رواية صفقة زواج الفصل الخامس 5 - بقلم الكاتبة الصغيرة

سليم الو الو بابا راح فين ده؟ لورين صحيت.. في حاجة ولا إيه؟ سليم لأ مفيش. بس هننزل بكرة عشان بابا محتاجني في الشركة. لورين وأنا كمان بابا وحشني. سليم أنا نازل، ابقي افطري انتي. لورين ماشي. سليم ولا أنزل؟ لورين ضحكت براحتك. سليم لا ده إحنا نطلب فطار وتأكليني في بوقي بقى. لورين وأقعد على رجلك؟ إنت بتقول حاجات غريبة. كنت هموت واضحك والله، بس في الآخر كشفتني. سليم

ده المفروض يحصل أصلا، بس إنتي معندكيش ربع جنيه رومانسية. كأني متجوز واحد صاحبي. لورين مالي يعني، لو مش عاجبك طلقني. سليم قريب حاضر. لورين حست بحزن، هي مش عارفة ليه. بجد؟ سليم ليه مش عايزة نتطلق؟ ده إنتي مش طايقاني، صح ولا إيه؟ لورين لأ، أنا بس بسأل عشان أجهز الاحتفال بتاع الطلاق. سليم يعني للدرجادي عايزة تخلصي مني؟ ولا عشان تروحي لآدم؟ لورين آدم مين؟ سليم اللي مقرفاني بيه ده. على فكرة أنا بدأت أتضايق منه.

لورين ضحكت عليه ده حبيبي بعشقه أصلا. سليم اتضايق والله! مين ده يعني؟ لورين وإنت إيه اللي مزعلك كده؟ سليم مش يمكن غيران؟ لورين احمم، معرفش. إنت أدرى. بس اللي بيغير ده بيكون حابب الشخص، وإنت مش بتحبني. سليم مين قالك مش يمكن حبيتك؟ لورين وشها احمر. سليم ضحك على شكلها. ياااه، ده إحنا بنتكسف أهو. لورين بس بقى، إنت رخـم. وجت تقوم شدهـا ليه. سليم مش هتقولي مين آدم؟ لورين تحاشت النظر في عينه حبيبي. سليم رفع وشها ليه

مينفعش حد يبقى حبيبك غيري، فاهمة! لورين اتوترت ده كان بطل في رواية يا سليم اسمه آدم الكيلاني. إنت مكبر الموضوع أوي يعني. سليم وبتحلمي بيه؟ لورين كنت بكراش عليه، بس روان الحرباية أخدته مني. سليم روان مين؟ لورين وإنت مالك! هو أي أنثى وخلاص. سليم بخبث يعني عشان أكراش عليها؟ اشمعنى إنتي يعني. لورين والله! على فكرة هي متجوزة أصلا. ريح بقى. سليم امم، وإنتي متضايقة ليه؟ لورين عشان... مفيش. ابعد بقى خليني أقوم.

سليم ضحك عليها وسابها تقوم، وهي دخلت الحمام جري. وصلوا مصر. سليم دخل وهي جنبه. منى حمد لله على السلامة يا حبايبي. سليم الله يسلمك يا ماما. منى اطلعوا ارتاحوا، وبعدين هصحيكوا على الغدا. سليم بابا فين؟ منى في الشركة. سليم ماشي. سليم يلا يا لوري. لورين حاضر. لورين إيه لوري دي؟ سليم كسلت أنطق النون. لورين ماشي يا سليسليم. سليم كسلتي تنطقي الميم؟ لورين أيوه. سليم

ياااه، كنا ماشيين من هنا مش طايقين بعض، ورجعنا كده. فعلاً مفيش حاجة بتفضل على حالها. لورين ما أنا لسه مش طايقاك عادي يعني. سليم والله؟ لورين أيوه. إيه بتبصلي كده ليه يا ماما؟ سليم انزلي من ع السرير يا جبانة. لورين لأ. سليم فضل يلف وراها وهي تنزل وتطلع على السرير. سليم مسكها أخيراً هبط يخربيتك! لورين وأنا! سليم خدها في حضنه وهو نايم نامي بقى عشان مش قادر والله نعسان. لورين فكرتك هتعاقبني. الحمدلله. سليم

ما إحنا لسه فيها أهو. لورين خلاص آسفة، هنام والله خلاص. سليم باسها في خدها ونام تاني. تاني يوم كان في الشركة وهي في الأوضة بتكلم صاحبتها. لورين لأ، هو قالي مش يمكن حبيتك، يبقى اعترفش كده. هايدي يعني عايزة توضيح أكتر من كده إيه يعني؟ إنتي غبية يابت. لورين يعني أعمل إيه؟ هايدي اعترفي انتي كمان وقوليله. لورين لأ طبعاً. هايدي ليه؟ ده جوزك، إنتي عبيطة. لورين والله أنا كمان حبيته وبحبه يفضل جنبي ويعاند فيا ويحضني ووو.

هايدي بس بس كفاية، راعي إن أنا سنجل. روحي بقى قوليله بدل ما يشوف واحدة تانية يا فالحة. لورين خلاص، أول ما يدخل هقوله. سليم أنا بحبك، وهطلع أجري عشان بتكسف منه. هايدي إنتي متخلفة يابت، حد بيعترف لحد كده؟ لورين امال أعمل إيه؟ هايدي هقولك. اليوم عدى وسليم رجع من الشركة بليل. منى مش هتاكل يا سليم؟ سليم لأ مليش نفس. لورين أكلت ولا لسه؟ منى لسه، قالت هتستناك. سليم هطلع آخد دش وأنام، مش قادر. منى

براحتك يا حبيبي، تصبح على خير. سليم وإنتي من أهله. دخل الأوضة لقاها ضلمة. سليم إيه ده، الأوضة ضلمة إزاي؟ ولورين بتخاف. ليكون حصلها حاجة. ورايح يفتح النور اتكعبل في الكرسي. آآآه. لورين سليم، إنت كويس؟ فتحت النور بسرعة وراحتله. سليم مغمض عينه من الوجع. عارفين لما صابع رجلك الصغير يتخبط دي؟ سليم فتح عينه لينصدم من شكلها. كانت لابسة فستان أحمر كت مبين بشرتها ناصعة البياض، وسايبة شعرها البني الطويل وحاطة ميكب خفيف. سليم

إيه ده؟ لورين إيه؟ سليم إنتي قمر أوي. لورين انكسفت، وشها احمر بقي زي الفستان اللي لابسااه. سليم راح عندها ورجع شعرها ورا ودانها وحط إيد على خصرها مكسوفة مني ليه؟ لورين عادي مش مكسوفة. سليم بس مكنتش أعرف إنك جامد كده. كان فين الفستان ده؟ مشوفتهوش. لورين بس بقى يا سليم. سليم تعرفي أنا كنت راجع مش قادر من التعب، بس بعد ما شوفتك روقت. واسمي بيحلو لما بتقوليه. لورين تعبان مالك؟ إنت كويس يعني ولا حاسس بإيه؟

سليم شدها ليه تاني اهدّي اهدي، أنا كويس أهو. في إيه؟ متبعديش عن حضني تاني بقى عشان متعبش. لورين يا سلام. سليم كنتي قافلة النور ليه بقى؟ لورين كنت عاملة مفاجأة ليك. سليم الله، مفاجأة إيه هي بقى؟ لورين كنت هاجي من وراك وأضربك وأطلع أجري. سليم إيه القرف ده؟ مش عايز مفاجأت تاني. أنا كفاية اتفاجأت من الفستان الجامد ده، بس عاجبني أوي واللي لابساه أجمد. لورين استجمعت نفسها وغمضت عينها وبتاخد نفس. سليم بعدها شوية إيه؟

هترجعي ولا إيه؟ لورين يوه، ده إنت رخـم. كنت هقولك حاجة. سليم ضحك قولي. لورين احمم، بصراحة أنا... سليم هاا. لورين أنااا. سليم هااا بقى، إنتي إيه؟ لورين بحبك. سليم لا مش مصدق، بس ده أكيد مقلب. لورين تؤتؤ. وحضنته. سليم حضنها جامد وأنا بعشقك يا قلب سليم. لورين مش هتسبيني أبداً صح؟ أنا بطمن بوجودك وبحبك تفضل جنبي. سليم أبداً، أنا جنبك دايماً. لورين حضنته تاني.

ومقضين طول الليل أحضان بقى. وأنا وشوية السناجل اللي بيقروا الرواية قاعدين نقول هيحح يسلااام. مش لازم أقول حصل بعد كده إيه، طبعاً إنتوا عارفين. عدى شهر وهما نفس الشيء، وحياتهم بقت جميلة وسليم حبها أكتر وأكتر. قاسم العقد هيتمضي بكرة، ماشي. سليم ماشي يا بابا. راحوا الشركة ومضوا العقد، بس سليم لسه مقرأش ورق الصفقة. كانت مع رضوان أبو لورين. خلص شغله وروّح البيت. لورين اتأخرت كده ليه؟ سليم كان في اجتماع يا حبيبتي. لورين

ماشي، ربنا معاك. سليم وحشتيني. لورين وهي حاطة إيدها حوالين رقبته يا سلام، لحقت أوحشك. سليم اه والله، لو ينفع أفضل قاعد معاكي ليل نهار ومروحش الشركة يا سلام. لورين فكتله الجرافته وفتحت زراير القميص طيب يلا عشان تغير وتتعشى. قال تقعد من الشركة عشان حمايا ينفخك ههه. سليم عمال أقولك وحشتيني وبتاع وتعبان، وإنتي ولا هنا. لورين الله، أعمل إيه يعني؟

سليم قرب منها وبعدين با*سها وفضل على هذا الحال، وهي انسجمت معاه. بعدين بعدت تاخد نفسها وهو كمان بعد. سليم بحبك. لورين وأنا بموت فيك. يلا ادخل غير بقى لما أجيب العشا. عدى كام يوم وسليم كان قاعد بيقرأ ورق الصفقة. مرة واحدة انصدم إن أبوه طلع مزور الأوراق ومخلي رضوان يمضي على ورق مضمون إنه بيكتب الشركة بتاعته لـ قاسم بتوكيل منه، وكمان راهن الفيلا ليه وهتتسلم بعد 3 شهور، وكده رضوان يعتبر فلس. سليم إزاي بابا يعمل كده؟

ده كدب عليا. رمى الورق على المكتب بعصبية وخرج. فين بابا؟ السكرتيرة روح من ساعة يا سليم بيه. سليم ركب عربيته وراح البيت بعصبية. لورين يعني رأيك أعمل كده؟ هايدي أيوا، اشتري واحد وشوفي اتأكدي. لورين حاضر. بعد ساعة كانت ماسكة اختبار الحمل في إيدها وهتطير من الفرحة وعمالة تتنطط، كل شوية سليم وصل وهي سمعت صوت العربية وكانت مبسوطة ومستنية رد فعله لما يعرف إنها حامل. سليم فين بابا؟ منى فوق في المكتب. مالك؟ في حاجة ولا إيه؟

سليم مفيش. وطلع فوق. قاسم في إيه؟ سليم إيه اللي في عقد الشركة ده؟ قاسم ماله العقد؟ سليم بابا متعصبنيش، العقد متزور. إنت إزاي تعمل حاجة زي دي؟ لورين يوه، هو اتأخر كده ليه؟ أنا مش قادرة أتحمل. هنزل أقوله. خرجت من الأوضة وسمعت صوت زعيق عند المكتب، وقفت تسمع فيه إيه. قاسم إيه اللي متزور ده؟ وبعدين هو مش اتمضي وخلاص؟ بتدور في اللي ملكش فيه ليه؟ سليم يعني إيه مليش فيه؟ الشركة دي بتاعتي معاك صح؟

وبعيداً عن كده، إنت سرقت أبو مراتى وضحكت عليه. مخليتش حيلته جنيه، مش ده صاحب عمرك؟ ولا إنت الفلوس عمتك؟ قاسم اتكلم بأدب معايا. وبعدين أنا معملتش حاجة من وراك. كل ده إنت موافق عليه. وبعدين مراتك؟ دلوقتي مراتك؟ مرات مين دي؟ إنت هتصدق نفسك؟ إنت متجوزها غصب عنك عشان الصفقة اللي بينا وبين أبوها تكمل، صح؟ صح ولا نسيت؟ سليم

بس إنت متفقتش معايا على كده، ومقولتليش إنك هتاخد منه كل الشركة والفيلا وكل فلوسه. إنت قولتلي مجرد أسهم وبس، وده اللي خلاني أوافق. إنت كدبت عليا. قاسم الشركة أنا الوحيد اللي خايف عليها. وبعدين مانت متجوز بنته، ابقى اصرف عليها. وهو كده كده هيموت من حسرته لما يعرف وإن أملاكه ضاعت. ولو عايز تطلقها زي ما اتفقنا، هبقى أديلها قرشين. كل ده ولورين واقفة برا بتسمع، وكل كلمة بتقطع فيها مليون مرة. مرة واحدة باب المكتب اتفتح.

سليم بصدمة لورين؟؟؟