رواية صفقة زواج الفصل الحادي عشر 11 - بقلم ميساء عنتر

الصعيد سليم بصوت عالي: اخلص خدوهوها فين؟ الحارس: المقابر. سليم بخوف: لييييي؟ الحارس: هيدفنوها. سليم سابه وجري هو ورشدي على مقابر البلد. وشافوا... فيلا السيوفي الاب: لسا هيتكلم قاطعه عمر داخل شايل نور. روز: نور مالها يا عمر؟ عمر: مفيش يا حبيبتي، تعبت شوية بس. هنطلع نرتاح. الاب: اطلع يا بني. عمر أخد نور وطلع الأوضة. نرجع تاني للصعيد سليم راح وشاف أهل حور واقفين قدام قبر وبيقرأوا الفاتحة. سليم بص للقبر وشاف:

(قبر المرحومة حور الرشيدي) سليم بصراخ: حووووووووور! وراح ضرب الرشيدي. الحراس ضربوا الباقي. رشدي: سليم يابني افتح القبر دا. سليم قرب من القبر وهو خايف ليكون جرالها حاجة وفتحه. وشاف معذبة قلبه جثة هامدة لا حول ولا قوة. سليم بدموع شالها وطلع بيها: حوري، حوري يلا أنا جيت أهو، قومي معايا. رشدي: شوف نبضها يا بني. سليم شاف النبض يكاد معدوم. سليم شالها وراح أقرب مستشفى. وخدوها الطوارئ. سليم:

يارب، يارب خليها ليا يارب، مقدرش أعيش من غيرها يارب. رشدي قاعد يدعي لبنته إنها تطلع بالسلامة. في فيلا السيوفي نور: عمر، عمر. عمر بجمود: نعم. نور بدموع: أنا آسفة. عمر بصوت عالي: آسفة على إيه؟ لأ، آسفة ولا حاجة، محصلش حاجة خالص. نور بعياط: إنت كنت عاوز بيبي. عمر: أنا اه كنت عاوز بيبي، بس إنتي بالنسبالي أهم. أهم حاجة يا نور، حرام عليكي. نور: متخافش، أنا كويسة وإن شاء الله هكون كويسة بعد الولادة. عمر حضنها بخوف:

يارب، يا نوري، يارب. نور: طب، طب حور كويسة؟ عمر: أيوا، سليم جابها وجاي في السكة. نور: الحمد لله. عمر: بس إنتي رجعتي الشقة إزاي؟ صبري البواب طلع وملقاش حد. نور: مش عارفة، هما جم خدونا وفقت في المستشفى. عمر: مش مهم، المهم إنك كويسة. نور بنعاس: اممم. عمر أخدها في حضنه: نامي يا نوري، نامي. نور راحت في النوم على طول من التعب. عمر فضل قاعد بيحاول يرن على سليم. في أوضة روز قصي: روزي. روز: نعم. قصي: حدديلي معاد بقي. روز:

حاضر يا قصي، هقول لبابا بكرة. قصي: تمام يا قلب قصي. روز: هقلب بقي، هموت وأنام. قصي: تصبحي على جنة يا قمر. روز: وإنت من أهلها يا عيوني. وقفت ونامت. في فيلا الصياد نجوى: رشدي مش بيرد عليا يا مليكة. مليكة: أهدي يا ماما، إنشاء الله خير. نجوى: أنا قلبي مش مطمن. مليكة: أهدي يا حبيبتي، أهدي. في المستشفى بعد ٤ ساعات الدكتور خرج. سليم بلهفة: خير يا دكتور؟ هيا، هيا كويسة؟ الدكتور:

الحمد لله، الحالة في العناية. أما تفوق هننقلها أوضة عادية. سليم: ممكن أدخلها؟ الدكتور: تمام، مفيش مشكلة. الدكتور مشي وسليم اتعقم ودخل العناية. سليم: حوري، مش متعود عليكي كدا. قومي يلا، علفكرة إنتي وحشتيني أوي أوي. مش قادر أصدق إنك كنتي هتروحي مني. أنا بحبك، بحبك أوي يا حور. وطبع قبلة خفيفة على شفتيها. بعد شوية... حور بدأت تفوق.