رواية صفقة زواج الفصل الثاني 2 - بقلم الكاتبة الصغيرة

سليم: قوليلى بقي تحبى نبدأ ب إيه؟ لورين: نعم؟ سليم راح عندها وهي قاعدة على السرير بالفستان. سليم: يعني نبدأ ب إيه؟ مش الليلة فرح وعريس وعروسة وكده. لورين: ابعد عني عشان ممدش إيدي عليك. سليم: لا عنيفة. وحط إيده على كفتها، قامت لاوية إيده جامد. لورين: قولت ابعد يبقى تستحمل اللي هيحصل... إيه ده، ااااه ابعد يا حيواااان. سليم: اشتمي كمان عشان عقابك يزيد، اشتمي. لورين بوجع: اااه ابعد شعريي، ابعد بقولك. أي الغبا*ء ده.

سليم بيشده أكتر: دلوقتي بتقولي سيبني، أمال عاملي فيها فاندام ليه؟ لورين بجمود: عشان إنت مش راجل أصلاً ولا عمرك شفت تربية، إزاي تمد إيدك على واحدة نسوان. سليم ضحك: واحدة نسوان؟ 😂 وإنتي مفكرة إنك هتلفتي نظري؟ لا يبقى متعرفيش أنا مين. لورين نفضت إيده: مش عايزة أعرف أشكالك. وقامت دخلت الحمام غيرت الفستان، لبست بيجامة كويسة مش ضيقة ولا واسعة، ولمت شعرها كحكة وخرجت عشان تنام. هو كان نايم على السرير وهي راحت نامت على الأرض.

عدى خمس دقايق وطفي النور. لورين بخضة: الكهربا قطعت ولا إيه؟ سليم: أيوه. لورين فضلت تحسس لغاية ما وصلت للكمود وأخدت تليفونها تفتح الفلاش عشان بتخاف من الضلمة. سليم: طفي الزفت ده، مبعرفش أنام في النور. لورين: وأنا مبعرفش أنام في الضلمة. سليم: مش ذنبي، وأنا مالي أمي؟ اخلصي. لورين: مش قفلاه، بقولك. سليم بعصبية أخد منها التليفون ودشدشه في الحيطة: قولتلك مرة محدش بيمشي كلامه عليا. وطلع نام تاني.

لورين فضلت تعيط، هي فعلاً بتخاف وعندها فوبيا. سليم فضل يتقلب: يووووه، مش أسلوب ده. إيه متجوز عيلة في أولى ابتدائي؟ اسكتي بقي. مردتش عليه وفضلت تعيط لغاية ما نامت. الصبح. هو قام خد دش وخرج، وهي سمعت الباب بيتهبد. قامت نامت على السرير من كتر التعب. بعد ساعة كان راجع ودخل، لاقاها كده. لورين: ااااه، إيه ده؟ سليم: ميه. لورين: إنت يا متخلف، حد يكُب على حد ميه وهو نايم؟ إنت إيه يالا؟ بني آدم براس كلبة ولا إيه بالظبط؟

سليم: الكلبة دي اللي هي إنتي، وبعدين مين سمحلك تنامي في سريري؟ قومي. لورين حدفته بالمخدة: أووف، يارب بقاااا، ارحمني. خرجت لقيته قاعد على السرير. سليم: يلا غيري عشان مسافرين. لورين: مش رايحة في مكان أنا. سليم: مليش دعوة، أبوكي حجز تذاكر وقال قضوا أسبوعين في فرنسا. لورين: بابا حبيبي، كان نفسي أروح من زمان، وهو حققلي حلمي أخيراً، بس أنا مش عايزة أروح معاك 😒😒. سليم: إنتي لكاكة أوي، أنا نازل مستنيكي تحت.

لورين لبست بنطلون بوي فريند وتيشرت ودخلته فيه وكوتش أبيض وعملت شعرها ديل حصان. سلموا على أهلهم ومشوا. في الطيارة. لورين: عايزة جمب الشباك، عشان خاطري، عشان خاطري والنبي. سليم: 🤷‍♀️🤷‍♀️ إنتي فعلاً مش طبيعية. اتفضلي اترزعي. في نص الطريق كانت نايمة على كتفه وهو نايم، وفي غطا على وشهم هما الاتنين. سليم فتح عينه، هي كانت قريبة منه جداً، فضل باصص عليها، هي فعلاً ملاك وهي نايمة. الرحلة خلصت ونزلوا الفندق اللي رايحينه.

وأول ما دخلت اترمت على السرير نامت، وهو كمان. بالليل. هي صحت قبله، لقيته نايم جمبها، قامت بسرعة من جمبه، وبعدين استوعبت هي فين وبتعمل إيه. بصتله بخبث وراحت جابت إزازة ميه ووقفت تكُب عليه. هو قام مرة واحدة: يا بنت ال... كانت واقفة تضحك عليه وهو بيمسح وشه من الميه. مرة واحدة لقيته شدها وبحركة واحدة كانت هي تحت وهو فوق. لورين بتوتر: أنااا كنت بهزر والله. سليم بصوت رجولي متحشرج: وإنتي خايفة ليه؟

لورين: هه، لا م مش خايفة، أنا بقولك بس ابعد بقي خليني أقوم. وكانت بتزقه في ميه وقعت من شعره في عينها، غمضت بسرعة. سليم: مغمضة عينك ليه؟ جو الروايات ده مش عليا يعني عشان أقرب أكتر وأبو... زقته بسرعة وقامت: إيه القرف اللي بتقوله ده، في ميه وقعت في عيني من شعرك بس مش أكتر، وبعدين احترم نفسك، أنا مش هخليك تقرب مني أصلاً. مكملتش الكلمة وكانت في حضنه 🙂🙂 اتزحلقت في الميه. سليم: ماهو واضح.

جت تقوم، مسكها هو وقام شايلها وداخل الحمام. لورين: نزلني، بتعمل إيه؟ نزلنييي. سليم حطها في البانيو وساب عليها الميه: العين بالعين والسن بالسن، وكب الميه ب كب الميه. لورين: إنت متخلف، أنا معنديش هدوم وكنت لسه هنزل أشتري وهتعب لو فضلت ب دول، منك للللله يا سلييييم. سليم: خلاص اقل*عي. لورين: 😳😳. سليم: عشان متبرديش 😉😂. حدفته بعلبة الشامبو: اطلع براااا. سابها وطلع. بعد شوية لبست الروب.

لورين: أنا هخرج وأمري لله، أصل جو الروايات والمسلسلات التركي ده وإنه يشوفني يموت من جمالي والكلام ده أكيد مش حقيقي 😏. خرجت بس ملقتهوش، حمدت ربنا وقعدت على الكرسي. لورين: ياترى بقي المخدرات اللي بياخدها دي مخبيها فين؟ قامت تدور في كل مكان لغاية ما لقت علبة كده فيها حبوب، مقرأتش اللي عليها. لورين: أنا بقي هخليك تتوب، يا أنا يا إنت. ودخلت فرغتها في الحمام. بعد شوية لقيته داخل ومعاه أكياس هدوم. سليم: خدي. لورين: ده إيه؟

سليم: شوكلاته. لورين: بجد؟ فتحت الكيس لقيته هدوم، إيه ده دي هدوم!! فين الشوكلاته؟ سليم: يعني أرجعها وأجيب شوكلاته؟ وخلّيكي كده قاعدة بالروب 🌚. لورين اتحرجت: بارد. وأخدت الهدوم ودخلت تلبس. سليم: يووووه، فين الزفت الدوااا؟ لورين: دواا برضو؟ إنت مفكرني هبلة، خلي بالك أنا مش هسيبك للقرف ده. سليم: قرف إيه وبتاع إيه؟ إنتي بتقولي إيه؟ لورين: الزفت اللي بتشربه.

سليم: إنتي مالك ومالي، وبعدين هتعملي فيها مراتي وهتصدقي نفسك، وديتيه فييين؟ لورين: كبيته في الحمام. سليم مسك إيدها بعصبية: إنتي بتتصرفي من دماغ أهلك ليه؟ إنتي اتجننتي؟ مااالك ومال حاجتي؟ لورين: احترم نفسك ومتجبش سيرة أهلي على لسانك. سليم وكان جاب آخره: بت انتي، والله غلطة كمان وأموتك هنا ومحدش يعرف وهقول مشوفتهاش تاني، مرة واحدة ملكيش دعوة بحاجة تخصني، فااااهمه؟

لورين بخنقة بسبب مسكته: لا مش فاهمه، أنا مش مضطرة أعيش مع واحد زيك وأعرض نفسي للخطر. سليم: أنا ماشي عشان لو فضلت شوية كمان ممكن أعمل حاجة م هتحبيها. لورين: اخفي، ويا ريت ماشوفش وشك تاااني. الوقت عدى واتأخر كمان، وهو مجاش. هي أصلاً بتخاف، فضلت قاعدة عن الشباك وبتتخيل حاجات مرعبة من أفلام الرعب اللي بتشوفها. مرة واحدة لقيت النور اتطفي. لورين: يا مامااااااا. قامت بسرعة تدور على تليفونها.

دخلت عند السرير، لقت صوت حاجة بتتحط على الكمودينو، قامت مصرخة. ووقفت مكانها مش قادرة تتحرك من الخوف، وفي صوت نفس في المكان وظلمة كحل. لورين بدموع: أعوذ بالله من الشيطان الرجيم، يوووه بقي إيه الرعب ده، أكيد مفيش حاجة وأنا بتخيل، ياريت سليم كان فضل، على الأقل مكنتش هخاف كده. في صوت تاني حصل، هي قامت مصرخة وواقعة في الأرض من كتر الخوف.