رواية صفقة العمر الفصل الثالث 3 - بقلم منة احمد

سليم: وفيه حاجة كمان، وهي إني هعلن عن خطوبتي أنا والآنسة مريم محمود. الجميع بصدمة: نعم؟ سليم: افهموا، دي خطوبة بس، يعني مفيش جواز. محمود بصدمة: انت بتقول إيه؟ سليم: الناس مش هتصدق إننا رجعنا واتحدنا تاني بعد اللي حصل زمان، وكده الكل هيتكلم. احنا هنعلن عن خطوبتي أنا وبنتك، وبعد ما المشروع ينتهي هي حرة. محمود باعتراض: لا طبعاً، مش موافق على المهزلة دي. كل ده ومريم بتتابع في صمت.

سليم وهو يضع رجل على رجل: محمود بيه، ممكن تعرفني انت هتمول المشروع ده إزاي، وانت رأس المال بتاع شركاتك حالياً لا تسمح بمشروع زي ده؟ محمود بارتباك: الكلام ده مش صحيح طبعاً. سليم بثقة: لا صحيح يا محمود بيه، أنا قبل ما أعرض عليك شراكة زي دي، كنت عارف إن شركاتك لا تسمح حتى إنها تمول واحد في المية من المشروع.

محمود: إحنا دلوقتي بنلعب على المكشوف. أنا وافقت بشركتك عشان تمول المشروع، وإنت محتاج المشروع عشان ترجع اسمك في السوق تاني. سليم: وكل ده مش هيحصل غير بخطوبتي أنا وبنتك. محمود: وأنا موافق. مريم: وأنا مش موافقة يا بابا! انت... محمود: خلاص يا مريم. عن إذنك يا سليم بيه، وبكرة نعلن عن المؤتمر وخطوبتك إنت ومريم. *في قصر عائلة الراوي* مريم بعصبية: بابا، إنت إزاي تقول إني هتخطب لسليم؟ محمود: مافيش قدامنا حل غير ده يا مريم.

مريم بحزن: بابا، إنت عارف إني بحب عاصم ابن خالتي، إزاي هتخطب لسليم وعاصم؟ محمود: أنا هكلم عاصم. مريم: مش هيوافق يا بابا، مش هيوافق. وانهارت في البكاء. محمود: حقك عليا، بس لو المشروع ده متتمش هنخسر كتير أوي يا بنتي. مريم بقلة حيلة: خطوبة بس يا بابا، مش كده. محمود: أكيد، ولما المشروع ينتهي هتنتهي معاه علاقتك بسليم الأنصاري. *في أوضة محمود* المجهول: أيوه يا محمود بيه، كل اللي اتفقنا عليه هيحصل.

محمود: تمام، خليك معايا على اتصال وقت ما أقولك نفذ، نفذ وفلوسك هتوصل لحد عندك. المجهول: اللي تؤمر بيه. أغلق الهاتف وجلس يتذكر. محمود: خدي يابت هنا. كريمة: أنا عملت إيه يا بيّه؟ محمود بصرامة: كريمة، تعالي هنا. محمود: كريمة، الاخت هي الضلع الأساسي في حياة أخوها، وإنتي ضلعي، إنتي القوة والضعف بالنسبة ليا. عايزني لما أشوفك واقفة بتضحكي مع واحد، أجي وأقفلك؟ كريمة: آسفة يا بيّه. محمود: كريمة، أنا مش عايش ليكي العمر.

كريمة بمقاطعة: بعد الشر يا بيّه. ثم مفيش حاجة هتفرقنا مهما حصل، هتفضل ليا سند وضهر، وهفضل ضلـعـك الثابت. *عودة للحاضر* محمود وقد نزلت بعض الدموع من عينيه: ياه، كان كلام. جه اليوم اللي أشوفك فيه. من 31 سنة ومقدرش أضمك فيه، كنتي قدامي ومعرفتش أقولك قد إيه أنا مشتاق إني أضمك ليا وأتكلم معاكي. *في صباح يوم جديد مليء بمفاجآت* سليم: يزن، حضّر نفسك عشان المؤتمر. وإنتي يا أمي، حضّري نفسك لأنك هتكوني العضو الأساسي النهاردة.

كريمة: بس يا ولدي. سليم وهو يقبل يدها: ده أقل شيء أقدمه ليكي. اكتفت كريمة بابتسامة. *في أحد الفنادق الضخمة* سليم: تحضيرات المؤتمر عايزها تكون على أعلى مستوى. وعرفت الصحافة والإعلام. عمر: كل حاجة تمام يا سليم. *في المساء* محمود: طبعاً شرفتونا كلكم. وأنا النهاردة جاي عشان أعلن عن الشراكة بين شركات الراوي والأنصاري تاني، بعد انفصال 31 سنة. رجعنا اتحدنا تاني.

سليم: وطبعاً عندنا مفاجأة ليكم، وهي خطوبتي على مريم محمود الراوي. وقبل أن يكمل حديثه، وقع مغشياً عليه.