال، يعني؟ قاسم: قولي. روعة: هو إيه اللي خليك تتجوزني عشان شغل مع بابا، صح؟ قاسم وهو يتذكر كلام أبيها: مجدي: تتجوز بنتي. قاسم: حاجة شكل كده. روعة: طب هو إحنا يعني يعني يعني. قاسم: يعني إيه؟ كملي. روعة: هنتجوز يعني.

قاسم: أمال رايحين فين دلوقتي؟ روعة بخضة: لا لا، مش عايزة. قاسم: بسسس، مسمعش صوتك. روعة بدموع وهي تنظر إلى الخارج: شهادة وفاتي انكتبت ياااارب. في الصبح يصل قاسم إلى منزله، عبارة عن قصر يدل على الفخامة والرقي. قاسم: روعة، روعة، اصحي، إحنا وصلنا. روعة: أنا فين؟ قاسم: اصحي بقى، زهقتيني. انزلي يلا. روعة وهي مبهورة بذاك القصر: دا بيتك؟

قاسم: آه. هندخل، النقاب ميترفعش حتى قدام أمي. تدخلي تبوسي إيدها، رجليها، أول ما تخطي القصر ده، مش هتخرجي منه غير بإذني أنا، فهمتي؟ روعة: أنا محبوسة؟ قاسم: ولسه. يلا ندخل. ليدخل قاسم بهيبته المعتاد عليها، ليحضن والدته: وحشتيني يا أمي. سانية: وإنت كمان يا ولدي. سانية: دي عروستك. قاسم وهو ينظر إلى روعة: تعالي سلمي على الحجة وبوسي إيدها. سانية: تعالي يا بتي. روعة وهي تتقدم بخطوات بطيئة: السلام عليكم.

تكتفي بمصافحتها دون تقبيل يديها. قاسم وهو ينظر إليها: بصي إيدها. سانية: بشويش عليها يا ولدي، بكرة تتعلم عوايدنا. لتنظر شابة في مقابل عمره، تتجه إلى قاسم: ألف حمد الله على السلامة. قاسم: إزيك يا فاطمة؟ فاطمة: بخير طول ما أنا شايفاك. فاطمة: مش تعرفنا؟ قاسم وهو يشير إلى روعة: دي روعة، مراتي. وهو يشير إلى فاطمة: ودي فاطمة، مراتي. روعة وفاطمة: اااااااي.