رواية صفقة عمري الفصل التاسع 9 - بقلم ياسمين سمير

قاسم: إيه يا روعة؟ روعة: (لا رد) قاسم: روعة، إيه؟ روعة وهي تضع يديها على بطنها: آآآه يا قاسم، بطني هتموتني. قاسم بقلق: من إيه؟ روعة: مش عارفة، تعالى وصلني الأوضة بتاعتي، مش قادرة أمشي. ينظر إلى فاطمة ليطمئن أنها نائمة، ثم يحمل روعة ويغلق الباب خلفه. يضع روعة على السرير. قاسم: أنا هروح أجيب التليفون من هناك. تمسك روعة يده: ليه؟ قاسم: أتصل بالدكتورة. تضحك روعة. قاسم باستغراب: بتضحكي ليه؟ تقوم روعة من

سريرها ثم تقف أمام قاسم: أنا كويسة. قاسم: وبطنك؟ روعة: كويسة هي كمان. تقترب أكثر من قاسم. روعة: مكنتش عايزة إني أنام عندها. قاسم: ليه؟ روعة: كنت عايزة أنام في حضنك، وحضنك ده ليا، صح؟ قاسم: كل واحد يوم. روعة: يعني هتسيبني كده وكده هي نايمة؟ قاسم بتفكير: اممممممم. روعة: بتفكر في إيه؟ قاسم: إزاي شبر ونص يطلع منه ده كله. روعة: أنا شبر ونص يا قاسم؟ قاسم: تحبي نقيس؟ روعة: روح يا قاسم عند فاطمة، مش عايزك.

قاسم وهو يبتسم: آخر كلام عندك؟ روعة بتردد: اممم. قاسم وهو يتجه إلى الباب: حاضر، أروح أنا بقى أحضن فاطمة. تجري عليه روعة: تحضن مين؟ قاسم باستفزاز: فااااطمة. روعة بدلع: طب وأنا؟ قاسم: إنتي إيه؟ تذهب أمامه مباشرة وتضع يديها على قلبه: عايزة أنام في حضنك. قاسم يضع يديه على خصرها بتملك: بس؟ روعة: بس؟ قاسم: لا لا، مينفعش، معايا الكلام ده. روعة: امال عايز إيه؟ يحملها قاسم ويطفئ أنوار الغرفة: تعالي بقى أقولك أنا عايز إيه.

تضحك روعة بدلع: هههههههههههه. قاسم: يا رب. في الصباح. روعة: قاسم، قاسم، قوم يا قاسم. يفتح قاسم عينه: في إيه؟ روعة: روح لفاطمة. يغلق قاسم عينيه مرة أخرى: مالها فاطمة؟ روعة وهي تجلس بجواره: عشان متقولش إنك كنت عندي من امبارح. قاسم: ليه خايفة منها؟ روعة: وأخاف منها ليه يعني؟ أنا بس بقول كده عشان متتكلمش. يستيقظ قاسم ويجلس بجوارها: بس إيه القميص الحلو ده؟ روعة: شوف أنا بتكلم في إيه وأنت بتقول إيه.

قاسم وهو يشير إلى ذراعه: متيجي أحكيلك حكاية الغرز دي. روعة: دي واه. قاسم وهو يسحبها إليه: آه، شفتي؟ تعالي أحكيلك بقى. روعة وهي تحاول الإفلات منه: يا قاسم، قوم بقى. قاسم: استنى بس. روعة وهي تبعد عنه: قوم يا قاسم بقى. قاسم: طب ينفع أقوم كده؟ روعة: كده إزاي يعني؟ قاسم: تعالي وأنا أقولك. روعة: بص، خليك، وأنا هبعتلك فاطمة هنا. قاسم: ههههههههههه، ابعتيها. روعة: لا والله، أبعتها؟ طب قوم بقى عشان... قاسم: هتعملي إيه؟

روعة: قاسم، عشان خاطري، قوم بقى. يقوم قاسم ويتجه إلى الحمام: خلاص هقوم أهو، بس متنزليش غير لما أطلع. عند روان وريم. روان: بتكلمي روعة؟ ريم وهي تضع كوب الشاي: والله يا روان بقالي فترة كبيرة بكلمها مش بترد، وفونها مقفول. روان: ومطمنة عليها؟ ريم: هي مع جوزها. روان: ده يقلق أكتر. ريم: ليه يعني؟ روان: مش بتقولي إنه كبير عنها، ده ممكن يضربها. ريم: معتقدش، وروعة مش هتسكت. وبعدين سيبها في حالها.

روان: تعرفي إن أحمد من ساعة ما عرف وهو يتجنن، وقالي لو أموت جوزها ده... بيحبها أوي. ريم: إنتي قلتي أهو، جوزها، واللي أعرفه عنه إنه ممكن يعمل أي حاجة تخطر في باله، ف أكيد مش صعب عليه يلبس أخوكي تهمة. ف قولي لأخوكي يشوف حد تاني غير روعة. روان: أنا ماشية. ريم: مع السلامة. تنظر إليها روان بغيظ وتتركها وترحل. عند مجدي في الشركة. رامي: عملت إيه في الشراكة اللي بينا وبين قاسم؟ مجدي: لحد دلوقتي ماشي كويس.

رامي: تفتكر يلعب بديله؟ مجدي: اللي أعرفه إنه لو عرف إننا بندخل مخدرات عن طريق السفن مش هيسيبنا على وش الأرض. رامي: امال إحنا بعناله روعة ليه؟ مجدي: اسمها جوزناها. رامي: إنت عارف إننا بعنالها وهو وافق؟ مجدي: لا، إحنا مبعنهاش، إحنا حطيناها في مزاد، اللي هيتجوزها هيبقى شريكنا. رامي: مش هتفرق. مجدي: طب يلا على المينا، الشحنة الجديدة جاية. رامي: يلا يا بوص. عند روعة وقاسم. يخرج، يرى روعة تضبط السرير.

قاسم: بتتتعبي نفسك على الفاضي. روعة: ليه؟ قاسم: هترجعي تضبطيه كل يوم بعد ما أمشي. روعة: خلصت. ثم تقترب منه. روعة: إنت هتنزل وأنا كمان شوية وهنزل عشان محدش يشك فيا. قاسم بصوت واطٍ: إحنا بنسرق؟ روعة بنفس الصوت: ليه؟ قاسم: أصلك بتقولي محدش يشك، إنتي مراتي. روعة: اعمل اللي بقولك عليه. قاسم: هعمل وأمري لله. يتركها وينزل، وبعد قليل تنزل روعة وتتجه إلى المطبخ تحت عيون قاسم ومغازلتها. روعة وهي تضع الطعام أمام قاسم.

يضع قاسم يديه على خصرها. تحاول روعة الإفلات منه حتى لا تعلم سانية بما يفعله ابنها. تخبط روعة ساقيها بساق قاسم. قاسم: آآآه. سانيه: إيه يا ابني؟ قاسم وهو ينظر إلى روعة: لا يا أمي، مفيش. تنزل فاطمة تتجه إلى السفرة. فاطمة: صباح الخير. الجالسين: صباح النور. تجلس فاطمة ثم تقترب من قاسم: صحيت، ملقيتكش جنبي. قاسم: صحيت، محبتش أصحيكي، نزلت. فاطمة: آآه. يكملون فطار، وقاسم يفضل يبص على روعة من وقت لآخر.

سانيه: جهزت كل حاجة للعيد يا ابني. قاسم: أيوا يا أمي، كل حاجة جاهزة. روعة: هو إنتو بتعملوا إيه في العيد؟ سانيه: بصي يا حبيبتي، الصبح قاسم وسامر بيروحوا يصلوا، وبعد كده بنقعد شوية كلنا، الجزار بيجي عشان نضحي. روعة: مش هتعملوا كحك؟ قاسم: ده عيد الأضحى مش الفطر. روعة بسرها: الاتنين نفس الشيء. تمر الأيام ويأتي سامر من الإسكندرية. يوم الوقفة. في المساء. يجلس قاسم وبحضنه روعة على الأريكة يشاهدون فيلماً. في الغرفة.

روعة: حبيبي. قاسم وهو مازال يشاهد: نعم يا حبيبتي. روعة: أنا مش عايزة كده. قاسم: كده إزاي يعني يا حبيبتي؟ روعة: إنك تروح لفاطمة وبعد كده تيجي هنا. قاسم: طب وإنتي عايزة إيه؟ روعة: عايزة إني أنام هنا على طول. قاسم: وفاطمة دي مراتي زي ما إنتي مراتى. روعة: بس أنا مش عايزة حد يشاركني فيك. قاسم: روعة، اقفلي الموضوع دا، هي مراتي وليها حق عليا مهما حصل. تخرج من أحضانه وتذهب إلى السرير. قاسم: هو إيه ده؟ رايحة فين؟

روعة: أنام، بكرة العيد. قاسم: تنامي؟ روعة وهي تغمض عينها: أيوا. يقوم قاسم بخلع تيشرته ويتجه إلى روعة. قاسم: قال نوم قال. في الصباح. ترفع الأصوات بالمساجد. تقف روعة أمام قاسم تعدل من لياقة جلبابه. قاسم وهو يقبل يديها: كل سنة وإنتي معايا. روعة وهي تقبل يديه: وكل سنة وإحنا مع بعض. ثم يخرج علبة من دولابه. روعة: إيه ده؟ يفتحها ليرى طقم من الألماظ. روعة: واو، ده ليا؟ قاسم: مفيش حد غيرك يلبسه. ثم يلبسها إياها.

تتوجه روعة إلى المرآة. روعة وهي تتحسس العقد: تحفة يا قاسم. يأتي قاسم من خلفها ويحضنها ثم يضع قبلة على رقبتها. قاسم: تحفة عشان إنتي لبستيه يا قلبي. تستدير إليه وتقوم باحتضانه. يرفعها قاسم عن الأرض: ربنا يخليكي ليا. ثم ينزلها. قاسم: يلا ننزل. روعة: يلا. ترتدي نقابها ثم ينزلان. قاسم: كل سنة وإنتو بخير. سانيه: وإنت بخير يا ولدي. فاطمة: وإنت بخير يا قاسى. سامر: وإنت بخير يا كبير. قاسم: طب يلا يا خويا.

يذهبان إلى الصلاة، وتخرج روعة وفاطمة وسانية إلى الحديقة. بعد الصلاة يأتي قاسم وسامر وينضمان إليهم. سانيه: روحي فتحية، هاتى العلبتين اللي في الدولاب بتاعي. فتحية: حاضر يا هانم. بعد قليل تأتي فتحية بعلبتين. تفتحهما سانيه: دي عشانك يا روعة. عبارة عن طقمين من الذهب. روعة: ليه دا كله يا ماما؟ سانيه: دي عدتك يا حبيبتي، لبسيها يا قاسم. يأخذ منها قاسم ويلبسها. ثم تفتح العلبة الأخرى. سانيه: ودي ليكي يا فاطمة.

فاطمة: شكراً يا مرات عمي. سانيه: لبس الهنا يا ابني. يأخذ منها قاسم ويلبس فاطمة. روعة: عن إذنكم، هطلع فوق وأجي. قاسم: في إيه؟ روعة: لا مفيش، هطلع وأجي على طول. قاسم: طيب. بعد قليل يسمعون صوت روعة تستنجد بهم. روعة: آآآآآآآآآآآآآه، الحقووووووووني. يصعد إليها قاسم ومن بعده سامر وسانيه. ممكن تكون روعة حصلها إيه.