رواية صغيرة الاسد الفصل السابع والعشرون 27 - بقلم رنا احمد عماد

في القسم .... كانت تقف وهي تنظر إليها بتشفٍّ. وأخيرًا قد أوقعت بها وبشرها. الضابط بغضب: وكمان خالته؟ انتي إيه يا شيخة؟ شيطانه؟ وكنتِ عايزة كمان تلوثي شرفه؟ انتي مش ممكن تكوني أم من الأساس. تحية بغضب وطمع: إيه اللي هو فيه ده كله؟ من حقي مجهود بنتي اللي وقفت معاه لحد ما وصل للي هو فيه، وآخرتها جايب واحدة تاخد مكانها وتاخد كل ده؟ وأنا وابني نطلع من المولد بلا حمص. مراد بصدمة: معقول يا خالتي جواكي كل الحقد ده عليا؟

معقول عمري ما تخيلت إنك تكوني كده أبدًا. تحية بغضب وانهيار: علشان طول عمرك غبي ومبتفهمش ولا بتحس يا مراد. وقعت أنا وابني على إيد مراتك. برافو يا قمر، طلعت ذكية. قمر بحدّة: لأنك شيطانه كان لازم تكون دي نهايتك. انتي حتى حفيدتك مخلّصتيش منها من شرك. انتي مش نادمة؟ كنت مراقباكي كويس وعارفة إنك بتدبّريلي مصيبة علشان تخلصي مني، بس الرد عليكي كان أذكى وأسرع.

الضابط بغضب: يا عسكري، خد الست دي وابنها ده. لسه هيقضوا معانا كام سنة حلوين. في الخارج .... كان يجلس مراد بضيق وحزن شديد، فهو كان يعتبرها دائمًا بمثابة والدته. قمر بحزن وألم لأجله: مراد، أنا آسفة للي حصل. مراد بصدمة: آسفة على إيه يا قمر؟ أنا اللي آسف على اللي حصلك. وشكرًا على كل اللي عملتيه، وإنك كشفتيها قبل ما تأذينا. راحت بشرها، ربنا يجازيها. قمر

وهي تحتضن مراد بابتسامة: كده أقدر أقول إننا ارتحنا يا مراد. أنا وانتِ وملك هنعيش في سعادة وراحة بعد ما خلصنا من الشر اللي كان حوالينا. مراد بعشق: بحبك يا قمر. بحبك أوي. قمر بحب وحنان: وأنا بموت فيك يا روحي. في فيلا الشناوي ❤️❤️❤️❤️. كانوا يجلسون بتعب شديد، فقد بحثوا عنهم في كل مكان. برق برعب: وبعدين هيكونوا راحوا فين بس؟ حازم بحزن واشتياق: أنا هموت من خوفي على جنه.

سليم بعتاب لذاته: ارجعي يا رحمة، ارجعي. وأنا أوعدك إني عمري ما أزعلك تاني أبدًا. جاسر بقلق: إن شاء الله هيرجعوا بالسلامة. كانت تنظر إليهم عشق بشفقة، فهي قد علمت بخطة رعد وأنه يخفي الفتيات، لتقوم بالعزم بإخبارهم بمكانهم. عشق بجدية: ها، لقيتوهم؟ برق بتعب ووجع: لا يا عشق، دورنا عليهم في كل حتة. برضه ملهمش أثر. إحنا هنموت من الرعب عليهم. جاسر بدمع: هما بس يرجعوا وساعتها عمرنا ما هنزعلهم أبدًا.

عشق بخبث: امممم، طب واللّي يقولكم مكانهم؟ برق بلهفة: بتتكلمي جد يا عشق؟ انتي عارفة هما فين؟ عشق بابتسامة: أيوه، في فيلا الساحل، قاعدين هناك. لم تستطع إكمال حديثها، ليسرعون جميعهم إلى الفيلا تحت ضحكاتها الساحرة. أسد وهو يمسكها من أذنيها بمرح: مش كده؟ عيب برضه يا عشق. عارفة رعد باشا لو عرف هيعمل فينا إيه. عشق بابتسامة: رعد باشا ملك من ملوك العشق. أكيد هيسامحني لما يعرف إني جمعت الحبايب مع بعض.

أسد وهو يحتضنها بعشق: بحبك يا عشق. بحبك أوي. عشق وهي تحتضنه بحب: وأنا بموت فيك يا روح عشق. يا أمل عشق اللي رجعها تاني للحياة. من أمام فيلا الساحل .... كانوا يقفون هم الأربعة أمام الفيلا بقلق وارتباك. برق بعصبية وقلق: انتوا هتفضلوا واقفين كده ولا إيه؟ حازم بقلق وعتاب: على قد ما أنا هموت وأشوفها، على قد ما أنا عارف إني جرحتها أوي ومش عارف هقولها إيه لما أشوفها.

سليم بعتاب لذاته: أنا برضه غلطت. كان المفروض أصبر عليها. هي برضه موجوعة ومخنوقة. مكنش لازم أمسك في الكلمة وأنفعل عليها بالشكل ده. جاسر بضيق: أنا كمان غلطت لما حكيتلها موضوع كريم. أنا صحيح فكرت في كده، بس أنا والله بحبها أوي وبجد عايز أخلف منها. برق بعصبية: أنا بقى غيركم خالص. خفت عليها وحبيتها بجد، بس عنادها وغبائها مش مخليها شايفة كده أبدًا. أوووف. المهم يلا ندخل حتى علشان نطمن عليهم.

حازم بحزن شديد: أنا عارف جنه حساسة ورقيقة، وأكيد دمعاتها مبتنشفش من على خدها. جاسر بوجع: وشمس حبيبتي أكيد برضه بتعيط طول الوقت. سليم بألم ووجع: أما رحمة زي الملاك. تلاقي قلبها وجعها، وتلاقيها حاسة إني اتخليت عنها. برق بخوف: وميسرة. على قد جنانها حنينة وغلبانة، وأكيد مقهورة من اللي حصل وقلبها تعبان. علشان كده هموت من الرعب عليها. سليم بجدية: خلاص يبقى لازم ندخل، وزي ما قال عمي رعد، إحنا الرجالة ولازم نستحمل.

برق بجدية: يبقى لازم ندخل. يلا بينا. وأي كان وضعهم لازم نستحمل. حازم باشتياق: حبيبتي يا جنه، وحشتيني أوي. ليتجه الأربعة إلى الفيلا .... في الفيلا. 😂😂😂😂 خطة رعد باشا. ميسرة بمرح وهي ترقص بضحك: أووه، وركبت الـ x6، نجوز بينا نسافر بره. جنه برقص ومرح وضحك: جاي ليه تصالحني ياللي انت زمان جرحتني. رحمة بمرح ورقص وضحك: لوووووووي، هوبا رجعنا ليكم. هنعلم تاني فيكم، جامدين دايماً، عليكم كاسحين كل المجال.

شمس بمرح ورقص: طب يلا، الدنيا زيطة وهنعمل لغبطيطا. أسامينا على الخريطة، معروف مين التقال. ميسرة بمرح: لوووووووي، يلا انتي وهي. الهز ده مش عاجبني. الوسط يروح ويجي كده زي الاستك. شمس بتعب وانفاس لاهثة: آه، تعبت بقا يا ميسرة. جاسر بغيظ وهو يفتعل حركات راقصة: تعبتي إيه؟ من إيه يا أختي؟ متكملي. سليم بضحك: ههههههه، الحق يابرء، مراتك بقت حسن شاكوش. حازم بغيظ: هم دول اللي زعلانين مننا؟

برق بغيظ: طيب يا ميسرة، عملالي فيها فيفي عبدة؟ اصبري عليا. جاسر وهو يمسك يد شمس بعصبية: إيه يا أختي؟ هو ده الحزن اللي انتي عايشة فيه؟ ومحسساني إني دبحتك؟ وانتي ما شاء الله عاملهالي فيها صافيناز. شمس بحزن ودمع: انت فعلاً دبحتني يا جاسر. لما أحس إن جوزي قرر فجأة إنه يخلف مني علشان قصة أثرت فيه، مش علشاني، مش علشان بيحبني وعايزني، يبقى لازم أتوجع وأندبح يا جاسر.

جاسر وهو يقبل يدها بحنان: أقسم لك بالله أبداً. أنا فعلاً قصة كريم أثرت فيا، بس كملتها بحبك اللي بيجري جوايا. روحي يا شمس، انتي عارفة أنا بحبك قد إيه. شمس بدموع: يعني بتحبني بجد يا جاسر؟ وعايز تخلف مني؟ جاسر بابتسامة ساحرة: بحبك وبموت فيكي يا شمسي. حازم بدمع وأسف: أنا آسف يا جنه، ياريت كان لساني انقطع قبل ما يقول اللي قاله.

جنه بدموع ووجع: انت مغلطتش يا حازم. انت قلت الحقيقة. انت ملكش ذنب. انت متكونش أب. سبني يا حازم، سبني وربنا يوفقك مع واحدة غيري. حازم بابتسامة عشق: أنا مش هكون لغيرك، ولا هعرف أكون أب غير منك انتي. جنه بدموع وألم: مستحيل أخلف يا حازم. مستحيل أكون أم. حازم وهو يقبل يدها بحنان: هتكوني يا روحي إن شاء الله. بحبك أوي يا جنه، والله العظيم بحبك وهفضل جنبك طول العمر. جنه بابتسامة وسعادة: وأنا كمان بموت فيك يا روحي.

برق بعصبية: ممكن أفهم إيه اللي بتعمليه ده؟ انتي ناسيه إن قلبك تعبان؟ ميسرة بأمل ونظرة خوف صادقة في عينيه: خايف عليا بجد يا برق؟ برق باعتراف بعشقه لها: طبعاً خايف عليكي. إذا مكنتش أخاف على روحي، هخاف على مين؟ ميسرة بأمل: انت بجد بتحبني يا برق؟ ولا دي خطة جديدة؟ لم يكن رده كلام بل قبلة. قبلة قد أخمد بها غضبه من تلك الغبية. الذي برغم كل ما حدث، وبرغم عشقه الواضح لها، ما زالت تسأل: هل بالفعل يعشقها؟

فذلك القبلة كافية للإجابة على كل أسئلتها. سليم بعتاب شديد لها: كل اللي حصلك بسببي، مش كده؟ رحمة بدموع ووجع: أنا آسفة يا سليم. آسفة، بس غصبن عني. حسيت إني خلاص انتهيت، وإنك خلاص هتبعد وتسيبني بعد اللي حصل. أنا عمري ما حبيت راجل غيرك يا سليم. من حقي إني أخاف. انت عارف كويس إن اللي شوفته في حياتي مكنش قليل أبدًا. متزعلش مني يا سليم. سليم

وهو يحتضنها بعشق وحنان: بس بس يا روحي. اهدي. أنا جنبك وعمري ما أقدر أزعل منك يا روحي. انتي بنتي يا رحمة. رحمة بعشق: وأنا والله بحبك أوي يا سليم. سليم بابتسامة مرح: بس إيه اللي غيرك كده فجأة واداكي الأمل الكبير ده؟ رحمة بابتسامة: عمي رعد. سليم باستغراب: إيه؟ عمي رعد؟ جنه بابتسامة: أيوه، عمي رعد هو اللي حطلنا الخطة دي. ميسرة بابتسامة: قلنا الخطة دي هتثبت مدى حبكم لينا.

رحمة بابتسامة وسعادة: وفعلاً كان عنده حق. اديكم الحمد لله جيتوا واتجمعنا مع بعض. سليم وهو يحتضنها بعشق: فعلاً اتجمعنا. وإن شاء الله عمرنا ما نفترق أبداً. برق بابتسامة وهو يحتضن ميسرة: إن شاء الله تكون حياتنا كلها سعادة وهنا. ميسرة بابتسامة عشق: إن شاء الله يا حبيبي. الجميع بدعاء: أمين يا رب. في فيلا الشناوي ❤️❤️❤️❤️. كانوا يدخلون جميعًا بابتسامة وسعادة. رعد بابتسامة: إيه؟ ضحكوا عليكم؟ برق بابتسامة: كده برضه يا كبير؟

انت اللي مقسيهم علينا. سليم بمرح: مكنش العشم يا رعد باشا. حازم بمرح: انت بتخلص مننا القديم والجديد ولا إيه يا رعد باشا؟ رعد بجدية وثقة: طبعًا لازم أدبكم. دول بناتي اللي لازم يعيشوا زي الملكات، وانتوا تخدموهم وتشلوهم فوق روسكم كمان. وعلى فكرة، أنا حجزت لرحمة عند دكتور تجميل شاطر أوي، ول جنه كمان عند دكتور نساء. عندي إحساس إن إن شاء الله الشفاء هيكون على إيديهم. واجهزوا علشان خطوبة تمارا بكرة.

ميسرة بمرح: الله الله عليك يا رعد يا جامد. بقولك إيه يا فلة، متسلفي عمي رعد الغلابة شوية؟ ربنا هيجازيكي خير. فلة بابتسامة وعشق وتملك: مستحيل. ده روحي اللي ساكنة جوايا. كياني اللي بيشكله هو بإيده. عشقي اللي دايبة فيه بكل جوارحي. رعد بابتسامة ساحرة: وأنا بموت فيكي يا روح رعد. في فيلا الشناوي ❤️❤️❤️❤️❤️. حفلة خطوبة تمارا وساجد..

كانت تجلس بجانبه بسعادة وارتياح. ولكن شيء وحيد قد شغلها. حبيبه الذي تنظر إليها بغضب وضيق. لم تستطيع تمارا الصمود أكثر لمعرفة لماذا هذه النظرات. لتجلس بجوارها. تمارا بابتسامة حنونة: منورة يا حبيبة. حبيبة بضيق وغيره: شكراً. تمارا بابتسامة: ممكن أعرف انتي مش مبسوطة ليه؟ حبيبة بهجوم

شديد وغيره على أخيها: لأنك دخلتي في حياتنا وخدتي مني أخونا. أخونا اللي طول عمره بالنسبة لينا أب وأم وكل حاجة في حياتنا. ليه عايزة تاخديه مننا؟ تمارا بابتسامة حنونة وهي تمسك يدها بحنان: مين قال إني هاخده منكم؟ مستحيل. انتوا الأصل والأساس. وأنا هكون أخت معاكم. زي ما هياخد باله منكم، هياخد باله مني أنا كمان. أنا ماليش إخوات، فانتوا هتكونوا أخواتي. حبيبة بابتسامة: يعني انتي مش هتاخدي ساجد مننا وتخليه ينسانا؟

تمارا بابتسامة وحنان وهي تحتضنها: لا طبعًا يا روحي. إحنا هنكون إخوات وأصحاب وكل حاجة في الدنيا. حبيبة بابتسامة وبراءة: تمام. هروح أجيب عصير. تمارا بابتسامة: روحي يا قلبي. ساجد بابتسامة عاشقة: ما شاء الله. عندي قدرة عجيبة في إنك تخطفي الناس دايماً لصالحك. تمارا بابتسامة وسعادة: الحب يا ساجد هو اللي بيلين الحجر. هو اللي بيخلي القلوب تقرب من بعض. ساجد بابتسامة خبيثة: أفهم من كده إنك بتحبيني؟ قولي آه الله يكرمك.

تمارا بابتسامة وخجل: لو مكنتش بحبك، مكنتش وافقت على جوازنا. ساجد بابتسامة عاشقة: بحبك يا تمارا. بحبك أوي. تمارا بابتسامة: وأنا كمان يا ساجد بحبك. بعد مرور ستة أشهر .... في إنجلترا في المستشفى .... كان يقف برق أمام باب الغرفة بقلق شديد على معشوقته. ليخرج إليه الدكتور بابتسامة. برق بلهفة: ها ي دكتور طمني. الدكتور بابتسامة: الحمد لله، العملية نجحت وزرعنا القلب. عن إذن حضرتك.

برق بارتياح وشكر لله: الحمد لله يارب. الحمد لله. حبيبتي يا ميسرة، خلاص مفيش أدوية ولا علاج. خلاص ي روحي ارتحنا. من داخل الغرفة .... كانت تفتح عيناها تدريجياً لتعتاد على الضوء، لتفيق على ابتسامته الساحرة. برق بابتسامة عشق: حمد لله على السلامة ي روحي. ميسرة بابتسامة تعب: برق، كنت خايفة مفتحش عيني عليك تاني. برق وهو يقبل يدها بحنان: بعد الشر عليكي يا يروحي. انتي زي الفل.

ميسرة بابتسامة حنونة: الحمد لله ي قلبي. أنا آسفة ي برق، آسفة لو كنت مرة زعلتك. أنا بحبك أوي يا برق، أوي. برق بابتسامة عاشقة وهو يقبل يدها: وأنا بموت فيكي ي روحي. في أكبر المستشفيات التجميلية. في غرفة رحمة .. كان يقف سليم وهو يترقب الكشف عن وجه معشوقته. كان يدعي الله أن يشفيها ويجعل وجهها الملائكي مرة أخرى. لكن اتسعت ابتسامته عندما رآها أجمل ممن توقع. سليم بدموع وسعادة غامرة: رحمة، ألف مبروك ي روحي. زي القمر.

رحمة بسعادة ودمع الفرح: بجد ي سليم؟ العملية نجحت؟ سليم وهو يضع المرآة أمامها بسعادة: نجحت ي روحي. نجحت وبقيتي أحلى من الأول كمان يروحي. رحمة وهي تحتضنه بسعادة: الحمد لله ي سليم. الحمد لله ي حبيبي. سليم وهو يقبل رأسها بابتسامة وسعادة: الحمد لله ي قلبي. بقيتي أحلى من الأول كمان ي روحي. رحمة بابتسامة وعشق: بحبك ي سليم. بحبك أوي. سليم بعشق: وأنا بموت فيكي ي روحي. في شقة جاسر .....

كانت تجلس شمس أمام التلفزيون، فهي من أول حملها وقد أصبحت تأكل بشراهة. جاسر بصدمة: إيه ي شمس؟ كلتي كل ده؟ شمس بغيظ: إيه يا جاسر؟ انت بتعد عليا الأكل ولا إيه؟ جاسر بابتسامة عشق: ابداً ي روحي. ألف هنا وشفا عليكي. شمس بابتسامة: نفسي في ولد شبهك يا جاسر. جاسر بابتسامة: أنا بقى عايز بنوتة قمر زيك كده. ياه يا شمس، كل ثانية بتعدي علينا بتأكد إننا مكنش ينفع أبداً نعيش من غير بعض.

شمس بعشق: الحمد لله ي حبيبي. ربنا جمعنا. بحبك يا جاسر. جاسر بابتسامة ساحرة: وأنا بموت فيكي ي روح جاسر. حالا هحضرلك السمك اللي طلبتيه علشان خاطر الواد وأم الواد. شمس بابتسامة وسعادة: حبيبي يا جاسر. في شقة حازم .... كانت تجلس وهي تنظر إلى اختبار الحمل بسعادة ودموع لا تتوقف. فقد رزقها الله بجنين ينمو في أحشائها. حازم باستغراب: مالك يا جنه؟ ساكتة كده ليه؟ جنه بابتسامة وسعادة: أنا حامل يا حازم. حامل. حازم

بسعادة عامرة وهو يحتضنها: الحمد لله ي روحي. مش قولتلك ربنا إن شاء الله هيكرمنا. جنه بدموع وسعادة: الحمد لله. مش مصدقة يا حازم إني هبقى أم. ده أنا كنت خلاص فقدت الأمل. حازم بابتسامة: الحمد لله ي روحي. الحمد لله. ربنا كبير. في شقة مراد .. كانت تقف قمر في المطبخ وهي تعد الطعام. ملك بطفولة وهي تضع أذنيها على بطنها: ماما قمر، البيبي بيتحرك. قمر وهي تقبلها بحب: حبيبة قلبي يا لوكا.

مراد بمرح: وأبو لوكا بقا مالوش نصيب في الدلع ده؟ قمر بعشق: ده أبو لوكا العشق كله. مراد وهو يقبلها بعشق: بحبك يا قمر. بحبك أوي. قمر بعشق: وأنا بموت فيك يا روحي. في شقة ساجد .. ساجد برفض: لا مستحيل. مش هتطلعوا الرحلة دي أبداً. ريم بضيق: حرام عليك يا ساجد. إحنا عيال صغيرين. حبيبة برجاء: أبوس إيدك يا ساجد، توافق. نفسي أروح رحلة.

تمارا بابتسامة حنونة: سيبهم يا ساجد. متخافش عليهم. أنا هوصي عليهم الدكتور أسماء تاخد بالها منهم في الرحلة. ساجد بحنان: خلاص، أمري لله. حبيبة بسعادة: حبيبتي يا تيمو. ربنا يخليكي لينا يا عسل. ساجد بعشق وهو يقبل يدها: لازم تعرفي إني وافقت علشان خاطر يا تمارا قلبي. تمارا بابتسامة عشق: مش بس علشاني. علشان انت أحن راجل في الدنيا. ساجد بعشق: بحبك يا تمارا. بحبك أوي. تمارا بعشق: وأنا بعشقك يا روحي. في غرفة أسد ....

كانت تصرخ عشق بشدة. فهرمونات الحمل تتطور معها بشكل كبير. عشق بصراخ: أسد! الحقني يا أسد! بولد اه! أسد بتعب ونعاس: يا روح قلبي، انتي لسه في الشهر الرابع. ولادة إيه دلوقتي؟ عشق بدموع كطفلة: انت خلاص يا أسد مبقتش بتحبني؟ مبقتش طيقني؟ آه آه. أسد بغيظ: يادي النيلة السودة. حرام عليكي يا عشق. انتي عارفة إني بموت فيكي. عشق ببراءة كالاطفال: طب احلف. أسد

بضحكة عالية وهو يحتضنها: هههههههه. متجوز طفلة. والله العظيم بحبك يا عشق. يا أجمل بنت في العالم. عشق وهي تقبل يده: انت اللي أجمل راجل. أنا محظوظة إني مراتك. غيرت حياتي وأنقذتني من اللي كنت فيه ونورت حياتي. أنا بحبك أوي يا أسد. أسد بابتسامة عاشقة وهو يقبل يدها: وأنا بعشقك ي روحي. يا صغيرة الأسد ❤️❤️❤️❤️ في جنينة الفيلا ... كان يجلس رعد ...

نعيم حارسه الشخصي: كله تمام يا رعد باشا. نادر خلاص اتعاقب على اللي عمله. بلغنا عن بيع المخدرات واتقبض عليه. رعد بثبات: تمام. روح انت ي نعيم. نعيم: تحت أمرك ي باشا. فلة بابتسامة ساحرة: إيه ي حبيبي؟ لسه برضه سهران بتفكر؟ بعد كل اللي حصل، ما خلاص العشاق كلهم اتجمعوا واطمنا عليهم بفضل ربنا وفضلك. رعد بابتسامة ساحرة: الفضل للعشق اللي بينهم ي فلة. العشق ❤️❤️ هو قاهر كل الظروف والعواقب. فلة بابتسامة عاشقة: زي عشقنا كده. رعد

بابتسامة وهو يقبل يدها: لا ي روحي. إحنا من عشق نادر وفريد. عشق ملوك. فلة بعشق دائم لسنوات: بحبك ي رعد. هفضل أحبك مهما تمر السنين وتعدي. رعد بعشق ملك: وأنا بعشقك ي فلتي ❤️❤️❤️❤️. نعم، العشق ❤️❤️❤️ هو أجمل صور ومعاني الحياة ......