رواية صفقة زواج الفصل الرابع 4 - بقلم الكاتبة الصغيرة

سليم.. وأنا مين؟ لورين.. أنت جوزي. سليم.. يعني اسمي إيه يعني؟ لورين.. في أي.. إيه الأسئلة الغريبة دي؟ سليم.. بتأكد إذا كنتِ فقدتي الذاكرة ولا حاجة. لورين.. هو أنا مش عارفة أقولك إيه، بس بصراحة حاسة إني عارفاك من زمان. ولما صحيت لقيتك نايم جنبي وحاضني، قولت أكيد أنت جوزي، بس مش فاكرة غير اسمي، ولا فاكرة اتجوزنا إزاي. هو إيه اللي حصلي؟ ولا أنا متعورة ليه؟ وجيت هنا إزاي؟ ولا أهلي مين؟

أنا تايهة أوي، بس حاسة إني مطمنة معاك. وراحت مسكت إيده وسط زهوله. لورين.. أنت جوزي، مش كده؟ سليم.. هاا. لورين.. اطلب لنا فطار تاني بقى لما أغير. سليم.. طيب يا لورين، طيب. لورين.. مبتاكلش ليه؟ سليم.. أصل أنا متعود إنك بتأكليني. لورين.. بجد؟ سليم.. أيوه. لورين.. حاضر من عنيا. سليم.. تسلم عيونك يا قلب سليم. لورين في سرها.. يا ابن الكدابة، إيه المحن ده، شكله ما صدق، يلا أديني بتسلى. سليم.. سرحتي في إيه؟

لورين.. مفيش، افتح بقك. سليم.. هو انتي مش هتيجي تقعدي على رجلي وأنتي بتأكليني؟ انتي اتغيرتي أوي على فكرة. لورين.. أنا!! سليم قام وقف ودالها ظهره وابتسم بخبث. لورين في سرها.. طيييب. لورين.. احمم، أنا آسفة بس ناسية كل حاجة، ابقي فكرني، يلا تعالى عشان تاكل. سليم قعد تاني وهي أخدت كوباية الشاي وبسكوته وراحت عنده وقامت دالقة الشاي فوقه. لورين.. ااااه، آسفة آسفة والله، أنا اتكعبلت مخدتش بالي والله.

سليم قام بسرعة فك زراير القميص ودخل الحمام. هي ضحكت وراحت قعدت على السرير وهي بتتمايل وبتقطم البسكوت. سليم في الحمام.. يا بنت الـ... فكراني عبيط وهصدقها، بس ماشي خلينا نشوف آخرتها إيه. سليم خرج من غير القميص وهي قاعدة، لفت وشها بسرعة. سليم راح عندها.. مالك بتلفي وشك ليه؟ لورين حطت إيدها على وشها.. مفيش، روح البس، هتبرد كده. سليم شدها ليه، كانت في حضنه يعتبر.. شكلك مكسوفة.

لورين وشها جاب ألوان وهي بتحاول تبعد عنه وهو ماسكها جامد وحاطط إيده على وسطها وبيقرّبها ليه. سليم.. مالك يا حبيبتي، في إيه؟ لورين اتنفضت من الكلمة، أول مرة يقول كده.. مـ مفيش، بس مكسوفة منك شوية، يعني ناسيه وكده، فاهمني. سليم.. ماشي، نكسر حاجز الكسوف ده. لورين بتوتر.. يعني إيه؟ فجأة لقيته شايلها ورايح بيها على السرير. لورين.. عااا، يا خااالي، يعوض ودوني الورشة. سليم حطها على السرير وهو لسه بيقرب منها وهي بترجع لورا.

قرب منها لدرجة بقا نفسهم واحد، وهي بتبعد لغاية ما جابت آخرها ووشها جاب ميه. سليم حط إيده على وشها وحرك صوابعه ببطء، وهي جسمها كان بيقشعر من حركاته. إيده وصلت لشفايفها، وهو أصلًا كان ضعف بجد مش تمثيل، فضل يقرب لغاية ما شفايفه لمست شفايفها ولسه هيبوسها، زقته بسرعة. لورين.. سليم، مينفعش كده، ابعد. سليم.. وأنتي فكراني هقرب منك؟ لورين.. أمال إيه اللي حصل ده؟

سليم نزل من على السرير.. بعد كده ابقي اخترعي كذبة تنفع، أو مثلي كويس عشان أصدقك. لورين.. إيه اللي بتقوله ده؟ سليم.. يعني انتي مش فاقدة الذاكرة ولا الكلام الفاضي ده؟ لورين.. وانت بتجاريني ليه وانت عارف، وبتأكليني في بوقي وبتاع، إيه القرف ده؟ ليه ملكش إيد؟ سليم.. كنت بتسلى. ولو كنتي كملتي كنت هكسر حاجز الكسوف زي ما بقولك، ولا إيه يا.. يا مراتى؟ لورين اتحرجت ولفّت وشها الناحية التانية، واتصدمت لما لقيته باسها في خدها.

سليم وهو واقف على الباب وبيلبس القميص بعتلها بوسة في الهوا وغمز ومشي. هي كانت حاطة إيدها على خدها ومصدومة.. إيه المجنون ده. الوقت عدى والليل جه وهو لسه برا. بعد كام ساعة جه وهي كانت نايمة، دخل الحمام وخد دش وخرج ينام، لقاها بتتكلم في الحلم. لورين.. آدم، ابعد، لحد يشوفنا، ميصحش كده. سليم. لورين.. ههه، بعشقك بجنون. سليم اتضايق مع إنه مجرد حلم، راح عندها ولسه هيصحيها. لورين.. خلاص، تصبح على خير.

سليم.. نام الحمدلله، وبعدين مين آدم ده؟ نفسي أعرف، لا وكانت هتحلق له امبارح، هي متجوزة من ورايا؟ راح نام وهي صحيت تضحك عليه.. هجنن أمك بس استنى عليا. تاني يوم... لورين.. أنا عايزة أخرج. سليم.. مليش مزاج. لورين.. وأنا مالي يعني؟ أنا جاية هنا عشان أقعد في البيت، عايزة أتفسح، يلاا، قوم بقى، أنا داخلة ألبس. سليم.. استن... لورين.. يلاااا قوم. أكلوا في مطعم واتمشوا على البحر وراحوا الملاهي. سليم.. خلاص كده!

لورين.. عايزة أتصور عند برج إيفل عشان أغايظ صحابي لما أرجع. سليم.. إيه التفاهة دي؟ يلا أمرى لله، متجوز طفلة والله. بعد شوية كانوا واقفين عند البرج. سليم.. روحي اقفي وأنا هصورك. لورين شدته من إيده.. هتصور أنا وانت مع بعض. سليم استغرب حركتها بس راح معاها. لورين.. Pourriez -vous nous faire une photo s'il vous plait? .. Eh bien, vous êtes le bienvenu. الحوار ده إن هي قالت لحد يصورهم وهو وافق.

كذا وضعية، مرة وهو واقف جمبها عادي، ومرة وهي رافعة إيدها بتشاور على البرج، ومرة بتتصور ببالونة. لورين.. شيلني. سليم.. نعم؟؟ لورين.. عايزة أتصور كأننا متجوزين، إيه عيب ولا حاجة، خلص شيلني. سليم.. ظهري يا مااا، هو أنا كاسب في كيس شيبسي؟ لورين بحزن.. خلاص مش مشكلة. لقيته بيشيلها.. قموصة. لورين ضحكت وهو كمان، والصورة طلعت تحفة. وصورة تانية وهو بيبوسها في خدها زي الصورة اللي تحت دي. خلصوا الفسحة دي وروحوا البيت.

لورين.. الله، كان يوم جميل جدا، شكراً يا سليم. سليم.. عفواً. لورين راحت عنده وباسته في خده وبعدين ابتسمتله. سليم ببلاهة ابتسم هو كمان وعيونهم اتقابلت. لورين.. تصبح على خير. وراحت غيرت ونامت وسليم كمان. قاسم.. يعني إيه؟ الموظف.. يعني لو حصل أي خلل في الملفات دي أو حد اكتشف حاجة ببلاغ واحد الشركة تروح في داهية وكل الأسهم هتخسر. قاسم.. والطرف التاني هيعرف إزاي وهو لسه أسبوعين على أمضة الورق؟

الموظف.. باينة جداً يعني، لو هو دقق في الورق هيعرف، خد حذرك يا قاسم بيه. قاسم.. طيب اتفضل على شغلك دلوقتي. سليم صحي على صوت تليفونه.. الو. قاسم.. نايم لسه؟ قوم بقى، وبعدين أنت استحليت القعدة عندك وسايب الشركة هنا بتخسر. سليم.. في إيه بس؟ إيه اللي حصل؟ قاسم.. تحجز بكرة وتنزلوا، ولما تيجي نتكلم. سليم.. أنا مش فاهم حاجة، وبعدين أنا المفروض أصلاً مليش دعوة بالشركة وأنت عارف، يبقى لما تخسر تجيب الذنب عليا.

قاسم.. أنت ناسي اتفاقنا ولا إيه؟ ولا أنت حبيتها؟ سليم.. مش قصدي بس.. قاسم.. أنا هخلص العقد بعد أسبوعين، فشوف هتعمل إيه، ولما أبوها يعرف أصلاً علاقتنا هتتقطع ومش هيخليها على ذمتك. سليم بتوهان.. يعرف إيه؟ قاسم.. إن... سليم.. إيه؟