رواية سجدة وزين الفصل الرابع 4 - بقلم شغف الإعصار

دخل أيهم وجلس على الكنبة وأمسك الريموت. أيهم: حورية. جاءت حورية. أيهم: الله يكرمك، هاتيلي طبق فشار. حورية: عيوني، هو إحنا عندنا كام أيهم؟ أيهم نظر يمين وشمال بخوف. حورية: مالك؟ أيهم: بشوف الغول هنا ولا لأ. جسار: لا هنا ياروح أمك، ادخلي أنتِ ومتعمليش حاجة. حورية مشيت بسرعة. أيهم: أنت رخم ياض. جسار جلس بجانبه وأخذ منه الريموت. جسار: عارف. أيهم قام وحاول يمسك منه الريموت. أيهم: هات الريموت ده، أنا اللي مسكته الأول.

جسار ويبعد الريموت: وأنا أكبر منك. دخل زين وهو يدندن. زين: ولا انت ولا هو. وأخذ الريموت. زين: أنا اللي همسكه. أيهم: تعالوا نلعب كورة. جسار: على عقاب. زين وأيهم: موافقين. ذهبوا وارتدوا تيشرتات الرياضة وبناطيل رياضية وبدأوا اللعب. كان حارس المرمى أيهم وأيضًا كان يلعب معهم العمال. زين: عن أيمن، أبوس رجلك تجيب الهدف. أيمن: يابني عيب عليك، أنا لاعيب من زمان. عند حورية كانت تقف في المطبخ تحضر الطعام. دخلت إليها سجده.

سجدة: اسمك إيه يا قمر؟ حورية: حورية. سجدة: عاشت الأسماء يا حورية. حورية: شكراً يا هانم. سجدة: لا هانم إيه، أنا مش كبيرة كده، أنا عشرين سنة، كده اسمي سجدة، خلصتي الأكل؟ حورية: أيوه. سجدة: طب تعالي نقعد على السطح أنا وأنتِ في الهوا شوية. حورية: ماشي. وذهبوا. سجدة: إيه ده، الحديقة قلبت استاد. حورية ذهبت إلى سجده ونظرت إلى ما تنظر إليه. حورية: هما دايماً كده، ولما حد فيهم يكسب بيذل التاني، الصراحة بيخلوا للبيت جو.

سجدة نظرت لزين اللي بيحاول يأخذ الكرة من جسار. وفجأة وجدت نفسها تقول بصوت عالي: زين بسرعة، روح بيمينه، يمينه ضعيف. نظر زين له باستغراب وعمل زي ما قالت وأخذ الكرة وجاب جون. أيهم يجلس على الأرض وبغمزة: شوفت ياض يا جسار، الجواز ليه فايدة إزاي. جسار وينظر لحورية: أوعدنا يارب. زين بصوت عالي لسجدة: أم العيال أهي. وبعت لها قبلة في الهواء. نظرت له سجدة بقرف. جاءت ملك.

وفي ذلك الوقت كان يقف أيهم يستعد لرد ضربة جسار. ونظر لها. وفجأة جاءت الكرة بكتفه المصاب. وقع على الأرض بوجع شديد ويمسك ذراعه. كل من بالبيت سمع صراخه. ملك طلعت جري عليه. ملك بخوف: قلت لك متجهدش نفسك، طول عمرك هتفضل غبي كده. جسار بخوف عليه: مالك ياض؟ أنا صحيح قوي بس مش لدرجة إن ضربة زي دي توقعك؟ وتلك علينا البيت. ملك: أصل البيه... قبل ما تكمل أيهم مسك يدها. زين: ماله يا ملك؟ جسار: مفيش يا جماعة.

وحاول يقوم وهو يضع يده على كتفه حتى لا يروا الدماء. زين ذهب عنده وشال إيده وبان الدم. جسار: دم منين ده؟ جسار فقد وعيه. زين حمله وذهب به إلى غرفته ووضعه بالسرير. ملك كشفت عليه: أيهم يا جماعة معروف إنه مستهتر لأبعد الحدود. النصاب في العملية وجه وخيط ليه الجرح وبعدها المفروض ياكل ويريح نفسه، لا عمل العكس. جسار: طب لما يفوق بس لهكسر دماغه. زين: طب يلا نسيبه يرتاح. وخرج الجميع.

الأم حسناء: أنا معتش عارفة هو بيعمل في نفسه كده ليه. العمة: بكرة يجوز ومراته تاخد بالها منه. جاء الليل.